宋教仁單嘢有冇可能係孫中山搞出嚟

佢馬仔陳其美睇落一早想宋教仁死咁

孫中山想反枱好正常
而家係自己個黨頭馬比袁世凱做瓜

然後全世界勸你忍下以大局為重，同袁世凱妥協（連黃興一開始都講咩「法律途徑解決」）

咁忍到不如去食屎算吧啦
輸左係一回事，但當時個個去含袁世凱
到袁世凱稱帝時又黎喊苦喊忽
其實都係好樣衰

睇下書 唔好睇YT片
宋教仁拉馬拉出黎既國民黨可以係國會佔絕對多數，佢既下一步就係送袁生落台
（現存既演講都講得好清楚）

（但宋教仁組既黨咩人都收入黎，為拉馬而拉馬，依點解釋左點解佢死舊國民黨就完全散哂）


當然前提係、對家會同你跟規矩玩
依點宋教仁可能有小小天真，或者就真係防唔到

金魚佬邊有好人㗎

黃興唔會爭 亦無得爭
一來宋教仁同黃私交好好 （早期兩湖革命就係黃興帶起，宋教仁都係跟佢搞）
二來黃興係武昌打得太柒，無人服佢
（孫中山同黃興係臨時政府果陣孭鑊孭太多。臨時政府無錢，獨立各省個個睇孫黃死，後來孫黃試圖向外國借錢，但要抵押利權，傳出黎比人屌到開花，最後無成事，聲望亦大大受損）

係當時，係同盟會既人入面，湖北同江浙佬只睇得起宋教仁
依兩個省既支持之所以重要。就係因為湖北新軍係僅次於北洋既新軍，但同南京新軍加埋先勉強——非常勉強咁同到北洋抗衡
有兩者back up ，宋教仁先可以同袁世凱爭

（陶成章可能宋教仁都想佢死，真心膠得太離譜，革命未成，日日想自己爭大台，革命前用孫文個名幫自己個會籌錢，比人揭發就反手話孫中山穿櫃桶。辛亥後又掛住自己分豬肉。
另外講句章太炎革命前後都好一言難盡下）

宋教仁一死，再無人團結到兩湖同江浙，依招完全係爆左革命黨頭
而縱觀以上各點，同盟會，尤其孫黃兩人根本完全，完全無理由要宋教仁死
陰謀論會講咩爭權奪利，但孫黃當時根本無咩權無咩利可以爭，宋教仁死完只會係亂局，兩湖江浙都唔會服你，咁到底係爭乜春

留名學野

孫要行獨裁、個人祟拜就係辛亥、二次革命失敗後既後果
佢本身似係歐美式公民，有餘力就貢獻下做下公家野咁

但依套係中國政治行唔通
結果係要拳頭大，要組織嚴密唔可以一盤散沙
結果就係向蘇俄學師

可以話佢時局逼癲左佢

佢算唔算好彩死得早

組建一個開放政黨好處係可以同其他團體聯盟甚至合併求同存異爭取更大利益
辛亥革命後孫文試過同舊制度殘餘勢力/軍閥合作,一有變故就俾人棄盟
有一大班買辦但無可合作資產階級對象

咁孫文要重建國民黨當然想要有個令行禁止既新組織

唔識假設
但我好想知如果孫中山打得成27年北伐既戰果，佢會點處理國共問題，戰略上又會唔會接受軍閥議和，定一口氣打到底
（27年北伐，其實國軍都無諗到自己打得咁順）
如果中國30年代就有一個完全統一、三民主義、開始鏟鳩反革命既政府….打得飛機太多，早d訓覺好過

唔講d咩，國共個炸彈神仙黎都拆唔掂（孫生見識過軍閥，但應該未見識過共產黨可以玩到幾癲），不過，孫中山贏到北伐既話，佢威望肯定高過當時蔣生好多

反革命依個term唔係講笑
睇文化史都一樣，辛亥後，北洋舊體制令人失望、青年倒向國民黨
27年後國民黨癲左，青年倒向共產黨
愈黎愈激、愈玩愈大

咁係咪唔改就好？無人知
魯迅有篇「失掉的好地獄」，就係講依種心態
同今日有d人一樣，覺得19年不如唔好搞

但係咪扒低任人屌好過反抗/無底線對抗…..
無謂一刀切講死，講咩都係完全無意義既鳩吹

佢仲在生未必會好過老蔣，從來未試過治國，喺廣東個陣都係精神領袖多過實際

贏咗北伐又要take side，take咗共黨係國際派上台，仲衰過毛，take咗國軍，汪精衛一派會上台，又係死

當然，最怕孫中山北伐成功後俾人架空，最後淪為政治吉祥物，之後又劈炮唔撈

廣州人憎孫中山憎到仆晒街