有冇南嘸師傅解釋吓

點解喪禮要打齋，家屬去黃大仙廟求黃大仙引領亡者修仙咪得

呢啲儀式係做畀生人睇㗎，在生嘅人覺得心安理得就可以，信嘅人就會覺得亡者得救，唔信嘅人咪當做睇場show囉

黃大仙帶住亡者修仙，亡者都可以得救

賺錢架大佬

你去搵長生店買左一個package
就係比錢買哂呢啲野咋嘛
現場唔打齋等幾時

賺錢唔緊要，邏輯講得通就得

唔洗邏輯
有人比錢就得
但同酒樓一樣，好快收皮

黃大仙/神唔一定理你，籤文/掟杯結果好似唔夠肯定
打齋/法事佢哋相信做咗就有效
可以兩樣做晒，冇衝突

哦？即係有求必應都係講吓嘅啫

啲人形容佢靈驗啫
呢句句子唔係喺任何情況下都邏輯一致嘅宇宙定律或者法律契約
佢話「應」你啫，唔等於一定要幫你
佢係高於人類嘅存在，點解一定要幫你？佢又唔係阿拉神燈或者龍珠
你求十億佢又要幫你？諗下都知冇可能

你唔講真係唔知個認字唔係解答應應許，而係應機

咁真係唔明，點解一間廟要標榜佢個主神係會應機，即係暗示有啲廟嘅神係睬你都戇鳩？

唔係宇宙定律先需要邏輯一致嘅，不一致（矛盾）謬誤嘅statement就一定係假statement，係冇可能會發生嘅事態

有冇睇破地獄

首先你要搵出「有求必應」係黃大仙講定佢啲fans講，再研究個「應」字係「應機」定「應許」先有答案，但一定唔會乜都應承你。

一般嚟講，神/仙/佛/菩薩，你求佢哋想要某啲嘢，佢哋多數唔會幫你，點解佢哋要幫你先？佢哋嘅目的係教化眾生，如果你本身係條人渣，佢哋幫咗你，你唔使自己解決人生問題，可以獲得你唔應該擁有嘅嘢，甚至走去害人，噉就梗係唔幫你啦。如果你係好人，有行善同修行，你條命本身有嗰樣嘢，就係爭嗰少少就過到嗰關，佢幫完你會努力修行同幫人，你重會宣揚佢嘅靈驗事蹟，或者佢會幫你。但我哋呢啲凡人唔會知咁多。而我認為信眾喺廟宇求籤掟杯，佢係有回答嘅，但唔一定係你想要嘅答案。

「阿John好helpful」係一致定不一致？阿John唔係機械人，佢決定幫唔幫某個人某件事，背後有好多考慮因素。阿John幫Peter，因為Peter平時對人好，受同事愛戴。阿John唔幫你，因為幫完你有鑊。噉你係咪抽秤佢「又話你好helpful嘅？」

你所舉嘅例子根本冇矛盾

Peter會無條件幫中幫助人並且Peter並非無條件幫助人

呢句先係矛盾述句，即邏輯上必然為假

噉而家有乜嘢問題？黃大仙又唔係話「有求必應但有求必唔應」
大個啦，唔好成日玩文字邏輯去挑剔人，將啲大家都理解到嘅嘢，要用你嘅格式再寫一次先認可
呢類文字邏輯/分析哲學/李天命式質疑，對你嘅生活、人生、靈魂歸處有乜嘢幫助？李天命都去咗扶乩啦

每個眾生都有佢嘅業力
所有嘢都係要靠自己承擔
要心修行嘅話就趁你仲有手有腳嗰陣修

其他宗教亦一樣，要相信同追隨某位聖人，淨係信係唔夠，仲要向聖人仿效同習學先得

係呀冇問題，咁你無啦啦話句嘢不一致唔係宇宙定律做乜？

思辨同迷信係個人選擇，你大可以用扶乩上連登同我傾偈，或者人云亦云天狗食日嗰陣時敲鑼打鼓嚇退天狗

因為覺得你用緊量度死物、計算方程式、物理法則嘅方法去度量人嘅言行，呢度好興
黃大仙成咗仙，但佢同人一樣考慮好多因素，唔係講咗「必」就無條件幫人

AI唔可以變碗飯出嚟食，正如扶乩駁唔到上網，答你問題唔一定要喃嘸師傅，吉儀唔係詛咒物品
你覺得你對靈界同宗教嘅理解好偏頗，建議你睇多啲靈異節目同正統佛教道教資訊

死人錢最好賺
細佬仔邊識呢d

咁我做緊事實判斷，係你自己以為我做價值判斷

文盲亂入係撐我巴打 蝦米巴!
本尊又俾啲時間喺呢個po
quote文哲學debate吓
有文有quote先好 welcome
come and hit me

哲學先好!