紫霞神功其實係咩級別

東方不敗根本獨孤求敗級
已經係草木皆有為劍
如果賸得個快字
用針格得走把劍？
正如你用支筆
幾快都打唔走個啞鈴

起碼比蔡岳甚至林遠圖高
雖然佢有食丹藥輔助
但佢係書中唯一一個靠自己將殘本練成
仲要有切JJ既勇氣

武功本身就冇正邪之分
有善惡正邪既係練功既人

金溶係最早時代最勁

越女劍係戰國時代

所以佢最勁

林遠圖雖然切咗但係都仲係「正派」陣營
東方不敗其實都只係唔理教中事務，由得楊蓮亭狐假虎威
任我行重奪權力之後反而更加痴線要同其他門派正式開戰

其實東方不敗算做到

攞支針打4個用武器的高手
用劍就一早贏左

呢d咪就係靠內力屈人機
類似 傷害=內力*10+ 技能等級*15

金庸d戰鬥系統都算有邏輯

其實金庸戰鬥 或者人生哲理講得好中point

佢都強調要隨機應變 唔可以靠死記硬背

玩開Dark souls 就算boss攻擊幾密集 幾難避 你最後都一定贏到
因為全部boss攻擊模式可以背 背幾多次你就知佢下一招係咩 有咩弱點

如果boss去到無招境界 全部技能唔跟書用
自己改招 咁就好撚顛

係 其實呢個先係無招境界的要訣

再進一步就係九劍合一
唔需要再分咩係破掌 咩係破劍

其實太極拳劍都類似 係個概念 唔係招式

其實打東方不敗都有用 逼到佢有幾招打唔中
不過你想破招 人地已經換左招

人物能力相差太遠
如果速度一樣就有得打

係

佢已經係接近無招境界
仲要4打1係打唔贏 要搵佢條仔威脅佢

金庸第一次有反派能力係冇上限

有啲功本身就係邪
例如切J飲血先練得嘅

我舉岳靈珊贏五嶽班老嘢為例，雖然岳贏係有少少取巧成份，但就係想指出班老嘢嘅基礎戰力真係唔掂。
劍招上岳的確係剋制，但講到內力，劍速，經驗等等以班老嘢幾十年修為，係唔應該輸得
冇記錯有幕岳靈珊仲扔石頭扔到莫大重傷嘔血
當我睇到岳靈珊果Part真係好出戲，佢幾乎係零內力嘅人都可以飛石重傷一個掌門級，班老嘢真係豆腐做。
換轉其他基礎功力高啲嘅，根本係抓癢
唔講射神倚果班，就連袁承志都可以坐喺度一邊任人拳打腳踢一邊寫書法，然後絲毫無損

反而小龍女贏全真二子我唔覺意外，畢竟古墓派+寒玉床栽培下嘅小龍女嘅基礎修為都唔會太差

九劍係你要知對方做乜先破到，你唔知對方做乜破條毛，而東方不敗嘅招，而且係沖哥未見過，亦無近似可以參考，由沖哥遠觀林平之殺木高峰班友，沖哥自己結論係唔係快到反應唔到，係估佢唔到，搞到反應唔切…

呢d咪食腦囉

但係我哋睇逍遙派同九陰使用者嘅表現同埋幾樣武功心法嘅描述都睇到，郭楊兩人武功只係去到射鵰神鵰五絕級別。而一燈嘅一陽指只係六脈神劍嘅入門資格。段延慶同枯榮大師可以用指力喺硬石上徙手捉棋，古墓派祖師爺，王重陽同黃藥師都唔得。郭靖最勁嗰時都做唔到好似蕭峰咁降龍十八掌掌力外放。
更加唔駛講逍遙派嘅白虹掌力(會轉灣)同埋八荒六合(返老還童)，王敏德的火焰刀，掃地僧嘅防禦氣牆。

六脈神劍想像圖


火焰刀想像圖


掃地僧氣牆

我覺得有時角色自己講嘅嘢未必信得過，呢樣係好多小說都有嘅情況，要睇人物塑造去判斷幾有可信性
蕭峰喺人格者，學武威震四方有面有地位有自信得嚟喺好內斂
所以佢話自己唔夠段譽打，自己純粹贏經驗先壓得住丁春秋3條友呢啲好值得商榷
睇佢死老豆爆seed一下打爆掃地僧個力場肋骨都爆，就知佢要打喺打得贏

首先點解要比⋯
講緊從武功方面嘅描寫
掃地僧、獨孤求敗、東方不敗應該係同一級
前二者描寫唔多
獨孤求敗更加只得傳說，不過出咗喺2套作品
掃地佬連退喬峰同慕容復
後者算9數
喬峰肯定勁過任我行班人
但東方不敗打多2個
而且針對劍
比掌對掌難好多

再者都好難比
笑傲係唯一一套主力描寫兵器戰嘅小說
其他用拳腳嘅多
令狐沖更加沒咗劍就係垃圾
好難搵到啲更邊都做過嘅嘢來做指標

勉強要比
任我行靠嘯音震暈咗幾個普通高手
天龍冇人做過
其他作品得倚天同神鵰有
只係任我行喺密室有共鳴幫手
謝遜喺空地
楊過喺森林沼澤呢啲吸音嘅地方
難度有分別
當呢度三個級數
任我行大約鳩摩智咁上下
因為楊過係5絕級
同級有一樣用降龍掌嘅洪七公同郭靖
掌風都同喬峰差唔多，掃到一丈以外
次一級係虛竹天山童佬慕容博呢層
再去就鳩摩智（段譽唔計）
再去柒頭復

所以當東方不敗同時打2個鳩摩智1個慕容復同一條雜魚
都贏到
而且內力來講向問天應該勁過慕容復
咁樣話東方不敗同掃地一級應該冇問題

紫霞已經唔係絕頂內功成個華山得一個人識
大師兄由細養大都唔教
自己個女又唔教
老婆又唔教
抵佢滅亡斷傳承架喎

金庸太多版
我記得睇過一版
令狐沖係睇到東方不敗弱點，問題係趕唔切出劍

關屈令狐沖咩事