鬼滅《無限城》電影嚟講其實唔合格

先聲明，我係好鍾意鬼滅呢套作品，亦對一套作品能夠令全世界咁多觀眾共情，係好值得驕傲；尤其是柱訓練篇最後一集，全部人一齊出技衝向無慘，呢一幕真係非常深刻。

但可惜電影版係一個敗筆。

首先，成套電影最大嘅問題就係不斷回憶，令到整個節奏被切割得支離破碎。每一場戰鬥，不斷插入正反派回憶，畫面硬生生打斷，本來應該劍拔弩張嘅緊張氣氛不斷凝聚、又再不斷消散。

我有睇漫畫，我唔知道作者係咪為咗盡快完結個故事，將每個角色嘅故事，以回憶嘅手法融入喺戰鬥當中，漫畫睇都還好；但一去到電影，個觀感就完全錯晒。

電影嚟講，要去描述一個角色嘅背景，一般做法都係電影前段會預先佈下幾個伏筆場景。

例如安排主角同配角經歷幾場小型戰鬥或者其他事件，利用過程中嘅互動同細節，逐步描繪配角嘅背景同性格。到主要戰鬥爆發嘅時後，再巧妙喚起先前嘅伏筆，令觀眾即時聯想起角色嘅往事，從而做到首尾呼應嘅效果。

當然以鬼滅嘅角色數量嚟講，根本無可能喺一套2個半鍾頭嘅電影入面，做得哂呢啲場口；但電影就係電影，你唔可以拎動漫劇集個敘事手法嚟到去做電影，呢個節奏並唔係一套合格電影應該有嘅節奏。

第二，空間感；唔知大家有冇留意到，自從有咗3D modeling之後，啲設計師好容易偷懶，將個戰鬥場景set到勁闊，印象中漫畫戰鬥嘅空間冇電影咁闊，出到嚟嘅感覺會更加壓抑、更加緊張。

因為當你個場景越窄嘅時候，咁華麗嘅戰技係好需要同個背景有互動，而背景嘅細節係要設計得更精緻，咁樣會大大增加設計師嘅工作量。

但細節就係精髓，你睇返宮崎駿嘅電影，佢嘅場景該窄嘅時候窄，該闊嘅時候闊；每個場景細緻度都好高、好精細。而鬼滅入面我睇唔到呢樣嘢，但UFO就一路好強調個無限城係需要好大算力先做到，咁快做到出嚟已經係叫交到功課。

所以俾我嘅感覺佢就係交功課，而唔係做一個完美作品。

第三，音樂；我唔係鑽研音樂嘅人，但電影嘅配樂對觀眾能夠做到共情係好大嘅作用。回想番鬼滅第19集，動人嘅音樂、歌詞、配合人物嘅動作、畫面，係一個完美嘅結合。但好可惜今次電影嘅音樂，俾唔到共情我，我解釋唔到原因。而電影好大一部份都係冇配樂，即使有配樂嘅場口，都好似好唔夾，好夾硬咁。

其他諗到再講；都係𠴱句，我係好鍾意鬼滅，希望佢之後兩集可以重新點燃番我嘅共情位。

認同配樂

贏唔到哪吒

縮返入老母閪拉

你鍾意啦

俾大家爽番第19集個解說，呢集係癲，睇左十次都仲係咁好J，好懷念。
https://youtu.be/qE4FvSqLRoA?si=-5hjmiaQNto4_mTu

ching 鬼滅要趕工呀
咁多ppt 你就知啦，佢要兩年出一套

你宮崎駿幾多年出一套呀

下 ching 你撞聾？
今集叫無配樂
今集啲配樂先出色喎

出現了

成套野係靠呢集先開始上神枱

回憶的確係會中斷左個打鬥戲，但我覺得要睇係邊個人物，比如猗，咁佢係變鬼無曬記憶，臨尾先醒返起，所以個鋪排都合理

啲人連炎柱都話感人就知鳩黎

其實咒術有無機會靠動畫翻身

D賤種死毒撚係咁撚ON9架啦
睇埋D ON9動漫

獨醒撚真係好有見地

唔係話無新配樂，但同第19集配樂比，真係差太遠，可以睇睇#5個解說 6:20秒；電影對配樂嘅設計應該要比劇集嘅更加細膩，你睇完就知呢集封神原因。

求同存異師兄

咪係，哪吒沒有輸

淨係睇過漫畫覺得套野好普通

我認為係要做取捨，回憶唔係唔加得，但唔好場場戰鬥都係咁。
你幾時見鋼鍊戰鬥係咁回憶，作者要令觀眾認識唔同角色；係透過大大小小嘅場景事情，引導觀眾間接咁去了解角色嘅過去。

而唔係一炮過、咁倉猝咁、係一場戰鬥、一場回憶，就講哂個角色前世今生。

叫得無限城，我覺得依家電影版先叫對得住個名，漫畫窄到咁

係咪又要重演THE FIRST SLAM DUNK個陣屌鳩井上唔識拍戲

其實你咁講好難，本身漫畫都係咁插
季番一集集咁播又係咁插，只係依家變左做戲
一炮過比你睇哂先會覺得有大問題
我唔係唔認同回憶的確對戰鬥番嚟講係有影響
但至少我覺得今次回憶部分嚟講，時長覺得唔算耐先

再者你用鋼鍊比，好似又錯錯地，人地牛媽以前係一個月一集漫畫，鬼滅係週回。可以交代既野本身都唔同。
鬼滅本身已經拎左杏壽朗同天元既戰鬥，同忍都有講到明最少3個柱先打一隻上，嚟話左比大家聽個實力差距。你試諗下如果又要安排一個個上逐隻打，其實到時你會覺得更加拖更加辛苦。

ok啦 優點係唔拖 深刻嘅得上三背景

回憶係近代日漫通病？
之前嗰套火影又係回到煩，其實冇必要同反派洗白，死就死啦