【推理/偵探】喺美國做高中生偵探，FBI同紐約警局爭住搵我破案

《美國高中生偵探—來自香港的Agent Blue》

序

故事發生在紐約皇后區，一名來自香港的高中生即將展開他的推理之旅。

紐約，曾經的罪惡之城。
如今看似和平不少，但在我們看不到的地方，罪惡仍然存在⋯⋯

拘捕罪犯，
是警察的職責。

但揭開真相，
是偵探的存在意義。
   ---- 也是滿足他好奇心的唯一方法

_____推理X校園_____

這是屬於來自香港的高中生偵探—藍星仁的故事。

​​​​​​​八月日更

Penana：https://www.penana.com/story/188537/美國高中生偵探-來自香港的agent-blue/issue/1

01 - 來自香港的Agent Blue

在冰冷的倉庫裡，寒氣寒得能刺穿骨頭，瀰漫在空氣中的鐵鏽味，諷刺著這位高中生偵探。

藍星仁跪在堅硬的水泥地上，將女孩冰冷的身軀緊緊抱在懷中。

他低頭凝視著那張再無呼吸的臉，一股撕心裂肺的痛楚與懊悔淹湧上心頭。

「我發誓⋯⋯我一定會搵到兇手⋯⋯」藍星仁忍著悲痛說。

＝＝＝＝＝＝
一個月前


Nova Nolan High School，簡稱NNHS—— 一所坐落在紐約皇后區的公立高中，是尋常的普通學校，但四年前開始，這裡卻流傳著擁有一個高中生偵探的傳說，人稱他為——「Agent Blue」。

今天，學校的校長室裡發生了一宗失竊案，就在校長嚷著要報警時，一個身穿藍色外套的12th Grade Senior從人群裡走了出來。

「犯人就係你！新嚟嘅清潔工人——Floyd Taron！」

指著面前清潔工人的，是來自香港的移民，美國高中生偵探——藍星仁。

「你⋯⋯你講咩呀？我點會係犯人呀。我先唔會偷校長部電話呀。」Floyd Taron緊張地說道。
「校長室係長期鎖住，而且只有校長有鎖匙，我頭先檢查過門鎖同CCTV，冇人試過爆門入去。」藍星仁在他面前走了幾步，「所以兇手只可以喺窗邊入去，加上校長室上面就係天台，只要做好安全措施，要入去一啲都唔難。當你上返去嘅時候，仲可以順便清理埋你留低嘅痕跡。」

「你講咩呀，你唔記得我隻腳傷咗咩，我點樣爬窗入去呀。」Floyd Taron大聲說。

藍星仁神態自若地笑了一笑，「你根本就係扮傷嘅，Todd！」他向好友——非裔的Todd Cullam叫道。

Todd把一盆髒水倒到Floyd Taron的腳邊。

Floyd下意識地提起了腳，還跳得非常高。

「仲要唔要繼續扮呀？而且我諗你偷嘅，應該唔會係校長部電話。」藍星仁眼神銳利的看著他，「你其實係喺我哋呢度畢業嘅舊生，你嘅真名係Henry Dellon，你偷嘅係3個禮拜前返嚟嗰日嘅訪客登記表。」

「你⋯⋯」

「Chloe，麻煩你喇。」藍星仁對他的另一位好友Chloe Adams說。

Chloe拿出了12年前的學校相簿，裡面是Floyd，也就是Henry Dellon的相片。

「咁⋯⋯點解佢要做咁多嘢呀？」NNHS的校長Mike Montgomery問。

「咁就要交畀Stephen講吓。」藍星仁請他的足球隊隊友Stephen Sanderson講解情況。

「Yan，你唔係呀嘛⋯⋯」Stephen一臉尷尬看著藍星仁，「咁嘅⋯⋯我⋯⋯我收到情報，有人喺我哋學校女更衣室偷拍，所以我為咗求證，我就自己睇咗條片⋯⋯」

藍星仁搶過話來，「重點係有人喺我哋學校偷拍，而且因為某啲原因放咗上網。可能係你部電腦畀人hack咗之類啦。」他清晰地陳述著，「雖然冇清楚講明係邊間學校，但係只要一查，好快就會知道兇手係邊個，偷拍未成年少女呢條罪，一啲都唔輕！所以你——Henry Dellon，為咗洗走自己嘅嫌疑，就要偷走張訪客登記表！」

