【科幻故 唔係科幻幻故/幻幻故】《今次一定救到你》(6)

當我再次有返意識之時...再次睜開雙眼之時...

『今...今...次...安...』安哥...係發...發夢？

我半睡半醒咁瞓喺床上...然後成個彈起身！

唔係發夢！一定唔係發夢！我返翻嚟...我再次返翻嚟！

我立即轉身拎起部電話一打返開“中同友誼小船”Group！

“今次係唔係都有得坐安哥仔車㗎？”

今次係唔係...坐安哥仔車？

安哥仔有車㗎咩？

唔係唔係...佢考...考咗車牌？！

咁講法...

“安哥仔：OK吖 都係等我接咗柔柔先”

柔柔！柔柔冇入到監獄！

即係話...

“魚魚：知喇知喇～女朋友First吖嘛～”

果然真係！

“柔柔：喂喂 我唔係公主病嗰啲嚟㗎 唔使男朋友將我乜都放晒喺第一位㗎”

柔柔...安哥仔同咗柔柔一齊！而且仲要一齊緊添！

“魚魚：係係 只係覺得你哋好恩愛姐～之後就威姐 最後到我 係咪？”

咁講法真係俾我改變咗啦！

“安哥仔：係吖 咁時世真係唔坐我車喇嘛？”

我...我...唔坐安哥仔車...要點答呢？

問題係我都唔知今次要去...今次...

“威姐：人哋有分數㗎啦”

“安哥仔：係係 咁時世記得買花喇喎”

買花...咁即係...

“魚魚：時世都係一個好暖嘅男朋友嚟㗎囉 買花唔使提啦”

今次都係...

“安哥仔：咁好啦 一陣見啦”

“柔柔：一陣見”

“威姐：一陣見”

“魚魚：一陣見”

一陣見...

“OK 一陣見”我都係覆返一句先...

放低部電話...一時之間都搞唔清楚現況...

家嘉真係...又再一次...

我再拎返部電話睇睇...睇返之前啲Message...

“安哥仔：聽日去拜家嘉喇喎 大家都要早啲瞓唔好遲到吖”

果然...都係救唔返...

我又放返低部電話...

之但係...今次又係因咩事...

我嘅淚水快要湧出嚟...對眼都開始朦朦朧朧...朦朦朧朧...

我又拎返起部電話...睇睇個時間...再睇睇個日期...

又到咗今日...家嘉嘅生忌...

明明俾我改變咗...安哥仔同柔柔喺埋一齊...好成功...應該會係另一條路線先係...

但家嘉佢都係...

點都好...而家都唔輪到我諗咁多...要起身梳洗咗先...

梳洗完，著返套靚衫...帶埋把黑色遮就出門口...

都係同之前一樣...去剪返個髮先...

一邊諗...一邊慢慢咁行...又係同之前一樣...明明有啲嘢係改變咗...

然後就俾我行到嚟Barber。

“叮叮噹”拉門入到去，就見到阿Kit幫人剪緊頭髮...

「喂嚟咗喇？」阿Kit同我揮揮手，「坐陣先～好快吖～」

『哦好...』我就坐定定咁望吓個客...

我認得...個客都係之前嗰個...冇變過...

然後我就拎部電話出嚟碌碌...睇返No life No Game...果然即將開播新季...

就算有啲嘢係改變咗...同樣有啲嘢都係冇改變...

就好似只係兜咗少少路...之後嘅路都係樣...

諗咗一陣...又等咗一陣...呆望住部電話...究竟仲有啲咩嘢有所改變...俾我改變咗呢...

「OK喇～」阿Kit掃好啲頭髮又抹埋張凳。

『哦好...』我就坐好咁等阿Kit幫我鋪返塊布上身。

「照舊？」阿Kit梳梳我把頭髮。

『嗯嗯...』我點點頭...

