但係覺得可能好多都係純粹入場湊下熱鬧
真係識珍惜佢嘅人係咪真係咁多
雖然好多連登仔一講起張敬軒 就會放佢張微博圖
但係張敬軒真係仲有好多地方值得大家欣賞
我真係好想比更多人認識佢最重要嘅內涵
首先實力同唱功真係唔使質疑，現今樂壇，
淨係講唱功穩定已經寥寥可數，仲未講追求唱功嘅極致
而家最勁嘅新人可能係Mc ，唱功同爆發力都好犀利
但係睇返張敬軒每次嘅演出的確係第二個層次
演唱時既感情，表情管理，身體動作，你留意吓佢每搖一下頭，唱情歌嗰陣既身體抖動，其實都係有意義，
一首歌已經要兼顧咁多嘢，再加上演唱會要配合埋藝術既可觀性
其實一首歌佢真係好用心用力，唔係我哋睇到咁簡單。另外演唱會嘉賓睇得出佢私底下對好多人都好好，
個人謙虛，講嘢得體
另外如果大家留意到佢多啲，會發覺佢真係好善良，以佢今時今日嘅地位，根本唔需要班門弄斧，得閒又搞下gag ，拍吓啲戇鳩嘢，又推下新人上台。
比着以前嗰啲紅小小嘅四大天王？ 陳奕迅？
一定會擺着一副高高在上嘅姿態 淨係識搵錢，新人？你死你事啦。
張敬軒真係落手落腳推動香港嘅音樂，廣東歌嘅文化，歷史保育
係，講到呢度可能下邊又有留言會放張敬軒張微博圖出嚟 ，放心啊我駁唔到，但係真係需要一直放大呢件喺公關層面上既事咩
而佢忽略咗佢一直做緊嘅嘢？咁過去多場演唱會，淨係睇吓啲嘉賓名單，除咗一堆唔係奶共 唔係CCTVB既歌手 仲有周國賢 Rubber band 藍奕邦
明眼人都知咩事，陣間可唔可以同我一樣一齊珍惜下啦呢個張敬軒，香港少咗張敬軒真係會少咗好多幸福
