啟德好唔好住？5年居民稱愈住愈唔舒服 掀街坊共鳴

啟德機場搬遷後，原有停機坪和客運大樓用地近年陸續有住宅項目落成，形成一個新社區，而啟德體育園亦已於今年3月正式開幕，為區內帶來更多人流。不過，有啟德居民坦言以往落街很舒服、港鐵屯馬綫車廂並不擠迫，至近年一帶愈來愈多人、平日列車車廂也擠滿乘客，「(對)住了5年的人來說，真係愈住愈唔舒服。」帖文雖然引起啟德居民共鳴，但亦有人指出人口與配套完善程度成正比，現時也有愈來愈多人遷入。


發帖者預告將遷離啟德

在社交平台發帖的啟德居民指，現時周遭仍有數個地盤，新屋苑天璽・天更未全面入伙，預計當附近屋苑全部落成並入伙後，「啟德應該爆炸」，盼鐵路站和配套的承載力足以應對日後人口增長。他其後補充指，並不是批評居住環境有問題，只是回家的鐵路站出口經常塞滿前往啟德體育園的人群，「所以唔係住得迫，係呢個出口令人好唔舒服」，並預告自己即將遷離啟德。

帖文引起其他啟德居民共鳴，有網民指曾經住過啟德1年，當時被全新住宅和會所吸引，加上鄰近九龍城會有較多食肆選擇，不過及後發現附近很大塵，露台不論如何清潔都會有「成尺塵」、落街感覺好像身處深圳等，「最後未完約提前左一個月搬走左(咗)。」有同區街坊亦表示理解，「三年前返工搭車有位企下，正常空間，而家返工成日人迫人，有對比真係覺得無以前咁好住。」此外，有留言提到自己從2014年開始入住啟德公屋，「真係睇住佢由一個個地盤發(展)成咁樣」，但明白政府最初規劃啟德時並沒有預計人口會持續增長，「始終啟德發展區規劃已經有接近20年嘅歴史。」


有業主稱買啟德就是希望興旺

不過，亦有很多網民不同意發帖者所言，「你揀左(咗)全世界其中一個最旺最密度高既城市既(嘅)市中心住，靜左(咗)幾年執到啦」、「當啟德還未有任何配套時，啟德俾人笑係沙漠；當啟德有現在咁多咁正的配套又吸引到遊客時，啟德俾人笑係人多唔好住；當有一日，啟德仲有現在咁多咁正的配套但吸引唔到遊客時，啟德將會俾人笑係死場之都」、「你有你鬧，人哋有人哋鍾意，愈嚟愈多人搬去啟德，啲租金係咁升」、「本身個規劃就係住好多人喎，如果終局就係5年前個人口，你估會起條鐵俾你？」


https://www.am730.com.hk/%E6%9C%AC%E5%9C%B0/%E5%95%9F%E5%BE%B7%E5%A5%BD%E5%94%94%E5%A5%BD%E4%BD%8F-5%E5%B9%B4%E5%B1%85%E6%B0%91%E7%A8%B1%E6%84%88%E4%BD%8F%E6%84%88%E5%94%94%E8%88%92%E6%9C%8D-%E6%8E%80%E8%A1%97%E5%9D%8A%E5%85%B1%E9%B3%B4-%E7%B6%B2%E4%B8%8A%E7%86%B1%E8%A9%B1/586198

有網民提到，當初購入啟德物業就是想啟德興旺，「我地(哋)啟德業主買啟德正是想啟德興旺。如果想靜想死場，應該買荃灣海濱花園，幾千蚊呎就搞店(掂)、」、「除非你住公屋啫，唔係你買樓都係貪佢有發展樓價會升啫，結果變了負資產就唔多舒服。」啟德發展步伐加快，人口持續增加、社區逐漸成熟的同時，亦為交通及生活空間帶來挑戰。隨著更多住宅項目落成，由「沙漠」變「爆場」的啟德是否仍然宜居、如何與繁榮取得平衡，相信仍有待時間驗證。

原本諗住高尚住宅區，第二CBD，而家變到

公屋都要埋怨

河西果邊同去體育園d人撞左
最好住都係啟晴果邊

D死賤民, 抽中世界中心啟體公屋居屋都係到嘈3嘈4

啱啦 啟德賣咗賺完錢可以搬去掃管fuck
包靜

準備變新加沙

ON9係要自己埋單

我諗到掃管笏最適合佢地，空氣清新，人少，靜

啟德地鐵塞唔到咁多人

體育園一有活動就全區癱瘓

唔滿意就躝啦

2年前成個體育園同埋車站廣場都仲係爛地
日日對住大片沙地竟然話住得舒服
定還是係住啟晴邨嘅居民黎

下一個香港加沙

最後同康城一樣

近排睇啟德居民個群組都睇得出班業主係極度自私嘅一班人

大佬呀你諗下點解啟德作為一個市中心，會起到咁大咁長嘅車站廣場公園？ 咁近距離會有宋王臺同啟德2個重鐵站？ 會有成3-4個大商場響附近？

上面全部都係因應住體育園發展而有嘅配套，如果冇體育園只靠區內居民根本連airside一個商場都支持唔住，附近啟德跑道區就係活生生嘅例子，要寧靜冇人流嘅代價就係全區死城，樓價跌得仲勁。班啟德居民係咪真係以為成區發展都只圍住佢地去轉？

啟德由day 1開始已經有啟晴同德朗2大屋邨，起好入哂伙先開始賣地。所以更加唔明點解啟德業主竟然會埋怨自己屋苑個景對住公屋景，係咪跌到負資產求其搵野去賴？

新一代貧民窟

啟德站本身嘅設計應該係無預計過咁大量嘅人流

同埋高尚嘅啟德業主好心你地養狗果時管好d啦
私樓果邊成日都有狗屎，隔離公屋果邊地面仲乾淨過你
管好自己先好行過去公屋果邊對人指指點點啦

起得啟德體育園同周邊D設施然後話本身嘅設計應該係無預計過咁大量嘅人流,當初點規劃架

肯定有預到
依家散場嘅速度都已經係世界級咁暢順同埋快了
奈何班高尚嘅啟德居民仲係唔滿意

開post既係到9UP姐
Airside同車站廣場都係兩年前先開 零售館sogo都係今年開
地鐵站都唔係開左好耐
5年前乜啟德成塊爛地 交通配套全部都無

公屋cbd

單軌起埋跑道區駁啟德站 真係要再睇
依家完show散場so far無咩問題

人係咁 得一想二

有幾個手足係果邊做保安c
話番我聽平時假期就多人d
但係普遍平日日流還可以
係公園就好多小朋友好熱鬧好吵
有冇兄弟來緊都過果個橫頭當更