姜濤尋日已經到咗會場Rehersal。
再次現身碼頭，冇晒墮海恐懼。
姜濤今日晒出自拍，下巴勁尖有鬚根。
男團MIRROR「人氣王」姜濤近日閉關多天，今晚（22日）將現身國際音樂大賞活動，與多隊當紅韓國組合做拼盤演出，日前佢被偶遇現身銅鑼灣拍攝時，已見到佢明顯瘦身成功，臉頰瘦好多，連雙腿都幼埋，狀態回勇。佢今日晒出再次現身碼頭海邊照，過大海準備今晚表演，對於六月時失足墮海一事再唔係心有餘悸，冇有怕直視恐懼。
佢亦公開自己半臉自拍，只見鼻到下巴位嘅佢，下巴勁尖勁V，未有剃鬚嘅佢更罕見棄青靚白淨Feel，身穿背心嘅佢更見鎖骨凸出，未知今晚演出會否以新形象示人。大批粉絲亦留言大讚佢瘦身成功，並預祝佢Good show：「有阿姜嘅鬚（Show）😍😝一定係GOODSHOW」、「件背心仔同心口仔好吸晴喎😍姜姜知道你好努力準備💪🏻今晚等你炸台😘❤️」
