上個月同女朋友加佢一個單身frd去冰島旅行，當時第一次見B小姐，初頭無乜交集，其實無乜感覺
去到冰島第一日係酒店門口集合，見到佢一身打扮，係有別於女朋友可愛日系style,有種爽颯得黎又女仔柔媚既感覺，嗰下只係望多咗一眼，無咩意思
去到平時相處發現佢會認真睇每一本書，書內容廣泛，又會細節紀錄去過嘅每一個地方，係thread度無乜人睇但樂在其中，係為自己而做。
佢又有貪玩好勝嘅一面，行上山條路，佢行得吃力辛苦又死頂，我幫佢拎嘢行埋全程；係個湖邊打水漂技術勁差俾我錄低黎笑，但佢睇片時候，笑得仲開心過我，我先發現原來佢笑得咁好聽咁好睇，跟住嗰4日，我不知不覺間變成諗計引佢笑，女朋友笑唔出嘅位，佢會笑到失聲。
我一直都對一類型女仔無抵抗力——爽朗直率，活潑開朗又靚嘅女仔，應采兒嗰種，但我並不強求，女朋友唔係呢類型但相處開心。我曾經覺得當你係麥田選擇咗最好嘅麥穗後，就應該瞌眼老實走完餘下路，但我唔小心偷睇咗一眼，我望見自己嘅白月光
而家面對女朋友，無法攬佢錫佢，呢刻有種於心有愧嘅感覺，呢刻先聽得明「連乞丐喊窮心也痛，竟怕放懷擁抱你」嘅感覺，我自己深知B小姐對我無感覺，有都唔會為咗我放棄多年友誼；我同女朋友經歷過好多事，係呢短短4日變咗心，每次我想靜心落黎，IG彈起B小姐訊息我就再次戚一戚心
原來我都只係個渣男