人群瞬間嘩然起來，紛紛對這個犯下偷拍罪的男子投以白眼，Henry Dellon見狀就衝出人群。他向前直衝，撞開試圖阻礙他的同學。

藍星仁和Todd一路從後追趕，但還是未能攔下Henry Dellon。

突然，一名身材健碩，頭髮黑中帶白，戴著一副外形乾淨俐落的金屬眼鏡，身穿西裝的亞裔男子，一拳打向Henry Dellon，令他當場倒下。

「細路，做得好呀，幫我哋慳咗好多時間。」那名男子說。
「你係邊個？」藍星仁問。
「James Wong，FBI。」他用手扣鎖上Henry的手，「我哋收到線報，呢個人我哋已經通輯咗好耐，佢唔只喺紐約偷拍未成年少女，德州、賓州、佛羅里達，全部都有佢嘅犯罪紀錄。」

「你收到線報？」藍星仁自言自語說，「唔通⋯⋯」

這時，一名歐亞混血的女生拍拍藍星仁背脊，「咪我囉。」她對藍星仁微微笑著說。

「我都估到係你啦。」藍星仁笑說，「Yuki。」
「我Call咗我爸爸呀。」Yuki補充。
「但係NYPD班人就叫咗個FBI嚟？」藍星仁看一看James。
「我咁啱喺附近，一聽到消息就嚟，所以咪快過班警察囉。」James解釋著。

藍星仁給了James一個「你喜歡啦」的眼神，他估計James應該是因某些原因來到附近。

「Yuki！」

大聲叫Yuki的是紐約警署（NYPD）的警長——Joseph Harrison。

「偷拍嘅事，我哋處理緊，啲片我哋已經全部Block晒。」他跟Yuki說。
「嗯，我明嘅。你去做嘢先啦。」

Joseph拍拍藍星仁膊頭，「Yan，好嘢呀吓，仲快過FBI捉到人。」Joseph是看著藍星仁說，但眼神卻是在暗地揶揄FBI，「你大學畢業之後，考慮吓嚟NYPD啦。」

旁邊的James冷笑了一下，「佢嘅才能做警察太嘥喇，聯邦先係你嘅舞台。」James給了藍星仁一個眼神，然後和Joseph一起押走Henry Dellon。

「不愧係來自香港嘅『Agent Blue』喎。NYPD同FBI都爭住要。」Yuki笑著對藍星仁說。
「都話唔好叫我『Agent Blue』咯，係Todd佢哋亂改之嘛，同埋今次真係好彩咋。」藍星仁嘴角微微向上揚，「我仲有嘢做呀。」

藍星仁匆忙地走向走廊找校長，手上拿著了校長的電話。

「校長，你睇吓部電話係咪你嘅。」
「係呀，你喺邊度搵到㗎。」
「我喺Canteen搵到㗎，可能你頭先漏低咗。」
「唔該晒你呀。」校長找回電話後滿面笑容。

藍星仁回到了他的朋友身邊。

「你係幾時去過Canteen呀？我今日全日都同你一齊。」Todd說。
「頭先囉。」藍星仁裝模作樣的聳了聳肩說。

Todd滿頭問號的時候，Chloe開口了：「部電話係Yan偷㗎。」

「嗱，我冇偷呀。只係借嚟用吓啫。」藍星仁調皮地說。
「咁你偷嚟做咩呀？」Todd問。
「都話係借咯。」藍星仁堅稱，「我一個鐘頭前問校長，份訪客登記表去咗邊，佢話唔見咗，不過就肯定今朝有用過，但係校務處又唔畀我睇CCTV，我唯有扮係幫校長搵電話囉。」

