許志安在Joey Tang伴奏下唱《心血》尾段時，忍不住落淚，「多謝你哋俾一個咁神奇嘅感覺我，好耐冇唱歌，多謝你哋！」接著他唱《一步一生》前，感觸分享，「本來以為呢首歌只係屬於我自己同啲歌迷，互動打氣嘅一首歌，但係經過咁多年之後，我覺得呢首歌唔剩係屬於我，係屬於大家。呢首歌講我哋每一個都有自己要走嘅路，同埋面對嘅人生，喺人生當中一定有許多悲歡離合，甜酸苦辣，光明或黑暗，每一日每一刻每一分每一秒，都有許多變數，令我哋覺得唔知點處理，我覺得呢首歌正正喺我哋最需要，喺我軟弱嘅時間，有人拍拍膊頭同我講：『你得嘅！俾比機，加油！』呢幾年我聽最多係呢句說話，無論買嘢食或跑步，都同我講加油！希望喺面對未來嘅不安和未知當中，我哋都有呢份勇氣，行好我哋人生、每一步。」說畢，90度鞠躬多謝觀眾。
https://www.am730.com.hk/娛樂/big-four演唱會-許志安58歲生日全場大合唱慶生-張衞健唱-身體健康-獲eason豎拇指讚好-有片-/588443
