［連登讀經團契（四）］創世記｜洪水退去，大地如常

「連登讀經團契」，繼續圍爐吹水，開心share

呢度冇教主，冇組長，冇牧師，冇老師，只有幾位同工開下post，寫下分享，接待私下聯絡我地既朋友，歡迎有負擔既巴絲加入

同工名單：黎啦繼續等緊你（黎巴）、水豚君巴拿巴（水巴）、yellow

可以直接email 去我地度
lihkg.church@gmail.com

或者留低聯絡方式：
https://docs.google.com/forms/d/1Ho6ONb3U7uUMEdmTopoabbvE-n0WEZ0QtEgN46IA4Gk/edit?pli=1&authuser=6

我地暫計劃每兩星期會開一次post，聚焦一段經文進行討論

本團契旨在回歸初心，討論聖經，無意取代任何教會/堂會，只係提供一個網上聚腳點，求神使用

歡迎任何信左耶穌既弟兄姊妹或未信既朋友仔參與討論

今次我地個post係開係「講故台」，希望大家「聽故/講故，唔好駁故」

如果覺得有弟兄姊妹解錯經，可以用愛心指正，可以挑戰對方想法，但要基於經文，切勿人身攻擊，最好聚焦核心經文本身，避免離題太多。

亦都歡迎各位弟兄姊妹或朋友仔放低禱告事項，我地會為你地禱告，並出公禱文記念。




FAQ
————————————
Q: 聖經是甚麼？
聖經分新約聖經和希伯來聖經

A:
客觀地講：
希伯來聖經係古代猶太文獻集，主要由律法書、先知書同智慧寫作組成，亦係耶穌在世上教導既基礎。

新約聖經係指使徒書信（用作牧養教導初期教會）、啟示錄、福音書（由使徒或者他們身邊既人寫既耶穌生平既見證）同使徒行傳，係耶穌在地上事蹟和初期教會發展的第一身見證。

信仰角度：聖經係神既話語

——————————-

Q: 聖經是否無誤？
A:
我地相信聖經真係神既話語，但唔一定全部係百份百歷史記錄。

例如創世記有好多類近神話既記載，就好似爸爸係床前講三國演義俾我聽，教我做人既道理（例如唔好學關羽咁驕傲），咁故事真係由爸爸講既，至於三國演義則不一定記錄左客觀歷史。

而新約福音書等對耶穌同初期教會既見證，就絕大部分都係真確既，雖然四福音書細節各有出入，但主要對耶穌的記載都是一致的。

當然一部分保守派基督徒信聖經一字一句都客觀上真實無誤，不過既然係開放吹水，無必要預設一個咁保守既立場。

所以今次我地開講故台，唔好駁故喇


——————————-

Q: 點解信耶穌係神？
A:
幾肯定係真既係：
1）在歷史上，耶穌被釘死在十架上(呢個係主流歷史學家既共識）
2）在歷史上，大量第一世紀基督徒為見證耶穌的復活自願殉道（冇人會為明知係假既野自願放棄抵抗咁去死，雖然間中有邪教徒痴左線玩恐襲或被誘騙自殺，但明顯係兩個nature)
3） 耶穌宣稱自己係神（上面既1同2，令我地唔相信佢係騙子或瘋子，唯有信佢係真既），並且大量第一世紀基督徒都係咁信

當然都有唔少對呢個推論既挑戰同質疑，但我地相信「耶穌係神」係最合理既推論，並且咁信。


為左避免玩泥漿摔角式辯論「耶穌是不是神」，呢度既討論，以「耶穌是神」為前設，想挑戰呢個命題請另行開post。


——————————-

Q: 聖經係咪俾人篡改過？
A: 冇證據支持聖經俾人有計劃地篡改過，間中有文士抄錯少少間中都可能會有，但由於聖經既傳播度極高，其實好難去收翻晒來改。唯一係邊本書納入正典，邊本唔入，有幾本有點爭議（馬加比一、二書、雅歌、希伯來書等），有幾本幾乎完全冇（四福音書、摩西五經等）
不過，我地都係鼓勵keep住「聽故/講故，唔好駁故」既精神，focus 翻係經文本身。

