咁香港考26，首先一定要喺駕駛學院學+考呢個強制試先可以出學牌，之後先再考路試出P牌。
上駕駛學院網睇，見到一報名要報埋佢個路試課程，我已經知道呢間嘢伏伏哋。原來要in person去間學院先可以淨係報強制試。
咁好啦，我揸車去鴨脷洲，泊咗喺隔離橫街啲咪錶。呢個時候已經見到條短短嘅橫街排滿學神等轉右出大路。學神駕駛技術有限我明白，但係你畀錢駕駛學院最後就係坐喺架車排10分鐘等出大路，用半分鐘兜一個圈，跟住再排過。Money well spent
入到去報名，畀晒錢，跟住位職員同我講改堂 cancel堂嘅terms啦。要9個工作天前改/cancel，不計上堂當日，否則收唔知幾多「行政費」。我心諗，正常人book堂都唔會超過兩個禮拜前book啦⋯⋯ OK，算。咁又請問如果我有咩突發事要改堂，我又點會兩個禮拜前預先知道？你當我挪亞方舟？你擺明搶啫。跟住佢話黑雨都照上堂，唔想嘅就改。呢一點之後再講。
咁因為排期問題，香港沙田觀塘都要開咗學先有得考強制試，但係元朗就早一個半月就排到，咁小弟好想快啲搞掂佢，聖誕節再返來考路試，咁暑假可以喺外國租車玩。好啦，辛苦啲入元朗我都OK。我臨考試前一日book咗自行練習，朝早起身天文台話黑雨。咁我冇咁on9，出門口前打咗去問可唔可以改期，佢話唔可以，咁我就由香港出發入去元朗。屌你老母，入到元朗攞車條𡃁妹先話可以改，唔使收佢啲濕鳩行政費。咁我焗住條氣，改做第二日考試前自行練習，跟住返屋企。
呢個其實啲阿sir已經有話我知，以往塊地有小小濕，運輸處個考牌官都會安全起見cancel個強制試。咁第二日考試，朝早有小小雨，我練練下車嘅時候阿sir叫我入返去強制試個場練，原來第一批考試畀個官cancel。咁我一路練，一路望住塊地慢慢乾返，諗住有運行。直到輪到我考試報到，路中心已經乾曬，係爭側邊小小濕，個官都cancel。到排新期，佢話冇曬快期，要排隊尾，咁即係我要十二月返來先考到個強制試。我又畀曬錢，如果佢肯refund，我都應該返咗外國考。咁我依家直接畀$200行政費，改返鴨脷洲考。
香港駕駛學院，你呃呃埋埋咁多「行政費」，明知香港雨多、考牌官又見到塊地有一滴水都cancel，就好心你起返個頂擋雨啦。運輸處畀份contract你，規定想考26嘅市民一定要上你堂、喺你個場到考，其實你已經變咗半個政府機構為市民提供考牌服務。This is not simply a private transaction between private citizens. 不過睇死你都唔會㗎喇，啲考期唔改，你又點呃啲補堂費？
落地獄啦
所以如果唔係運輸處規定，千奇唔好幫襯駕駛學院。
