❗️男朋友無啦啦喺大陸酒店比公安捉走咗9個鐘❗️
預咗有人屌：「返大陸預咗啦」「返大陸自己申請俾人捉啦抵死」
歡迎任屌唔嬲，屌完記得幫我share出去，最好幫我推上報俾大家知道發生咗咩事
8月17號凌晨同男朋友即興上深圳酒店過夜
8月17號朝早11點，無端端有人拍門，開頭都冇理佢，拍咗5分鐘都繼續拍，男朋友喺防盜眼望出去見到一大堆人，隔住度門問佢哋咩事，佢哋話漏水定唔知咩要檢查水喉
過咗一陣男朋友開咗門，之後有三個大陸警察+兩三個唔知咩人衝咗入嚟，一開始聽到有個人問「先生你一個人住嗎」 ，班人見到仲有我，叫我喺張床度唔好郁。然後無啦啦兩個男人夾住我男朋友，好似想帶佢走咁，我男朋友梗係有反抗，但係當時係兩個男人夾住佢+仲有一堆人塞咗喺門口，係咁叫我男朋友跟佢哋出去，當時啱啱瞓醒根本唔知發生咩事，仲有一堆疑似係警察嘅人，喺好驚嘅情況下，我男朋友就比佢哋夾咗出去，
開頭我以為佢淨係俾人喺房門口問話幾句就會返嚟，點知我再見到佢已經係九個鐘之後。
11:32 a.m. 我男朋友俾人捉走咗
8:07 p.m 男朋友wts同我講冇事返緊嚟
12:30 p.m. 男朋友打電話俾我，話佢冇事，俾人捉咗去派出所好快返。
11:30-12:30頭一個鐘，我已經係驚到仆街，唔知佢會幾時返同發生咩事，個腦仲未load到發生緊咩事，點解我自己一個會坐喺間空嘅酒店房。
12:30 收到個電話之後，去到夜晚八點完全冇我男朋友消息，我都唔知喊完又瞓瞓完又喊，已經唔知自己喊咗幾耐，打咗俾啲friend求救，搵埋男朋友嘅屋企人，唔知佢係咪俾人捉咗去KK園，以後都見佢唔到，好地地一個人喺我面前俾人夾走咗，我嗰刻竟然完全幫唔到手，我真係好崩潰。
中間有落過去問酒店櫃檯發生咩事，佢哋淨係話警察嚟到要配合調查，所以就比佢哋上樓。佢哋都唔知啲警察帶咗我男朋友去邊，佢話我想知一係就打電話報警，一係就自己去派出所。
因為間酒店可以加鐘，我俾錢去到夜晚8點，去到差唔多八點嘅時候，我就執嘢，諗住自己一個去附近啲派出所搵佢。
8:07 p.m. 男朋友WhatsApp我話佢冇事返緊嚟
9:00 p.m. 見返男朋友
呢九個鐘，我應該係喊咗我呢生人可以喊嘅眼淚，我以為自己發緊夢，以為自己以後都見唔到男朋友
見面之後，第一時間過關返咗香港
問返男朋友發生咩事，佢話開頭喺門口擾攘咗10幾分鐘都唔肯跟佢哋走，但係之後班人就夾咗佢帶咗佢上私家車（仲要唔係警車！）車咗佢去南山派出所。（唔知咩概念嘅，當係屯門區去咗荃灣區拉人，因為正常警察淨係可以喺自己個區度做嘢，唔知點解喺皇崗會俾人捉咗去南山）
啲公安話我男朋友洗黑錢，詐騙同埋吸毒（總之就係砌生豬肉）
如果本身係target 咗我男朋友，最起碼叫得出我男朋友個名，佢話啲警察根本唔知佢叫咩名，講埋俾佢知都仲要叫錯。成件事諗返都完全唔合理，問咗啲大陸朋友，話正常警察要喺酒店櫃檯枱 登記邊間派出所同埋警察編號，但係我問返櫃檯冇呢回事。
我最心痛嘅係，男朋友喺入邊真係
俾人當監犯咁對待，要換啲監躉衫，落口供嗰陣仲要俾人上手銬，聽完我真係心痛到個心好似裂開咗咁。
好彩嘅係，佢冇穿冇爛出得返嚟，冇俾人打，嗰九個鐘佢淨係坐喺間好似監房嘅地方度等，中間有人比飯盒佢食。又同其他人傾兩句（因為有其他人係真係犯咗事俾人拉入去）
https://www.threads.com/@on9afraid/post/DNd2LmhzqIq
