加拿大後生仔無上流，香港大把希望

近日有一名移民加拿大的港人發文表示，「移民後先醒覺香港向上流真係比好多城市易好多」，指覺得加拿大嘅後生冇未來，由一出世到死個日，就被成個加拿大體制食哂所有錢，直言「我成日想像如果我冇香港嘅錢，應該抑鬱咗好耐」。

該名移加港人在社交平台threads發文表示，移民加拿大後，「覺得依度嘅後生先真正冇未來」，指一般在加拿大大學畢業生起薪約2.3萬港元，好似好唔錯，但扣稅後只有1.8萬。然後一般人享受到嘅福利差過香港，「大城市一房單位月租1萬2，唔低過香港好多，大部份嘢貴過香港最少10% 住細城市？你搵到工先算，依家連wfh都開始冇埋。加上北美文化都係傾向後生仔自己住，冇話可以同父母住唔洗比租、銀行月費、保險費、左扣右扣唔會有錢剩。投資？賺咗要比稅，看似一大堆免稅戶口，你都唔會有剩錢供」。

樓主以自身為例，「我自己就算搵5萬7港紙一個月，扣稅扣醫保扣公司退休金扣工會費，最後每個月得返3萬4」。樓主指，自己個人工係其年齡層係top5%，然而當地支出遠高過香港、投資回報遠低於香港(因為稅)。至於點解一直呻但又唔走，樓主坦言「最重要係因為我帶咗香港筆可觀嘅錢過嚟，我成日想像如果我冇香港嘅錢，應該抑鬱咗好耐」，話「完全唔明啲後生仔，搵得我一半，點樣生存喺呢個黐線嘅國家」。

樓主對比兩地生活差異，認為香港有「向上流」的機會，「喺香港地普通讀下書做下護士社工老師五寶，做下IT依類你一畢業已經搵多過唔少人，根本每個月唔係真係大洗，食嘢都唔洗點睇價錢，唔想點刻意儲都會有錢剩」。反觀加拿大就着重「睇學歷」，「你要做專業人士(除左IT)，大部份都係master起跳，最重要係人工其實唔係真係高好多」，對於有指做藍領都可以搵到食，樓主直指，「一般藍領除咗一開始搵多少少錢外，去到職業中期已經唔會同好少少嘅白領有分別」。

由於加拿大實行高稅收政策，樓主指打工仔係唔會有錢剩，「政府、保險、業主、大公司、銀行，每個月就係食哂你d錢。你係唔會有錢剩，唔會有錢儲，投資到都要比返稅。辛辛苦苦供嘅養老金？唔好意思你拎都係要比稅」，形容「由你一出世到死個日，成個加拿大體制就係食哂你所有錢」。

樓主將自己以前在香港的薪金與現在對比，「我供完樓/租完樓剩低嘅人工，都比起我喺多倫多稅後未用過嘅糧多」，更表示以前投資「投資賺100%就係100%，每個月開心都仲有好多錢剩」

樓主補充指加拿大「都係一個唔鼓勵人哋努力嘅地方」，指如果本身不求上進，「你可以唔升職都搵到同你經理差不多嘅人工」，若然你是主任級或以上，「法律上係可以冇ot鐘同錢」，然後工作量係好幾倍，惟人工就僅高10-20%。反觀香港只要努力就有相應的人工，雖然專業人士會有壓力，但「起碼你上進，都有向上流嘅機會」。

樓主又力數加拿大落後，「醫療又唔係話真係好好，教育又唔係話好特別，多倫多起條地鐵線起咗唔知幾多年，高速公路發展幾十年不變，go train都仲係可以柴油列車，啲巴士地鐵又臭又舊，真正『五十年不變』」。而所謂北美第四大金融中心，人工卻低於美國中西部小鎮，但樓價就貴三倍，樓主狠批「冇嘢玩、冇嘢做」，連安排家人旅遊都難「香港玩5日都仲plan到，多倫多3日我都唔知點plan」。

帖文獲得不少網民認同，「同意，多倫多搵緊120萬港紙一年，實際一個月到手得6萬直頭升職都冇意欲，完全唔抵，職位流動性又低，唔似香港升職咁易。如果個人上進，有野心想上到高層十萬月薪+嘅話，香港會容易好多」、「諗起留喺到以後幾十年都要交3、4成稅，心都Up埋。冇生錢入，帶舊錢嚟都會有搣完嘅一日」、「加拿大難過香港除咗學歷，仲好靠關係。啲工（特別係工會工）大部分係圍內優先考慮，先再到外部。睇學歷仲睇彩數，搞完一大輪take home income 仲要少香港一半。真係難搞 」。

垃圾加拿大扮美國嘅廢國，去過一次已經知狗也不屌，係晒錢晒時間移咗民班水魚先會唱好呢個廢國

哦

其實英國都一鳩樣

英國人本身就睇唔起美國人，又點扮美國㗎
好心唔識就唔好喺度鳩噏啦VPN移民傻閪

但我哋係連登個壇，只好繼續唱好喇，邊有得你揀

人云亦云

你咪一樣唱好香港

除咗賣樓移民嘅人之外﹐辛苦哂

> 然後一般人享受到嘅福利差過香港

???

連in間A&W都要自拍做自我介紹既地方你仲想有咩發展空間

唔唱衰唔代表我有唱好

咪亂講

總之就係呢個立場

咩立場?

我立場就係唔會特登彈劾香港唔好

你係熱狗？

係烈治文住過半年，.

酒鬼道友天堂，講完

做美國第51洲罷啦

總之上得連登
連北韓都好過香港
唔認同就係五毛反駁隊

冇錢學咩人移民，移去菲律賓都唔掂

事實加拿大 失業率是香港3倍 税率差不多2倍 免費醫療唔包藥， 加拿大後生仔買樓難度是香港2倍 ,起碼香港做到9按 ,加拿大頂多做5按 首期多好多 壓力測試又高好多 家庭年薪20萬 先勉強買到多倫多 60~70萬 townhouse 過百萬果d 唔係屋企買都無咩可能買到

又要開始返工啦肥毒？

條友住係多倫多, 佢數果堆野真係搏唔到
笑死

呢邊做快餐感覺唔易
淨係處理drive thru都難倒唔少人

Thread 啲傻閪就最叻鳩噏，然後樓豬就信啲鳩噏嘢信到十足，仲post 過嚟連登

烈治文山定烈治文呀 溫哥華烈治文除左啲人亂咁揸車治安應該唔會太差喎