黃子華95歲父黃偉生罕有露面 同四大探長有交情 仲係香港首位法拉利車主

「子華神」黃子華鮮有同家人出席公開場合，只係透露過自幼父母離異令佢童年唔太快樂。早前有內地媒體發布短片，聲稱喺廣東三水蘆苞鎮訪問到現年95歲嘅黃子華爸爸黃偉生，片段開頭記者就問「你係子華個爸爸，係咪呀？」，老人家回答「係呀」。

黃偉生受訪時話「蘆苞我都有地方（物業），我鍾意返嚟鄉下。我好關心家鄉」。黃偉生所住條村嘅黨委書記話，黃偉生近月返村住，見到有團隊每天做防蚊滅蚊，二話不說就捐啲錢做經費支持。黨委書記又盛讚黃偉生好有心，條村有咩困難可以向佢提出，佢會想辦法解決。片段中影到村委會為黃偉生發出嘅捐款證書，上面寫道黃偉生捐咗一千元人民幣。片中黃偉生行路要旁人攙扶兼撐拐杖，但喺訪問中講嘢幾清晰，除下墨鏡後更見到佢尊容，同黃子華確係有幾分相似。有網民睇完片先知黃子華係三水人，講笑話難怪黃子華喺《絕代商驕》入面叫佘詩曼做「三水妹」。

黃子華多年來受訪時不時提到成長故事，子華童年時父母離異後跟隨媽媽生活，但亦試過淪為「人球」，輾轉間同嫲嫲、外婆及媽咪同住。黃子華同後父以及三位同母異父細佬妹年紀差距太大，所以冇咩兩句。家庭生活不愉快之下，黃子華細個試過逃學，甚至因為同同學喺相思灣偷快艇而留案底兼守行為。

黃子華曾經提及對生父黃偉生嘅印象，認為爸爸好叻好有自信而且口才好好。的而且確，根據資深傳媒人查小欣為鷄記麻雀館老闆「鷄叔」林國強撰寫嘅傳記，鷄叔提到子華爸爸做電器生意，同四大探長有交情，仲話黃偉生係香港第一位法拉利名車車主。鷄叔又指佢爸爸1960年代擺壽酒時，子華爸爸黃偉生出手闊綽，俾人情嘅金額當年足夠買層四百幾呎樓。

https://hk.news.yahoo.com/黃子華95歲父黃偉生罕有露面-同四大探長有交情-仲係香港首位法拉利車主-054950742.html

#翡翠視帝黃子華

同佢老母打拳賽係呢個定後父？

第時又拍呂樂可以加個角色比佢兩個

媽咪 你個仔瀨尿呀

連黃子華老豆都咁有料
究竟仲有無一個有成就嘅名人嘅屋企人係同連登仔老豆老母一樣係公屋階層？

周星馳？

名成利就首要條件：唔係連登仔

以前高登都有人寫小說寫到出名

連登真係好似未出過勁人

食食吓飯避拳

連登仔同小紅書D人有咩分別？

都係消費香港

原來又係靠爸爸
juno 向佐之流

做娛樂圈成功而無家底既真係冇乜幾多

大埔？

尊重啦
香港頂流姜逼

佢靠咗佢老豆啲乜？

老鳳

美中和好未？

你咪又係靠老母生你出嚟. 咁撚勁係石頭爆出嚟啦

我都想知
明明佢話過生父冇乜理屋企
攞學費好似要乞咁
去加拿大讀書因為後父安排
讀完返嚟參加司儀比賽
之後乜都撈慢慢捱
咁都俾人講到靠家底
搞撚笑

靠咗佢老豆DNA 生存到依家名成利就

又話自己買法拉利差300幾萬

出名到拍埋戲既有
紅VAN
男人唔可以窮
一獄一世界

出書既更多
https://evchk.fandom.com/zh/wiki/%E9%AB%98%E7%99%BB%E8%AC%9B%E6%95%85%E5%8F%B0

其實仲有高登音樂台 都曾經好hit下
https://www.youtube.com/@hkgoldenmusic/videos

連登都就黎十年
都好似未出過勁人

你係咪想打雙打呀？

吳鎮宇少年時代曾居住於木屋區和黃大仙上邨，中學時才第一次走出黃大仙。父親是點心師傅，母親是水上人，後任紡織廠的品質管理及修補部門員工。

發哥 劉青雲 梁朝偉 好似都係窮家庭出身