藍星仁從Stephen那裡知道了偷拍的事，他跟據Stephen的形容，問了幾位受害女同學最近的衣着，推斷出犯人的作案日期是三星期前，於是想找校長查訪客登記表，但訪客登記表卻巧合地失蹤了，他敏銳的直覺，嗅到了兇案的氣味，於是便開始調查，鎖定偷訪客登記表和偷拍的是同一人，而且不會是老師或同學，因為他們都不用填訪客登記。

藍星仁經過調查後，把目光鎖定到最近才到學校工作的人，而且打了幾通電話，很快便知道Floyd Taron是個假名。

「咁你係點知佢嘅真名？」Todd問道。
「咁就好彩有Chloe喇。」藍星仁神氣指著Chloe。
「Yan叫我搵吓學校嘅舊相，因為佢推測兇手係舊生。」Chloe托一托她的眼鏡說。
「點解呀？」Todd又問道。

藍星仁指著他們的保安員，「我哋學校嘅保安咁嚴，只有學生、老師、家長先入得，如果全部都唔係，就一定係舊生，所以佢唔可以用假名入嚟。」他解釋著。

Chloe是個在學校不起眼的白人女生，但卻非常細心，閱讀很快，擁有能在一大堆資料中迅速找到情報的能力。

「當我知道咗佢嘅真名之後，就即刻上網查，結果就畀我搵到佢係一個偷拍嘅慣犯，一早已經有案底。」藍星仁邊走邊解釋說。
「咁其實你都係斷估咋喎，邊有證據一定係佢呢？」Todd皺着眉頭疑惑地說。
「所以我而家咪要搵物證囉。」藍星仁心知道以現有的推論和證據，犯人依然可以脫身。

他走到通往天台的樓梯。

藍星仁戴上膠手套，同時也遞給了Todd和Chloe一對膠手套，他走到垃圾桶前，脫下自己的藍色Jacket，打開垃圾桶，尋找證據。

「快啲過嚟幫手啦。」藍星仁叫道。
「我哋真係要咁做呀？」Todd一面嫌棄地說。

另一邊，Chloe已經很快加入了藍星仁，開始在垃圾桶裡尋找：「受害者係我哋嘅同學呀，可能我都有份畀佢偷拍㗎。」

「Sorry呀。」Todd道歉後，很快便加入了搜索。

「搵到！」藍星仁高興地拿著訪客登記表，「只要上面有少少佢嘅DNA，佢就坐硬監！」藍星仁自信地說。
「咁快啲拎畀警察啦。」Chloe說。
「嗯。」

就在他們落樓梯，路過一樓時，一個身影從化學實驗室裡衝出，高速向大門直奔。

藍星仁心感不妙，馬上把訪客登記表交給Chloe，自己就衝向化學實驗室。

「Todd，追佢呀！」藍星仁不忙叫道。

沒想到，裡面是一個躺在地上的男生，他旁邊是大量的血，藍星仁靠近看，發現他胸口中槍，臉色蒼白，沒有脈搏，看來已經死亡⋯⋯

「係Peter⋯⋯Peter Becker⋯⋯」Chloe驚嚇地說。

（Tbc.）

推！

02 - 校園槍擊案——不冷靜的你，只會妨礙我查案

NYPD的警員再次回到NNHS，他們馬上封鎖了校園，為這座1970年代就啟用的老學校，帶來了一份危險的味道。畢竟，校園槍擊案在美國可是不能接受的重案，警方是高度關注事件。

「講吓你發現死者嘅情形。」NYPD的警員向藍星仁他們問話。
「我哋路過1樓嘅時候，見到有個人影喺Chem Lab衝出嚟，我個心有啲不祥嘅預感，所以走入去睇。然後就見到Peter中槍，根據失血量，我推測Peter已經中槍超過5分鐘。我摸唔到佢嘅脈搏，所以我哋就報警。」藍星仁正在陳述他們發現案件的經過。
「我哋即刻叫咗保安攔住校門，所以由我哋發現Peter之後⋯⋯除咗嗰個男人就冇人離開過。」Chloe帶著一些傷感說著。
「你哋朋友可以落口供未？」NYPD的警員問。

