同佢慶祝拍拖100日出街食飯
搵左間都幾有格調嘅Cafe定Bar
佢入到去間餐龐已經喺到話「哇真係好靚呀個裝修」
可能佢覺得我搵到呢間好勁？但其實都係手板眼見功夫
跟住叫左個威靈頓牛
味道都幾decent嘅，10分都有個8.5左右
佢又係到講「哇真係我食過最好食嘅牛呀」
好食還好食，都唔使咁誇張掛
個到會有live band嘅，我地食到一半倒佢地就落場表演
就係有個組合出黎唱歌，個女仔就唱歌
個男仔就彈結他，成件事係幾有mood嘅
諗住可以同佢enjoy下個浪漫vibe啦
但佢好似成世未見過live band咁，成個人彈起咁樣衝出去拍片
終於食完個飯，本身個vibe都還好
食完真係冇乜心機
佢送我返屋企，搭車around 9個字啦
佢成程車到喺到講緊個live band…
好似個啲見到件玩具就成個人好high嘅細路咁...
真係好攰，雖然係姊弟戀，但係係拍拖呀唔係湊仔呀...
