居屋公屋裝修新手村 – 2

係因為夾好撚麻煩
分開做會引起好多問題

除咗廚廁，廳房會有幾麻煩？
畀錢人做一條龍只係唔想煩，但唔算係好麻煩。

唔做傢俬無肉食唔做者，特別係設計公司。

自己搵人做傢俬，香港傢俬舖，預平一兩成。大陸傢俬舖，就平三四成。

唔信你咪試下
啲收口，裝傢俬時嘅撞崩撞花睇下點搞
啲師傅燥底咪互屌

設計公司使乜淨係食你傢俬
每樣野都收貴啲你

但啱啱裝修完話你知
最近要有個跟單
煩到閪咁

如果會多煮飯就買大啲，多功能盤可以放砧板係盤上切嘢，實際用係嚟唔差好遠。

咁係你安排問題，點會同場兩批師傅開工。

分開做就搞掂裝修，先入傢俬。
之後再補油上面制。

設計公司就係知淨裝修開得貴都唔會搵佢做咪唔報。

對有做功課嘅人，裝修傢俬分開做唔算好麻煩。做開申手黨或者要求高又畀唔起錢先會覺得麻煩。

當然，完全唔想諗唔想煩又或者慳得一秒得一秒，咁畀錢人跟同賺絕對無問題。

正如屋企煮個公仔麵算唔算煩？
有人會自己煮，有人唔想煮幾十蚊出街食。呢個係選擇問題，但我唔會話煮個麵係好煩嘅事。

我都叫你都試下架
到時出事唔好求救就得
食得咸魚抵得渴
搞得掂咪慳返幾萬
搞裝修分開約師傅唔煩都係第一次聽

我上年先整完。廚廁傢俬就裝修公司做埋， 廳房就自己搵傢俬舖。

3房1廳慳返師傅同傢俬舖報價差6-7萬，又唔係泥水水電分開做，自己唔覺得煩到要畀多6-7萬。

你成功左就緊係咁講
幾多失敗例子先得㗎

我自己兩房一廳爭2-3萬
俾埋人賺算數

點解唔掉轉諗。。。。
又或者，差額細就唔想煩。

如果睇完下面都都得麻煩，咁又真係適合搵人一條龍搞掂。

搵裝修公司（唔係設計公司），本身就應該對成個裝修有大方向。
搵到裝修公司同夾好點裝後，自己再諗定傢俬大約要做乜，點擺位。上網搵返相約圖片做參考。同時可以搵唔同傢俬舖跟floor plan去報大約價錢。其實一樣可以搵埋裝修師傅報，睇下差幾多先決定，無衝突。甚至自己係搵唔同裝修公司報價時，同時搵傢俬舖報價，所以最後同裝修公司傾造傢俬時心裏面已經有個底價。

裝修最高境界係泥水/水電分開做，但呢個自問無能力做到，所以搵咗幾間傢俬舖報價後，就決定傢俬分開做。
當裝修搞掂電制位開好晒，開始做油油部分，咁你就可以搵傢俬舖上門度尺出最終設計圖。又因為廚廁櫃係裝修公司造，所以知道裝修公司搵人出圖時間都係咁上下。

裝修公司搞掂收樓，就等傢俬入場。
傢俬舖會負責安裝封口，之後再搵返裝修公司補油同裝部分電制面板。
一開始就傾定要唔要加錢？加幾多錢？

我就補油唔洗加錢，因為本身預咗裝完分體同會補多一次油，所以只係等埋入傢俬後一次過做。補裝10個左右面板，係加咗半工錢千零二千蚊。

我都諗住分開做
但廚櫃可能比裝修搞埋
因為要裝煤氣乾衣機
自己搞既話驚個位預唔好到時裝唔到

一來廚廁夾位要準啲同煩少少，要夾埋五金一齊計，但事後睇廚廁櫃分開做最大問題係時間。因為有晒喉位預會預得好啲，有問題裝修cfu 會跟手。

二來自己覺得有啲水位畀裝修公司執下，後面有少少額外嘢執，佢手鬆啲條數都喺返度。

如果唔係要乜嘢特別設計或者要求好高，可以分開問下價再打算。就算一條龍都唔代別啲傢俬出嚟無問題。
黃師傅都話自己出品嘅傢俬平靚正。。。但正常人點睇。

另一個問題就係門
想問巴打全屋既門係咪都係比裝修搞
佢地包門果啲價錢食水都幾多

黃師傅啲不鏽鋼包喉真係唔掂

門其他人應該唔會幫你搞
上次去旺角問過

會賣門同門線
但裝唔會幫你裝

我用普通款，經裝修公司買埋，但都可以出面買俾師傅裝。
果時出面睇過，淨門唔差好遠，好似cfu房門開價仲平少少。

係出面睇，要考慮埋裝工配件錢。旺角問過幾間都係淨門，五金人工送貨都係另計。

有一兩間報過房門千幾一隻，大門4千，廚廁玻璃款要2千幾。呢度講只係淨裝工。

但賣門舖講明只係介紹cfu，cfu裝工有問題都唔會跟。

咁又唔貴喎

裝修公司報大門8000幾一隻
房門廁廚每隻5000.

包埋裝吧

係，我覺得間嘢好貴而家已經計到整完會超過40個