藍星仁和Chloe看著站在窗前的Todd，輕輕拍拍他的背。

「我哋上個禮拜先一齊打完波咋，仲話要一齊做首歌。點解呀⋯⋯」Todd哭著說。

Chloe在安慰Todd，他跟Peter都是喜歡音樂的人，Todd是個Rapper，而Peter是歌手，兩人上星期才剛決定要一起做一首歌。

另一邊，藍星仁在跟警察對話：「嗰個男人著短褲、背心，我肯定佢冇拎走枝槍。同埋枱面有個包裹，可能會搵到指紋。」

「死者有冇仇人？」警員再問。
「據我哋所知就冇，Peter係個Nice Guy，冇人唔鍾意佢。」藍星仁冷靜地說。
「好⋯⋯我哋會查，你哋幾個使唔使見社工？」

藍星仁和Chloe看著Todd，他收起眼淚搖搖頭。

「我哋OK。」藍星仁平靜地說。

這時，Joseph跟Yuki也來到了實驗室，Yuki緊張地捉住了藍星仁的手臂：「Yan，你哋有冇受傷呀？」

「我哋都冇事。」藍星仁無情緒地說，「Mr. Harrison，我諗有必要檢查每個人身上嘅硝煙反應。」
「你嘅意思係兇手，唔係逃走嗰個男人？」Josep緊張地望著藍星仁。
「係。」藍星仁肯定地說，「你諗吓，既然佢已經打中咗Peter，點解仲唔即刻走，要等5分鐘先走。如果佢係想等Peter失救，只要走嘅時候反鎖度門就可以。唯一嘅可能性係佢係個變態殺手，但係呢種人肯定唔會咁狼狽逃走。」

Joseph Harrison對藍星仁的推理十分認同，於是也加快了人手對學生都進行硝煙反應的測試。

硝煙反應，就是因開槍而造成的化學反應，火藥會在槍手的手和衣服留下殘餘物。

警察在學校裡進行調查，同一時間，藍星仁也無法按捺心中的憤怒和好奇心，他正準備展開調查，而他的第一步，是要找到兇器。

「Yan，我哋依家應該點做？」Chloe追上藍星仁問。
「你哋今次唞下，等我自己查，而且兇手可能仲喺學校，你哋返去班警察度啦。」藍星仁冷靜地說。
「咁⋯⋯咁點得呀，Peter係我朋友嚟㗎，你叫我咩都唔做呀？」Todd很大反應地說。
「你而家好唔冷靜，咁只會阻住我調查咋。」藍星仁斬釘截鐵地說。

Todd對藍星仁的說話很不爽，似乎更加無法冷靜下來。

「唔通你叫我好似你咁冷靜呀！Peter都係你朋友呀！」Todd大喝，他大概是不明白為何藍星仁會冷靜得像不認識Peter。

Chloe拉開了Todd，偷偷看了看藍星仁的反應。

「Yan，你自己小心啲。」Chloe淡淡地說，她知道藍星仁決定了的事，就沒有人能阻止。
「喂，Chloe！連你都咁樣！」Todd還是在無盡的憤怒之中。
「睇住佢，如果有事嗰個係你哋，我就無可能冷靜落嚟。」藍星仁背對Chloe說，聲線裡微微的顫抖著。

這三個人平日是黏在一起的好朋友，不時在學校和社區解決一些小事件。Todd是他們的開心果，雖然常常搞出笑話，但卻總是見義勇為，抱打不平。Chloe是個書不離手的書蟲，不多說話，但就能好好的觀察事物。藍星仁就是他們的大腦，天生出色的推理能力，讓他很容易找到犯人，最重要是他對真相的好奇心，時時刻刻影響著他的好友。

對於Peter的死，藍星仁也是強行維持冷靜，始終也是一起上課的同學，但他心裡明白，與其花時間傷心，倒不如找出兇手，這才是他能為Peter做的最後一件事。

在警察到之前，藍星仁已經在化學實驗室裡搜索過一次，但也找不到槍械。還是說兇手留在實驗室的五分鐘就是為了拆散槍械，再收藏帶走？

四周搜索的同時，他也不忙向其他同學收集情報。

「你話Monica畀咗張紙條叫Peter去Chem Lab？」藍星仁在問案發前和Peter一起的Wilson。
「係呀。Teresa畀咗張字條佢。」
「咪住⋯⋯咁係咪Monica親手畀張字條Teresa㗎？」
「咁又唔知喇。」