——————————-

Q: 你地係咩宗派？
A: 我地呢度唔強調宗派，歡迎新教、天主教、東正教既弟兄姊妹同任何有興趣討論聖經既朋友仔
只求大家互相尊重，唔好惡意引戰

對惡意引戰者，我地冇懲罰機制，只建議大家主動忽略佢地，俾佢地自己玩單機，或由佢地自己之間傾。

——————————-

Q: 乜野係團契？
A: 「團契」呢個詞，聽落好似好「教會」，但其實意思好簡單，就係一班人「團結相交」。英文叫 fellowship，而喺聖經原文希臘文入面，呢個字叫 koinonia，意思係 「夥伴關係、共享、相通」。
想像下，團契唔係上堂聽書，老師喺上面講，學生喺下面抄筆記。
團契更加似係一班朋友約出嚟打邊爐。大家圍住個爐，有唔同嘅食材（唔同人有唔同嘅經歷同諗法），一齊烚、一齊食、一齊吹水。過程入面有交流、有分享、有聆聽，最重要係有「同在」嘅温暖。
我地希望呢度就係一個網上嘅「電子打邊爐」，一個可以俾大家放低假面具，分享生命高低起跌，一齊喺信仰路上「掙扎求存」嘅地方。

—————————-

Q: 點解要搞「團契」？
A:
• 信仰唔係單打獨鬥： 淨係睇字、聽道，好容易變咗學術研究。但信仰從來都係關於「關係」——我地同神嘅關係，同埋我地同人嘅關係。耶穌都唔係自己一個傳道，佢揀咗十二門徒同佢一齊生活、食飯、周圍去。信仰呢條路，一個人行會好攰好孤單，有一班人一齊行，可以互相扶持，行得遠啲、穩啲。
• 文字辯論嘅樽頸： 我地發現，喺論壇用純文字去「辯論」信仰，好多時會變成泥漿摔角，大家精疲力盡，但生命冇乜得着。我地唔係要「贏」一場辯論，而係希望大家可以真實地經歷信仰。團契就係提供一個空間，超越純粹嘅理性辯論，進入生命嘅交流。
• 聖經都係咁教： 初期教會嘅信徒，佢地唔係各自修行，而係「恆心遵守使徒的教訓，彼此相交，擘餅，祈禱。」（使徒行傳 2:42）佢地係一個生命共同體，一齊學習、一齊分享、互相幫助。聖經又鼓勵我地要「彼此相顧，激發愛心，勉勵行善。」（希伯來書 10:24）呢啲嘢，齋睇post係做唔到嘅。

所以，我地轉變模式，唔係放棄講耶穌，而係想用一個更加真實、更加有血有肉嘅方式，同大家一齊經歷耶穌所講嘅愛同生命。歡迎你加入我地呢個「電子打邊爐」，一齊傾、一齊行！

——————————

Q: 我唔係基督徒，甚至可能係反對基督教，可以入嚟傾偈嗎？
A: 絕對歡迎！ 我地開呢個Post嘅其中一個目的，就係想大家認識一個更真實、更貼地嘅基督信仰，而唔係傳說中嗰個離地、刻板嘅「耶教」。
我地轉型做團契，就係唔想再玩「信/唔信」嘅攻防戰。我地更加想做嘅係：
• 真誠交流： 聽下你點解會反對，你經歷過啲咩令你有咁嘅諗法。
• 打破迷思： 俾你睇下基督徒其實都係普通人，一樣有掙扎、有軟弱、有喜怒哀樂。
• 建立友誼： 就算你最後都唔信，我地都希望可以喺呢度建立一份互相尊重嘅友誼。
唯一要求就係大家對事不對人，可以挑戰觀點，但唔好人身攻擊。我地相信，有你嘅聲音加入，會令我地嘅討論更加豐富同全面。

