今年大學畢業
幾個月前幾個同學一齊返intern
其中一個男仔係之前喺學校都見過下
但冇交流過 只認得佢個名
同佢一齊返咗接近1個月intern
見多咗面 相處落覺得佢份人好好
而且好照顧我
重點係唔知係我不知不竟沉咗佢船定點
感覺佢成日望住我、又行過嚟撩我傾計
覺得佢對我好過其他女仔
嗰陣返intern 我返得真係好開心
但我intern早過佢完 而我last week嗰排佢就放假
搞到好似不了了之就咁斷咗聯絡
大家冇正式道別就冇得見
自從intern完咗之後大家冇再見面、冇私底下搵對方
好似返返到未出intern時互不相熟既舊時
自從我intern完咗 我就成日都諗起佢
真係好掛住佢
成日諗返起我同佢一齊返intern既點滴
連同佢一啲好瑣碎既對答都反覆咁諗
連發夢都夢見過佢 真係沉船沉得好誇張
但依家我哋分別派到去唔同公司唔同部門做
基本上唔會再好似舊時咁返學返intern有機會見下面
依家我唔知隔咗4個月既佢係咪仲係單身
我唔知仲有咩方法可以唔好太突兀咁搵佢
因為我哋下一次見＆最後一次見可能就係畢業禮
我唔捨得冇得再見佢
我諗緊好唔好訂隻好貴既畢業公仔比佢 再約佢出嚟
但唔知幾個月冇聯絡
一聯絡就送咁有意義＆份量既禮物會唔會好怪
唔知我咁做會唔會好明顯我係中意佢 好似好cheap咁
我想見下佢
但無端端約人出嚟食飯又好動機明顯
（始終比人拒絕既話 畢業禮見到面一定會勁瘀）
（仲要唔知佢會唔會同佢班fd 講返）
我唔想拿開肚皮咁比人睇曬我既心意
但我又怕佢唔知
如果佢feel到我中意佢 但佢依家有女朋友既話 我就7啦
有冇C打巴打指點下迷津 究竟我應該點做