看來，Peter是被人精心部署殺害的。Monica是學校裡的校花，金髮的大美人，也是每個男孩心中的女神，但她卻很少和男同學接觸。

「Yan，你一定要搵到兇手呀，Peter⋯⋯唔應該離開我哋⋯⋯」Wilson眼淚在打轉著，看來Peter的確是個人緣很好的年輕人。

「我一定會。」藍星仁的眼神流露著要找到真兇的決意。

很快，藍星仁便找到了Monica。

「Monica，你今日有冇搵過Peter呀？」藍星仁緊張地問。
「吓？我冇呀。今日真係冇。」Monica有些不自在地說。
「你同Peter⋯⋯係咪有咩關係？」藍星仁接著再追問。
「咪⋯⋯同學囉，好似你同我咁。」Monica隱晦地說。

藍星仁似乎發覺到甚麼，他又開口說：「你只需要話畀我知，係咪有某啲原因，Peter一定會見你就得。有定冇？」

Monica點點頭。

「仲有冇人知呢件事？」藍星仁續問。
「其實我唔知呀。」Monica十分疑惑。

藍星仁用銳利的眼睛看著她。

「你要先應承我唔會講出去。」Monica凝重地說。
「我應承你。」藍星仁不假思索地回應，他只想知道她和Peter之間的事。

Monica悄悄地在藍星仁耳邊告訴了他。

藍星仁似乎也被Monica的話嚇到，「咁我明喇，我唔會講出去。」藍星仁皺著眉說。

Monica之後便轉身離開，而藍星仁就喃喃自語地說：「但係兩件事⋯⋯係咪有關係呢。」

她跟Peter之間有著不可告人的秘密，所以兇手能假借Monica之名，讓Peter到實驗室。然而，兇器又在哪裡，動機又是甚麼⋯⋯

藍星仁要親手揭開一切的真相。

（Tbc.）

03 - 校園槍擊案——劇社、泳池、NYPD

藍星仁走在學校的走廊，這是一個貼滿海報與球隊錦旗的空間，他不認為逃跑的男人是兇手，然而無論是兇器，或殺死Peter的動機，他都找不到，Monica所告知的訊息，也似乎不是重點。

「吖！」一聲尖叫由課室傳來。

藍星仁馬上來到了課室，入到課室內是他的歷史科老師Gloria Mckenzie，她被咖啡弄髒了衣服。

「發生咩事呀？」藍星仁問。
「頭先Todd喺我前面跑過，我畀佢嚇親，成杯咖啡淋咗落自己度囉，好彩我個位有多套衫啫。」Mckenzie老師用紙巾擦著自己的衣服說。
「Todd做咩要跑呀？」

突然有一把聲音搶了回答，「佢話搵你呀，大偵探。」他是在課室裡看著進階數學書的Iggy Dropkin。

Iggy是學校的高材生，卻總是不喜歡藍星仁，認為他不應該總是玩這種偵探遊戲，反正最後功勞只會讓警察拿走。

「我建議你就交返畀班警察查，咪嘥時間啦。」Iggy語氣中夾雜著他的調侃。
「我就一啲都唔覺得嘥時間喎，只要幫Peter搵到兇手，就咩都值啦。」藍星仁輕輕地說。

他馬上去找Todd。

沒過多久，他就見到Chloe和Todd，「你哋搵我？有新線索？」藍星仁緊張地問。

「我醒起⋯⋯我聞到一浸味，喺嗰個男人身上，好似係天拿水。」Todd緩緩地說。
「天拿水？」
「可能係哥羅芳。」Chloe插著說。

「如果佢係畀人整暈咗，喺5分鐘之後先醒，再見到一地血然後逃走，咁就合理。」藍星仁推測著。
「係，不過我哋都問咗校務處，CCTV影唔到第二個人入去Chem Lab。」Chloe再解釋。
「我哋個Chem Lab又唔係密室，我哋去到嘅時候隻窗明明就開住嘅。」藍星仁神氣地說。
「冇錯，一樓嘅話，沿住水喉就可以落到去。」Todd說，「我哋都試過啦。」他用手肘輕輕撞藍星仁。