—————————

Q: 呢度同普通吹水台有咩分別？係咪一定要講聖經？
A: 呢個問題都好好。我地可以繼續用「打邊爐」嚟比喻。
普通吹水台就好似去Food Court，大家各自食自己嘢，冇乜關係。
我地呢個團契Post，就似一班朋友約好圍埋打邊爐。我地有個共同嘅「湯底」，就係「希望透過信仰嘅角度去理解生命」。
• 唔係下下講聖經： 你可以傾返工、返學、感情、打機、睇戲……任何生活大小事都可以。
• 但個心態唔同： 我地鼓勵大家喺分享生活嘅同時，可以試下諗多少少：「喺呢件事上，神嘅角色係邊？」「呢個掙扎，聖經有冇俾到啲咩智慧我？」
• 目標係生命成長： 吹水嘅目的係消磨時間，我地團契嘅目的係希望大家嘅生命可以互相支持、一齊成長，變得更似耶穌想我地成為嘅樣式。
簡單講，呢度係一個有主題、有目標嘅吹水台。個主題就係我地嘅生命，個目標就係一齊行呢條信仰路。

———————————

開始之前我地祈個禱先：
我地係天上既父，我地求告你既聖名，你是那位創天造地，命立就立的那一位，感謝你俾我地有網上自由討論既空間。

求你親自牧養我地，我地明白世上除了耶穌，沒有一位完美既好牧者，一些牧者未能張你帶到眾人面前，倒使眾人受傷，求你賜眾牧者智慧去正確教導你的話語。又記念所有曾被教會傷害過既人，醫治眾人，又求你一如以往顯出奇妙既作為，用永不止息既愛感動我地，用忠誠守約既愛維繫我地，成全你既美意，奉耶穌基督既名，Amen!



有咩心事需要代禱，請放心交低，求神應允

今個post經文：創世記8章
（版權屬環球聖經公會）

第八章
洪水消退，露出乾地

1 神顧念挪亞，以及與他一同在方舟裡的所有野獸、所有牲畜；神使風吹過大地，水就開始減退。
2 深淵的泉源和天上的水閘盡都關閉，天降的暴雨止住。
3 水漸漸從地上退走、退回，過了一百五十天，水消減了。
4 七月十七日，方舟停在亞拉臘的山嶺上。
5 水漸漸退走、消減，直到十月；到了十月一日，群山的頂峰露出來了。
6 過了四十天，挪亞打開他所造方舟的窗戶，
7 放出一隻烏鴉。牠出去後，來回地飛，直到水從地上乾掉。
8 挪亞又從他身邊放出一隻鴿子，要看看水從地面上退了沒有。
9 因為遍地都是水，鴿子找不到歇腳的地方，就回到方舟挪亞那裡。挪亞伸手接住鴿子，把牠帶回自己那裡，帶進方舟。
10 他又等了七天，再把鴿子從方舟放出去。
11 黃昏時分，鴿子回到挪亞那裡。看哪，有一片新鮮的橄欖樹葉在牠嘴裡！挪亞就知道地上的水已經退了。
12 挪亞再等了七天，又放出鴿子，鴿子就再也沒有回到他那裡了。
13 挪亞六百零一歲那年的一月一日，地上的水漸乾；挪亞移開方舟的蓋觀看，看見地面漸乾。

14 到了二月二十七日，大地就乾了。
挪亞受命走出方舟
15 神吩咐挪亞說：
16 “你、你的妻子、兒子、兒媳婦都要從方舟裡出來。
17 所有和你一起的動物，就是一切有肉體的——飛鳥、牲畜、一切在地上活動的爬行動物，你都要帶出來；牠們要在地上滋生，在地上繁衍、增多。”
18 於是，挪亞和他的兒子，以及他的妻子和兒媳婦都出來了；
19 所有野獸、所有爬行動物、所有飛鳥、所有在地上活動的，也都按著自己的族類出了方舟。

挪亞築壇，獻上燔祭
20 挪亞為耶和華築了一座祭壇，取來各種潔淨的牲畜和潔淨的飛鳥，獻在祭壇上作為燔祭。
21 耶和華聞到這可喜悅的馨香，耶和華心裡就說：“人從小在心裡盤算的就已經邪惡，我不會再因這個緣故詛咒土地，也不會再擊殺所有生物，像我做過的那樣。
22 只要大地尚存，種和收、冷和熱、夏和冬、晝和夜就不會停息。”

