比錢要半肥瘦最後比左成盒瘦叉你有冇違反商品說明條例

食開燒味既人都知道

鍾意食雞脾唔代表鍾意食雞胸，叉燒同樣道理，心心念念左一日想食叉燒，收工去埋單比錢話要半肥瘦，老闆冇no 你，最後返到屋企成盒瘦叉！！


就好似買雞脾返屋企發現成盒雞胸咁，係唔同嫁，原全係兩樣野，兩種原全唔同既食物黎，無論肉質，肉汁，口感，味道都完全唔一樣！


一係你好似海南雞飯咁講明轉脾+$20 我接受，你賣叉燒又冇講過要半肥瘦要+$ , 但最後比瘦叉我，咁同呃消費者有咩分別！？

未食咪成盒攞返去講囉
下次買完即時開盒望過先

老闆冇no你，都冇yes你
打和super
建議下次行入去自己揀，唔畀揀就唔買

直接講明 肥叉+10$ 半肥+20$ 唔該！

唔係冇錢食你d 叉燒，比單時講到明半肥

師傅又唔出聲又系口系面咁斬斬斬，斬完隊出黎又唔出聲，自己都知自己做緊虧心事所以唔講野

你眼見既瘦叉，喺佢眼中已經係半肥瘦

係個種又硬又柴，就算切粒拎黎炒飯都會攝牙罅個d

食開燒味既人都知道

你講咩同佢俾咩係無關係

做開人既都知 你講咩都無分別

好耐啦 ，成日都係咁

估唔到食條叉燒都要識人先可以食到自己想食既位置

要求你可以隨便講，老闆有冇yes你先係重點

唔使識人
直接去d舊幾兩舊水得幾舊叉燒既菜館食就一定有
好似大圍小館果d

即係如果我係一個遊客，叫碟叉雞飯，你比一半雞胸一半瘦叉佢，內地人都好d ,但d 鬼佬又唔係食開，唔會知係因為部位問題，會覺得係依樣食物本身就咁柴又乾，咁搵笨，仲搵到港必食之一，都好難怪人地返到自己國家開知post 話香港d 野難食

但係如果你直接將 雞胸，雞背，雞脾，肥叉，半肥瘦，瘦叉分開定價，人地就會知唔同部位係有味道之分。

依加呢件事係直接影響香港聲譽！

睇title 仲以為你另外加錢要半肥瘦

咁應該肥叉貴啲？定係瘦叉貴啲？ 例如啲鬼佬覺得瘦叉健康啲，咁係咪應該瘦叉賣貴啲？

斬之前 斬果陣見唔到架咩
如果唔識睇就唔好咁奄尖
如果入單果D更加唔駛諗
廚房事旦斬一盒出黎唔會睇

當四十蚊叉燒飯
佢來貨成批就係瘦
整咗出嚟全部嘅質素就係咁上下
唔會話你一個人加廿蚊可以改變到
你係俾得起錢直接去間賣八十蚊嘅買

下次同師傅講完 見到嗰份叉燒太瘦咪唔好要

而家無肥叉
全部都一樣嘅 你揀過就知

要去啲好專門好出名老字號 仲有自家爐先可能有

你講到咁誇張做乜柒
搵間仲有爐自己燒嘅舖頭 就咩都有
價錢就唔係加十蚊廿蚊
起碼貴50%，甚至一倍…

個遊客係醒嘅 自己都識去搵啦
你都醒少少啦

你叫邊樣咪邊樣貴

其實雞點解要有雞胸雞背雞頭雞屎忽？
如果隻雞無頭無胸無背無屎忽淨係得八隻脾
人人有脾食個個無投訴
咁就唔會影響香港聲譽啦
最衰都係隻雞

我去買開一斤斤買既有分別
如果係燒味飯佢就完全唔理你