藍星仁一笑：「我記得，嗰陣我哋仲要係Freshmen。」，他瞬間又調整好語氣：「你好似冷靜返喇喎。」

「嗯。咁你又查到咩呀『Agent Blue』？」Todd回復平靜說。
「都話唔好叫我『Agent Blue』咯。」藍星仁又說出他的經典對白，「有人用Monica個名，叫Peter去Chem Lab，兇手好大機會係呢個扮Monica嘅人。」
「你又知Monica冇講大話？」Chloe問道。
「Yuki同Monica今朝一齊上堂，佢冇去過廁所，或者離開過課室。」藍星仁說。

Chloe翹起雙手：「哦。又係Yuki。」

「唔係仲有邊個喎。」藍星仁隨口地答，「行啦，我搵到新方向查喇。」



藍星仁他們分開調查，Todd負責調查戲劇社的社員，Chloe負責調查室外泳池，而藍星仁就在Yuki旁邊收取NYPD的情報。

Todd來到了NNHS的戲劇社，他們剛剛正在綵排即將表演的話劇，而且所有人都換成了戲服。

「你哋⋯⋯一共有幾多人有換衫呀？」Todd向其中一位劇社同學Oscar詢問。
「有份演出嘅一共有12個人，咩事呀？」Oscar帶點懷疑地反問著。
「冇，想了解吓啫。」
「我哋冇人離開過綵排室呀，除咗Danielle。」

Todd望向在話劇中飾演一個十八世紀貴族的Danielle，她是一名二年級生，雙眼滲著憂鬱的神情，似乎已經把自己投入在她飾演的角色－Margaret Weston。

「Hello，你係Danielle？」Todd略顯尷尬地行近。
「我哋生存喺呢個時代，要點樣決定自己嘅命運，Margaret唔想咁，點解Margaret就係唔可以愛一個真正鍾意Margaret嘅人。」Danielle似乎非常入戲。

Todd一頭霧水，她居然還有第三人稱自居，看來是很投入演出。

「喂，Danielle。」Todd再次嘗試訪問她。
「Margaret嘅未來，要由Margaret自己決定。」Danielle舉手投足也仿佛是電影裡會看到的18世紀的女性。
「我係想問你離開劇社嘅時候有冇去過Chem Lab，有冇人證明你冇去過嗰邊？」
「你一啲都唔明白，如果我哋係相愛，點解要理會其他人嘅眼光。」Danielle捉起了Todd的手。

Todd一時之間，有些害羞，但他竟然配合地「演出著」。

「無論未來係點，我都會留喺你嘅身邊。Margaret，我愛你呀。」Todd似乎是投入地飾演那個Margaret愛人的角色。
「Frank！」Danielle激動地哭了起來，緊緊抱住了Todd。

「Cut！」
正當二人要相擁之際，Oscar打破了美好的「演出」。

「Bro，What are you doing？我哋啱啱先演到戲玉咋！」Todd反應激烈。

還是說他已被Danielle拉進了戲劇世界？

「吓？你話嚟查嘢㗎喎。而且你根本都唔係劇社嘅！」Oscar不解地說。
「你係邊個呀？」Danielle推開Todd後激動地說。
「我係嚟問⋯⋯有關你綵排嘅事㗎。」Todd也回復了正常。

在案發的2點，戲劇社正在綵排，但途中Danielle因為功課的事，去了見老師，那名老師也可以做證，也就是說Danielle沒有可能是兇手。

「我可唔可以問你，點解要特登過嚟問我呢？」Danielle問道。
「因為兇手要避開『硝煙反應』，今日學校有中途換衫嘅人唔多，主要係你哋劇社，所以我就嚟查吓囉。」Todd解釋道。

因為藍星仁有及時發現Peter遇害，馬上請保安封鎖了學校，所以兇手很大機會仍在學校裡，而警方正在進行硝煙反應的測試，所以兇手為了洗脫嫌疑，必定會更換衣服，所以藍星仁就把疑兇範圍收窄至有換衣服的人。

