當日所謂宇宙GEM（扮大牌）其實已經有人話係蜂鳥問題
，搞到得罪得罪晒傳媒。 其實最大責任係佢當日嘅經理人，經理人處理得閪即係PR閪，外界第一時間就會怪罪幕前，呢個係定律，咁喺呢啲情況之下GEM就一定唔抵
，唔通佢公開同經理人反面？所以喺佢個人嚟講佢都只能夠硬食。 結果得罪晒啲記者，記者就會繼續寫衰你，跌入惡性循環。 而20年代開始脫離蜂鳥之後，加上joey 都開始回落，雞蛋應該都唔使下下請打手，咁咪冇晒呢啲負面新聞。 咁你話好大程度係咪關以前公司事？
你話佢撐CY係藍。當年嗰一句說話其實又冇乜問題
。 希望香港好所以叫特首加油做好啲，就等同希望世界和平一樣唔會有錯咁廉價。 佢呢句說話係好Kai，所以就比一班有睇開新聞識多少少嘢嘅人屌佢支持建制
。 但你有冇諗過佢16歲一投生社會就做相對「離地」嘅職業就係歌星，佢個圈子已經同普通人有所不同，仲要2011-2012得嗰21歲而喺咁嘅圈子中唔太深入懂時事政治唔奇，佢而家睇返自己當年呢番說話都可能覺得好Kai。 而當日佢fb亦有所回應，就話「我都希望香港有民主….」 。除非佢燒壞腦，否則今日佢一定唔藍得去邊。而呢番說話擺喺今日既話，我諗佢都幾麻煩
。 人地讀書時期住係麗城，出入荃灣，荃灣人嚟。當日有記者跟住佢同yoga 喺荃灣拍拖，送到佢返屋企時候記者現身，yoga 就開始發癲搶相機
，gem就不停撳住佢
，嗰個位置就係麗城地下公園。而佢之後係香港買樓都買返係麗城自己娘家隔離（應該係明火爐頭單嘢），即係對於佢黎講佢荃灣都係佢住慣嘅地方，跟住你地話佢離地，咁就真係好撚奇怪。
佢平時拍嗰啲片包括YouTube同大陸片，啲人永遠屌佢講普通話已經忘記廣東話。首先台灣大陸個市場係大過你香港N倍，加上佢咁嘅級數，而你香港人亦都識聽普通話，咁咪直接講普通話有幾奇？ 香港演唱會有返大部份香港人咪講返廣東話囉。
仲有片入邊你睇到佢同身邊嗰啲人講嘢時，包括朋友髮型師等等，只要係香港人啲人係直接同佢講廣東話，亦即係話鏡頭後邊佢哋係講粵語
咁仲係咪離地？第一場演唱會佢講過一番說話，「以前喺香港你未必夠膽同人講你聽阿gem，因為你可能會俾人笑」 其實反映咗好多嘢。 當日天星小輪訪問肥仔10年前嗰條YouTube片，其中有條MC題目嘅答案其中一個就係「蜂蝗漿」
，即係GEM佢自己由頭到尾都係好清楚因為返大陸而俾香港人鬧，而呢個話題佢都可以拎出嚟提，其實呢下已經覺得佢應該本身都冇乜嘢
。如果佢真係好離地，所謂「宇宙級」，佢根本唔會睇同知你香港人咩睇法。再對接照埋尋晚演唱會呢番說話就再一次證明我呢個諗法。
當中仲提及佢初出道時經常喺朗豪坊唱歌（冇記錯應該係頂樓有個位長期俾人夾band）
，當時佢應該仲係初出道鬢邊Look經常上去嗰度唱歌，仲有班同齡歌迷追車，而家都投身社會仲可能有埋小朋友了，呢啲其實佢真係記得好清楚
，因為當年一出道最多人鍾意既就係同佢同輩既f4-5既中學生，好誇張，全部都係同佢一樣16-17歲，呢啲佢真係仲記得一清二楚，完全都冇忘記過，而佢一講到呢個位就開始喊
，老實講真係好有共鳴，因為呢啲嘢仲係歷歷在目，呢個位你真係冇得話佢假。如果喺其他地方開演唱會，我都幾肯定佢唔會講呢啲嘢，因為以上呢啲事情包括俾人屌真係得香港人同佢之間先會明
。今次無左蜂鳥後再隔咗一段時間再開演唱會，而佢喺度再講返呢啲嘢其實係反映咗佢好自然就係覺得自己就係香港人。因為正正佢覺得自己係香港人，所以先將呢啲事情睇得重而喺香港重提往事。你可以唔鍾意佢音樂風格，但佢22歲上我是歌手以咁嘅年紀透過大陸成功躋身國際舞台上NASA唱歌，差唔多有華人地方就識佢
，其實真係戥佢開心都嚟唔切。倒返轉問你哋，如果俾着你有咁嘅能力你又會點揀？
娛樂圈好多人都知咩事，但做嘢搵錢冇人想講政治。 佢黃唔黃就唔知亦都唔係重點，況且人哋都係藝人一個，錢佢自己袋成就佢自己袋
，冇人有責任要為你哋表現得咁偉大。 但如果要數到離地，我諗有排都未數到佢。 利申：初出道08-09年時幾鍾意佢。
講真佢條路難得，如果唔係捉住我是歌手呢個救命草，根本冇可能翻到身，當然啦 台上三分鐘台下十年功。