張慧儀當年跟《真情》同劇演員盧慶輝拍拖，只因男方在她入院時無微不至的關心，才開始戀情，拍拖一年多卻無故「被分手」，大受打擊。而打擊至深，是當年跟霍紹裘的家暴事件弄至上港聞頭條，張慧儀稱當時自己以為愛情等於全世界，她又稱不完全了解一個人就宣布結婚，是自己做得不對。她更指人的價值觀很重要，不一致就會產生很多問題，當年他們為了這件事由討論到辯論，再繼而動武……
張慧儀又曾在鍾慧冰網台節目《冰姐的花樣人生》還原事件：「我記得嗰日佢一郁咗手，第二日我有一部電影開鏡拜神，我仲係女主角嚟！佢打我之後，我即刻撻咗落地下，感覺有啲嘢流咗出嚟，一定係血啦，流鼻血！跟住呢度（指住眼部）即刻腫咗、瘀咗，咁我第二日點算呢？我咁嘅狀態唔可以開工，如果冇一個理由突然間唔出現，我喺呢個圈就玩完㗎喇喎！你甩底吖嘛！跟住我把心一橫，呢個都係一個契機，我宣布我唔結婚喇，但係我冇諗過個後果，我報警，搞到好大件事，就係呢件事人生上咗第一次港聞版！我到而家都好記得港聞嗰張相，戴住口罩、戴住帽，戴住眼鏡，你仲見到依度（眼部）瘀瘀黑黑㗎，嗰剎那真係我唔知點講。」
