摘星係深圳一間專做DSE補習，以前服務對象係雙非兒童，而且有入學考試只收操卷精英。本身已經係醒目仔嘅學生唔返正常嘅高中，去呢d補習機構操1-2年DSE卷，以自修生身分應考，順利以高分入讀香港各大院校。本身就冇咩太大問題，但係高才簽證開拓全新的商機
有部分醒目嘅內地家長同中介發現只要係學生高二時搞個受養人簽證，再完全脫產喺大陸操卷，無須在香港返一日學，就可以用自修生身分入JUPAS，用本地生學額，用四萬二嘅價格享受世一嘅教育。確保仔仔女女入學了，就快快手斷高才簽證，簡直係薅羊毛嘅最高典範。根據小紅書非正式消息，今年港大牙醫收生90幾人中有12個摘星嘅學生，連拔萃都做唔到嘅成績，摘星做到了
醫科要識廣東話，摘星學子只能退而其次。好景不常，咁離譜嘅事情政府出手了，教育局出通告限制呢班高才嘅受養人27/28年起要係香港住一年先可以行JUPAS用local學額，28/29年起要個受養人要在港居留兩年（即日往返內地唔計）。摘星手快快搵咗崇正中學合作，打算將班內地學生送來香港，仲收19萬人民幣學費，遠遠超出崇正可收3萬港元的限制，簡直係此路我開，此樹我栽，無人能擋。遺憾地，呢個發達大計幾日就被教育局收皮，原來咩都冇申請，it's a joke (scam)。連CY Leung都喺facebook出po表示。
細心嘅你會發現，咁2026年呢？
冇錯，2026年嘅DSE仲係中門大開，無任歡迎各路考生一戰。如果考評局咩都唔做，好似24年25年呢兩屆咁被動不作為，任由呢班長居大陸的受養人用自修生身分應考，唔使做SBA，坦白講香港學生喺操卷上真係卷唔過。
所以2026 DSE香港日校考生唔好玩連登啦，要溫書啦～你地即將迎接DSE史上最大地獄修羅場（精英版）。呢幾年嘅JUPAS收分對2026/27將毫無參考價值，擋不住高才子女的尾班車
JUPAS又有DSE成績同受養人簽證就擺入本地生個pool度，咁唔使玩啦。