拋磚問題

1. 洪水減退之前，發生左咩事？
2. 人心盤算邪惡，仲有冇邊度有？
3. 耶和華聞到既，點解係可喜悅的馨香？
4. 點解要咁準確講到邊月、邊日、幾多日？

冇標準答案，歡迎分享

信神教真是一門好財路
全球性跨國界都有分堂不停地集資
只要將信神教打造成高人一等的形象
讓教徒可以同樣地有一種充滿自我感覺良好高人一等的虛榮心非常令人受落
再用一本充滿自相予盾厚過本字典的故事書講到前言不對後語一時一樣講足數千年都不能總結地不停迷惑人

引戰：點解樖橄欖樹浸咗150日仲會新鮮？

睇你我反對既野，同巴打你好似

我唔信教的，我係同主耶穌相愛。
佢咪就活生生係度同我一齊。
至於錢，唔需要擔心，主耶穌供應足夠。
講感覺既都靠唔住，只有神既同在最真實。
聖經太精彩，我唔識形容，不斷帶人歸正路。而且美得無比，我用文字解釋唔到。仲要每一句都會成為現實，無可否認。

正喎，普巴，好問題，有冇人做過實驗？想睇

還要欺騙人

如果一個人寧願信成個世界（甚至成個宇宙）咁精妙既生態系統，機率上會自然形成，都唔信有一位神創造世界，其實都係一種信心我地會尊重

神有冇禁止出咗軌嘅男人傳道？

有。
凡係唔尊重神既，就算只係心入面既諗法而冇人睇得出，就唔使用佢果時傳既道，佢就傳道失敗。我上星期日先啱啱聽完咁既事，不過唔係出軌，而係心入面「覺得自己講得好」。同樣道理，出軌都係一樣，連心入面諗住想出軌都係一樣。不過神未必會即刻攞走佢個職位。
好消息係，無論做過咩都好，只要仲未死，仲可以悔改，仲可以返轉頭。（但唔代表呢個崗位仲適合佢。）不過肯咁做既又有幾多個？

話時話經文冇話浸左幾耐

覺得自己講得好唔得嘅好矯情

真係唔得的。呢個係對牧者既特別要求。

因為講道係神向聽眾（包括講員）講，如果講員將神既道私有化成為自high 既工具，係對神極不尊重，亦嚴重扭曲左個目的。

那與你口中所謂的神有何相干？
𣎴是宙斯創造世界嗎？
不是女媧開天闢地嗎？
又想騎劫埋創世神嗎？

我越嚟越覺得基督徒咁 aggressive 唔係樹大有枯枝，而係佢地覺得自己嘅神比其他「仇敵」強大，主動攻擊其他宗教都唔會有後果

神的確強大，無野能夠比，但唔係好多人真係企係神果邊，反而好多人仲以為自己係，於是活係假象入面仲周圍咁樣同人講

你自己未係活喺假象個個囉
黎教主因為亂發誓而畀神擊打
基督教連登堂2024年12月8日至12月14日主週崇拜：聖誕節與獻殿節（客席講員）
https://lih.kg/DoBGmzX
#825 回覆 - 分享自 LIHKG 討論區

正常會死，然後腐爛

第三節話至少150日

第三節講150姐，但係冇講明棵樹係之前已經存在係度，話唔定神要佢突然間生出黎呢，要既話一晚（都唔洗）就生到，正如：

約拿書4:6 耶和華神安排了一棵樹，樹長得高過約拿，樹蔭遮住他的頭，讓他免於受苦。約拿因這棵樹就非常高興。
7 第二天黎明，神卻安排一條蟲咬這棵樹，樹就枯萎了。
8 太陽升起的時候，神又安排炎熱的東風；太陽曝曬約拿的頭，使他發昏；他就為自己求死，說：“我死掉比活著還好！”
9 神對約拿說：“你因這棵樹發怒，有道理嗎？”約拿說：“我發怒至死也有道理！”
10 耶和華說：“這棵樹你未曾出力栽種，也未曾使它成長；它一夜生出，一夜死去，你尚且愛惜，
11 更何況尼尼微這座大城，其中不能分辨左右手的超過十二萬人，還有許多牲畜，我怎能不愛惜呢？”

有人根據呢段，估計生命樹個品種就係橄欖樹

如果你寧願相信宙斯今世、女媧創世、盤古創世，我都會尊重你的畢竟信仰係個人選擇