「咁⋯⋯我走先，你哋繼續排戲啦。」Todd趕急地說。
「喂⋯⋯你，叫咩名話。」Danielle用那雙憂鬱的眼睛看著Todd。

NYPD在體育館裡設立了臨時指揮中心，由Josephe Harrison來管理，Yuki也跟在她的父親附近，這時藍星仁也來到了體育館，想打探一下調查進度。

「Yan，呢邊呀。」Yuki興奮地跟藍星仁揮手。

在體育館的警察，有大部分都認為Joseph Harrison判斷失敗，怎麼寧願相信一個高中生，都不去追蹤逃走的那名嫌疑犯。有不少警察已對藍星仁反感，認為大費周章檢查硝煙反應是多餘的事。藍星仁沒有被趕走，純粹是因為Yuki是藍星仁的朋友。

「Mr. Harrison，有冇進展呀？」藍星仁期待地問。
「冇。而且我哋都冇可能一直喺度Check硝煙反應，班同事都詐晒我型。」Joseph聲線裡能聽出他的煩惱。

一名警員，氣喘喘跑到Joseph面前：「sir，搵到包裹嘅指紋，係一個叫做Mario Rojas嘅人，佢之前有份參與一單謀殺案，但因為篤咗灰，依家判緊緩刑。」，那名警員會心微笑，很相信真兇就是那個逃走的Mario Rojas，他用嘲諷的樣子看著藍星仁：「高中生，偵探遊戲留返自己同啲同學仔玩啦。」

藍星仁一言不發，就像沒有把他的話聽入耳，反而是Yuki就題得很不開心，「佢有案底就一定會殺Peter咩，唔使Yan講我都知呀，根本都冇動機。」Yuki生氣地說，「Daddy呀，你信Yan啦。」

Joseph Harrison看著女兒的反應，很難拒絕，但考慮到現實，的確先找到Mario Rojas比較重要。

「Yuki，我依家做緊嘢㗎。」Joseph非常理性地說，「去追Mario Rojas。」他向那名警員命令道。

就在這時，藍星仁也似乎是想到了甚麼。

「Yuki，Mr. Harrison，我諗起啲嘢。我出去先。」藍星仁說罷，就離開了體育館。
「Yan，等陣呀。」Yuki叫道，但藍星仁並沒有停下。
「Yuki，你同佢咩關係呀？」Joseph看出了女兒對藍星仁的關心，絕不是普通朋友。
「冇呀⋯⋯咪普通同學啦，我咪平時都唔傾偈嘅。」Yuki裝作自然地說。

Joseph看著Yuki，擺出了一款父親的模樣：「你爸爸我唔只係NYPD嘅Sergent，仲係有17年經驗嘅爸爸，你覺得你暪到我咩。」

「我去溫書先～」Yuki沒有回應父親，用個不用查都知道是假的理由離開了。

「呢個女吖，係鍾意啲偵探嘅，似足佢媽媽。」Joseph Harrison笑著自言自語地說。

較早前，當藍星仁在鎖定了嫌兇必然是有換衫的人後，就由Todd去戲劇社，Chloe去泳池調查，除了這兩個地方的人，就只有Mckenzie老師有更換衣服，但後者的嫌疑相對細，她更衣只是因Todd的無心之失所致。

Chloe獨自一人來到了泳池，她在女更衣室裡搜尋著，希望會找到兇器，然而據泳池的保安說，今天男更衣室沒有人使用，女更衣也就只有新來的游泳教練在使用。

新教練Tania Neller，是前游泳運動員，兩個月前來到了NNHS任教，本來是為準備下午的練習而熱身，但想到校園發生槍擊案便取消了練習。

正當Chloe在更衣室裡搜尋著槍械，有一把女聲在問Chloe：「你係咪搵緊嘢呀？」

「我⋯⋯冇呀，好似漏咗電話啫。」Chloe拿著自己的電話，裝作是剛找到的。

「是嗎？」Tania Neller用一對圓圓的眼睛看著她說。

（Tbc.）