咁係4年前識到個女仔覺得幾啱 feel，唔係啲咩IG女神級數就正正常常、斯斯文文一個女仔，傾計都幾舒服。我諗住唔通今次到我啦
咁咪鼓起最大嘅勇氣，好撚驚但都扮到好 casual 咁，有日 inbox 佢問：喂，呢排有套戲好似幾好睇，得唔得閒一齊睇？
大佬呀，我自問已經好有禮貌，唔係啲咩「hi bb 做緊咩呀」，正常社交活動邀請啦掛？
點知佢隔咗陣，覆得一句：不了，唔想同狗公出街。
...狗公...
？？？？我當堂 O 撚咗嘴，成個腦空白一片，淨係 feel 到塊面好撚熱。我呆撚咗喺度，覆都唔知可以覆咩。我做錯啲咩？我想識下朋友，了解下，做咗啲咩咁十惡不赦，要畀人咁樣 label 我？
單嘢之後，我真係有陰影。依家喺街、喺 MTR 見到啲幾靚嘅女仔，個心係會跳，但個腦即刻會好似警鐘咁響，大大隻字彈返「狗公」兩個字出嚟。跟住即刻縮，連望都唔敢望多眼，更加唔好講話去識。成個人好似跛撚咗咁，完全冇撚晒自信。
到底可以點部署？係咪依家呢個世代，男人主動少少就係原罪？Show 少少興趣就係狗公？唔通真係要等到個女仔寫張紙仔塞畀你，話 我鍾意你，約我啦，先可以行動？
各位巴打絲打，你哋評下理。究竟係我 on9 定個世界 on9？