「咁多年都係一樣呢～」阿Kit就落手幫我剪。

『嗯...你都係...咁多年都係...』

「係吖～就係咁多年，做慣做熟啦～」

『不過你就多咗好多客喇...』

「好彩有你姐～唔係有你咁多年都一直幫襯，我早就頂唔住啦！」

『點會吖？』

「真吖～我仲好記得㗎！當年你係我第一個客～嗰陣仲要有黑社會走入嚟收陀地！你幾咁型吖！」

『邊度型吖？』

「你幫我大走咗佢哋喎！不過講真吖...嗰陣真係驚佢哋仲會搞得大啲㗎...」

『佢哋之後都有嚟搞你㗎...係你自己堅持到落去姐...』

「咁都唔係堅持咗好耐姐～都冇嚟多幾多次...」阿Kit幫我睇睇個髮，「好似話班黑社會係響流朵...」

『係吖？』細口響流朵單嘢...

「係吖...」阿Kit繼續幫我鑊，「我有同隔籬啲舖傾吓咁嘅～佢哋都係話聽講班人係響流朵嘅！衰咗唔敢再出嚟搞事，就冇再嚟收保護費喇～」

『咁佢哋都幾大膽...』究竟係邊個爆出去㗎呢...

會唔會係佢哋自爆呢？

係唔係都冇乜所謂啦...班黑社會到最後都係消失得無影無蹤...

而家最重要嘅都係...

坐定定咁望住塊鏡...

「呢幾年...日子真係難捱呢...」

聽住阿Kit講...

「呢幾年...總算捱得過...」

又心裡盤算...

「但係唔知...仲要捱幾耐呢...」

仲有啲咩改變咗呢？

頭髮跟住時間一齊落下...

一束又一束...一秒又一秒...

剪好個頭，阿Kit幫我Set好埋，就拎住塊鏡幫我照照後面：「O唔OK？」

『嗯嗯...』我點點頭，『OK晒...』

好滿意咁俾埋錢...

「多謝晒～」阿Kit雙手接過我手上啲錢，鞠個躬，「下次見喇～」

『下次見～』我向阿Kit點點頭，揮揮手...

“叮叮噹”行出Barber。

剪完個髮，跟住就係行去花店...

「歡迎光...」老闆娘一見到我，就帶住親切嘅笑容點點頭，「嚟咗喇？」

『嗯！係吖～』我就行過去一堆黃玫瑰面前...

剪

「啲黃玫瑰新返㗎～」老闆娘都行到嚟我面前，「好新鮮～我幫你揀？」

『唔使唔使～』我帶住微笑擰擰頭，『我自己揀得喇～』

「都咁多年喇...」老闆娘帶住疑惑嘅微笑，「都仲係唔信我啲花？」

『唔係唔係～』我都帶住微笑擰擰頭，望住一朵朵黃玫瑰，『只係...我比較鍾意親力親為～』

「哈哈～」老闆娘帶住古惑嘅微笑，「你女朋友真係幸福呢～」

『哈...』我好認真咁喺一堆黃玫瑰之中...揀返十一支...

女朋友...我又救唔到...自己嘅女朋友...仲講咩親力親為...

好用心咁揀返十一支最靚嘅黃玫瑰，老闆娘都幫我包返靚束花～

「多謝晒～」老闆娘帶住溫柔嘅微笑向我揮揮手，「下年再見喇～」

『嗯...下年再見...』下年...究竟今次...又因咩事呢？

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 10－英雄救美] PART 05

護住束黃玫瑰...一路喺街上行...一路又望望...

再一次返翻嚟...街上嘅路人都係一樣...不論係男男女女...老老幼幼...之前已經見過...

點解會咁架
見到安哥仔同柔柔仲開心左一下
一啖砂糖一啖屎嘅喂

已經將[Day 10－英雄救美] PART 04 Upload上Penana

又俾你剪到添

係咯 點解會咁㗎
明明改寫到安哥仔同柔柔有happy end 但家嘉都係救唔到

係唔係因為改左安哥仔嘅設定但係冇改變到柔柔嘅心思呢

但係柔柔同安哥仔一齊 冇坐到監 即係今次唔關佢事啦

晚

呢個故，家嘉應該唔會救得返，除非……

時仔犧牲自己？