日本麥當勞引爆比卡超之亂 港人社長遭炎上 炮轟偏幫華人炒家

麥當勞開心樂園餐Chiikawa玩具，近期成為大家瘋狂搜集目標。聯乘系列看似是掘之不盡財路，但日本麥當勞剛引爆比卡超之亂，港人CEO被日本網民轟擊，會否再蘊釀另一波抵制危機？

「転売」成熱搜詞 腰斬聯乘反助燃炒價
日本麥當勞與《寶可夢》合作推出兒童餐，贈送《寶可夢》卡包活動於8月9日起動後，日本多個大城市均出現遊客狂掃麥當勞餐，抽走《寶可夢》卡贈品後就隨處丟棄整份兒童餐，很快堆積如山的兒童餐圖片就在網絡瘋傳，「転売」（即轉售）迅即成為熱搜詞。

亂象起因是《寶可夢》卡有價有市，但日本麥當勞僅限每人購買5個餐，如此「寬鬆」的規定，令各地塞滿「爆買」麥當勞餐的遊客，其中大買家包括內地遊客。

由於浪費食物情況引起廣泛關注，《寶可夢》及日本麥當勞同時出手應對。《寶可夢》要求向地卡店拒收購今次活動的《寶可夢》卡包，嚴格執行卡上「Not for Sale」規定。日本麥當勞則中止聯乘活動，但「貨源」中斷後，《寶可夢》卡包網上炒價反而持續攀升。

上次Chiikawa兒童餐玩具再加今次比卡超之亂，日本麥當勞未能有效杜絕浪費食物，引起日本網民不滿，矛頭更直指現任港人社長高正宇，最激的言論甚至指社長偏幫華人炒家。按高正宇打工歷程，早在2000年就加入德國蔡司公司、之後轉投波士頓顧問公司，到2010年加入美國麥當勞，2015年調任日本麥當勞營運總監，明顯是一名職場「國際人」。而今次聯乘銷售安排，未有特別禮遇華人顧客，不過就沒有沒取上次Chiikawa兒童餐玩具大量食物被丟棄教訓，令兒童餐亂象再現。

經歷兩次贈品亂局，令人憂慮會否重現多年前日本消費者抵制麥當勞危機。不過從股價就知道今次仍只是小風波，日本麥當勞控股今日照升逾1%。當年日本麥當勞遭抵制是涉及食安問題，今次只是贈品安排欠佳，只要未來一段日子「過冷河」暫停類似活動，再推幾轉平價食品推廣，在通脹壓力之下，日本消費者仍會繼續光顧麥當勞醫肚吧。

炒鳩左條港狗佢

竟然係關香港人事

聯乘不嬲係財路 係香港嗰啲日呻夜呻生意難做唔識變通 所以執笠都係理所當然

躺着也中槍

應該要即場食曬先可以換領禮品

日本麥當勞係唔係中資？

小林尊先搞得掂

比卡超之亂

支持日本人排支

唔好跟車太貼，一陣貼個拼音名出黎就真相大白就唔好啦

product 做得太好 攪到人搶 你走去屌個ceo

痾督尿照下睇下係邊個既錯先啦

咪唔好買咁多

英文名 Thomas Ko
唔係大陸人

點解唔可以齋賣卡，或者將食物變成待用券 捐出去？
又可以做善事

當年係香港出過Snoopy， hello kitty
真係坐定定數錢
CEO幫公司賺錢都俾人屌

炒賣始祖黎

而家周圍順勢唔搵機會攻擊所有(香港)呢啲人，不過陰啲陰啲你地唔覺啫，遲啲洗廁所管理員都唔可能出現(香港)呢兩個字。

[quote][quote]竟然係關香港人事
而家根本周圍順勢搵機會攻擊所有(香港)呢啲人，其他地方陰啲陰啲你地唔覺啫，遲啲洗廁所管理員都唔可能出現(香港)呢兩個字。
多左個唔字

限制只有兒童先買得呢個餐 完美解決

搞到浪費 成堆垃圾 點解唔屌得