「呢度未發生呢件事都叫我排骨仔或者紋身佬，成條街都知我叫紋身佬㗎啦。」事別一個多月，綽號「紋身佬」的關先生向《香港01》透露停工一個月的心聲。他原本從事運輸行業，由於不景氣到荃灣享和街立記由車房學徒做起，至今已大約5年。
對於上月初因為錶位問題與司機爭執一事，他認為是日常發生的爭位口角，引發軒然大波後有接受街坊、家人的勸喻：「日後平和啲囉，同街坊客人，我公司都要做生意㗎嘛。」
停工一個月，除了擔心生計，他更在意立記生意受損：「（老闆）立哥仲傷過我啦，又要交租，又要出糧俾同事，又冇啖好食，又冇生意做，唔通立哥怪我啦喎？」他感激老闆體諒，面對近日不少人拍下其開工照擺上網，都唯有忍讓：「泊車問題之嘛，冇問題呀係咪先。咪影囉，老實我都要搵食，我都要養妻活兒㗎嘛啱唔啱先，唔通我唔使食政府養我呀？」
他強調車房屬於私人範圍，別人將開工照擺上網只要不影響他工作就可以，日本後如再遇事端，他會走入車房，交由老闆處理，或者報警求助。他認為自己只是一個普通市民，為口奔馳、養妻活兒，重申「唔想再有呢啲事發生，我打份工，我為兩餐，我唔想搞咁多嘢囉......紋身唔係代表係壞人，我又唔會恰人，人又唔會恰我......我大聲唔係代表我冇禮貌呀嘛。」
新聞：01
擁有特別技能！？
