應唔應該放棄呢段 friendship

小弟有位女性朋友，我以前曾經鐘意過佢，亦都曾經同佢表過白，雖然佢拒絕咗我，但係我哋都keep住做friend，但係其實我知道佢一直都好介意。直到呢排因為人事調動，我同佢一齊返工，佢成日無端端冷暴力我，跟住轉個頭又笑笑口問我做咩唔理佢。同埋佢對其他同事永遠都係好好，但係對住我就好 harsh ，佢令我懷疑究竟我其實同佢係咪真係friend。

我哋本身有一個四個人嘅 friend group，喺我之前同個女仔表咗白之後，有一段時間冇講過嘢，係之後先好返。所以我一直都好努力維繫呢段friendship ，但係其實我係咪應該放棄呢段friendship ,我覺得維繫得好辛苦，成日咁樣俾佢冷暴力連我自己都覺得好辛苦，冇力再去維繫。

識唔識呢隻英文字

FRIENDZONE

講多一句
你連埋單嘅資格都冇
睇住條女不停俾唔同仔中出啦

beta到

咁我係咪應該放棄呢段friendship,但係會唔會對另外兩個friend好唔公平，因為之前係佢哋幫手搞返掂我之前同佢表白單嘢

可有可無
後備胎同千斤頂都唔算

你宜家對對方仲有冇感覺
男女間要純友誼係難啲
對方嘅冷暴力同harsh有機係想同你劃清界線
但咁樣唔係適當嘅尊重

最簡單都會建議你如果辛苦就唔好再勉強
關係嘅嘢退一步海闊天空
但如果你真係仲想keep
不如就以退為進
睇淡啲段關係先
亦唔好俾佢行為帶動你太多情緒
佢唔理你咪唔理你
你做自己嘢
到佢又重施故技問你做咩唔騷佢
你咪斟酌下係用講笑mode定認真mode
借機表達你嘅諗法同你嘅唔舒服

不過攤牌有機會都係會令你兩個陷入尷尬局面
所以講到尾你都要有放手嘅準備

你咪試下冷暴力番佢，
d女你越對佢差 佢就越緊張你

咁我應該點做，如果唔理佢會唔會太明顯？

你話維繫得好辛苦，有冇諗過對方想唔想你維繫？
Friendship要雙向，單方面你呢種叫死纏爛打

其實我唔想放棄嘅主要原因，都係因為另外嗰兩個friend，因為嗰陣時佢哋喺我唔開心嘅時候真係同我每日都傾電話

但係我哋平時會約出去食飯，又會一齊出去玩，咁樣應該唔算我單方面啩

因為你以前表白過，而佢又完全唔鍾意你，所以響工作環境嘅時候潛意識想表達比其他同事或者可能有鍾意嘅對象知道完全同你唔close。

如果響個group傾偈咪照傾，佢哋約出嚟食飯約埋你，有興趣就出去食，冇興趣就自己話唔得閒叫佢哋食。出到去就開心玩同食飯，工作環境做嘢就算，唔需要主動同佢傾偈亦都唔需要完全當陌生人。人際關係係雙向嘅，冇乜必要為咗人哋去委屈自己。

你好撚缺朋友？

影衰男人
多得你呢d廢柴先有你形容緊嘅呢d女人

表過白被人拒絕就預左無fd做
仲話做fd果d只係收兵

煲得電話粥即係你哋關係唔錯
咁咪同佢兩個打支預防針先再私下維繫囉

係，我哋四個之前有一齊去過旅行。
我有私下同佢哋講過，但係佢哋叫我唔好

其實呢段關係既然覺得咁唔舒服
應該及早斬纜

唔好啲咩
唔好淨係同佢哋私下維繫
定唔好同個女仔絕交，要4個人一齊玩

bro你講嘢需要再清楚明白少少
即係你自己都要有分析有過濾
然後你喺度答我哋問題
都需要盡量提供足夠資訊

唔好絕交

表過白仲要做同事，成件事本身已經係尷尬到仆街
人地仲肯理你已經好撚比面啦
企係對方角度去諗，佢都可能驚你又黎料所以想離遠你
但大家朋友一場或者純粹當你係同事都或者會禮貌地比少少面你

有陣時要識得收，唔係話你肯努力維繫人地就要理你
有D野完左就係完左，由你表得白嗰刻開始已經唔洗再諗短期內可以變返做以前咁
唔可以做好朋友，可以做普通同事hi bye下，成個圈子有野搞先一齊出現下都已經算係咁啦
大家都要D時間消化下啦

點解一定係二元分明
你唔特別搵佢 有事佢搵你大家講兩句交流下 有事幫到手咪走下流程意思意思做到咪做 做唔到唔做
咁咪得
點解你講到一係就繼續做個beta咁款 一係就絕交咁
做乜嘢 你同同事都係咁樣相處？一係就要係好老友 一係各不相干咁
定係你又係覺得好假個啲小朋友

試下熱暴力佢

兵都唔係