我覺得李司聰上章濤個channel ，哩集好高質 （Eth vs Btc)

其實宜家大部分交易都唔係喺區塊鏈上面發生，我聽落覺得好有問題（但係其實我唔識哩啲野）

如果到時啲礦工冇回報，交唔到電費，熄機咪真係好大鑊？

如果美帝真係用哩招整冧Btc,令大家覺得佢靠唔住，都幾毒喎

Main chain交易費太貴

Btc唔係得main chain 架ja咩？

還是你係指非鍊上嘅交易？

你講依樣嘢等BTC挖哂先有可能發生（=下個世紀嘅事
反而你話難度每4年翻倍（=採掘量減半）, 幣價追唔上就真係有機會

都唔使真係「挖晒」，只要礦工開始冇利潤冇肉食，就會離場，礦工離場到某個位，BTC 主網就會開始運作得冇咁好，又或者易左51%攻擊

至於新礦工入場，舊礦工就係因為冇利潤冇肉食先離場，新礦工照道理就唔會向難度挑戰入番場既

唔覺得高質

以太就係山寨，性能一樣輸畀其他，隨時可畀其他取代，更何況SOL, BNB呢啲價都升過2021頂 ETH 反而仲跌過到1500，係啲機構搞儲備夾硬炒番佢上黎，如果唔係一樣死

比特幣就限量，去中心化，經歷過咁多次爆炸都可以創幾倍新高，而且一日中本聰冇出黎或者錢包冇郁一日都安全，而以太有V神，V神都係人，死左或者走佬就直接玩完。

我下面嗰句其實就係講緊你依樣
4年一次減半, 如果幣價升幅keep唔到, 礦工就會停機

但樓主係講緊美國佬靠鏈外交易BTC令到礦工冇肉食停機從而瓦解BTC, 根本唔合理

但比特幣做唔到鏈上金融中杻，defi/game/app，全部都擺唔到上比特幣主網，就算隔硬整到擺上去都係得個樣得一兩個functions，同以太support 智能合約既複雜度根本冇得比

而美國佬/全球要將資產上鏈，咁根本無可能揀BTC

所以物理上BTC同其他加密貨幣「定位」已經唔一樣

咁咩鏈可以做到鏈上金融中杻？ 綜合區塊鏈鐵三角，暫時得以太鏈最有資格，Robinhood都係揀用以太結算，然後自己砌條以太layer2做交易，which is比特幣主網冇可能做到

簡單d講，結構如下
以太主網 - 結算層
以太layer2 -交易執行層

咁當然solana都做到，不過結算同交易要係晒L1做晒咁解，又平又快，但死機就另一個問題

咁要平快，其實唔使上鏈，用番納斯達克咪得

但如果你完全唔關心技術/鏈上金融未來發展，淨係care幣價，咁BTC簡單既硬上限同價值儲存剛需，係的確令幣價只升不跌，咁買BTC就夠