芯駖最近再以單飛歌手身份推出以揸車比喻戰勝心魔的第3首單曲《POSH》。日前接受專訪時，她表示人生有3大恐懼，分別是「史上最強生命力」的蟑螂，她說：「我晚上跑步，一見到曱甴就彈走，仲跑得好快；第二樣怕就係唔夠瞓，因為個腦會轉得好慢，唔止係斷片，直情好似聽唔到嘢咁，遊魂嘅感覺好恐怖；第三樣就係病，人一唔舒服就會好辛苦，咩都做唔到。」
拍拖講緣分
問到明年踏入40歲大關，現時尚雲英未嫁，可擔心將來「攝灶罅」？她哈哈笑謂：「連阿媽都擔心過我以後嘅生活，同埋我冇儲蓄習慣，不過我個人比較隨遇而安，（你有冇怕自己唔紅？）其實我有認真問過自己呢個問題，不過我就好啲，最多咪做番舞蹈員，有手有腳一定會搵到錢。」她又深信吸引力法則，只要心態好、夠正能量就能吸財。
問為何不考慮識個富貴男友可保障生活？自認非拜金族的她，覺得揀男友要先睇三觀：「我唔會因為佢有錢而鍾意佢喎，況且我好易養，有白飯、清菜畀我就可以，我食大餐反而腸胃不適添。」她又自感難識男朋友，因她愛靜又不擅長交際，連說話都不多，對方要容忍到近乎「啞女友」才可發展，覺得能否遇上靠心靈溝通的另一半就要看緣分。
改唔到口添
