化白骨婆婆20年前已獨居 與已移民夫及兩兒不和 鄰居常助按摩聽訴苦 突聞死訊：你安息走啦

葵涌今日（6日）再揭發有獨居長者去世化白骨悲劇。早上10時許，一名房屋署職員到葵盛東邨盛逸樓，欲收回一個單位，豈料登門只見一具化骨的屍骸攤在床上。警方經調查後，證實死者為涉事單位的77歲姓袁女住戶。

《香港01》今午走訪盛逸樓，鄰居張婆婆表示，袁婦的丈夫及兩名兒子已移民外國，過往袁婦不時向她訴苦，腰痛時亦會找她幫忙按摩。但近一年多對方「無端端唔見咗人，人影都唔見」，今早聽到「乒鈴嘭唥」搬抬聲始發覺有異，至記者登門採訪，張婆婆才得知袁婦已離世，慨嘆：「百無禁忌，你安息走啦，開開心心。」

袁婦住所內陳設簡單，廚房內放有雪櫃、洗衣機和電熱水壺等電器，門上則掛有多袋用膠袋裝着的物品。單位牆上貼着的揮春已脫落一半，下方掛鈎上掛着一個口罩。房內睡床則疑被死者遺體流出的屍水浸濕，牆壁上亦有少量污跡。

鄰居張婆婆向記者表示，袁婦20多年前與她一同搬到葵盛東邨，當時她已經一個人居住，亦不時向她訴苦，提及與3年多前已經移民外國的丈夫及兩名兒子不和。但張形容袁婦有很多朋友，會與友人四處外出遊玩；平時亦會自己煮食，惟從未見有親戚登門探訪。

張婆婆續指，昔日袁婦腰痛時，會找她按摩舒緩，「痛就搵我，有時幾日捽一次，同佢拉下筋」。但近這一年多，張婆婆發覺袁婦突然失去蹤影：「以前就有打招呼，有咩事都有幫佢嘅，但近呢年幾，人影都唔見；雖然隔離鄰舍，都要關心下人㗎嘛。」

張婆婆說，袁婦失蹤的這一年多，她不曾聞到「怪味」，亦不見有房屋署人員或社工上門。至今早她被「乒鈴嘭唥」的嘈雜聲吵醒，發現有兩名警員坐在樓層看守，及後則有多名穿制服的人員，用黑色袋包住物件及抬走，始發覺有異。

她直言當時仍不知袁婦已去世，直至記者上門採訪才獲悉，稱作為朋友，會在清明時節為對方上香，「百無禁忌，以前都係朋友，你安息走啦，開開心心」。

據了解，袁婦並非社會福利署社工跟進的個案。社署回覆《香港01》查詢時表示，會嘗試尋找涉事長者的家人，以提供適切協助 。

社會福利署稱，署方在全港設立214間長者地區中心和長者鄰舍中心（長者中心），在地區層面為長者提供多項支援服務，包括輔導、協助處理長期護理服務申請、情緒支援、社交及康樂活動、膳食服務和護老者培訓。

長者地區中心亦設有長者支援服務隊，透過外展及社區網絡，識別獨居、隱蔽、健康、居住環境欠佳及有經濟困難等有潛在服務需要的長者，並為他們提供適切援助，包括以電話或探訪慰問長者、協助處理個人需要、情緒支援、轉介服務等。社署呼籲市民如察覺有獨居長者需要支援，可聯絡當區的綜合家庭服務中心或長者中心，或致電社署熱線2343 2255尋求協助。

另外，在全港18區推行「地區服務及關愛隊伍 – 支援長者及照顧者計劃」，由「關愛隊」協助辨識有需要幫助的獨老和雙老住戶、護老者和殘疾人士照顧者，向他們提供關愛及支援服務，包括介紹社會福利服務及社區資訊，並轉介有需要的個案至社會福利服務單位跟進。

一年都冇味

冇交年半租先收返層公屋

一直都有聯絡，但近一年唔見踪影 唔會覺得奇怪 無諗過報警咩

RIP

隔籬鄰舍有個照應者
又唔係佢老公仔女
最多都係覺得咁啱得咁蹺撞唔啱時間見唔到佢多
好難下下check 住佢有冇蒲頭嘅


唔通每隔一排拍吓佢門，「無乜特別架，冇見你一排睇吓你死得未者」 咁呀
人地呀婆屌柒你啦

全家不和?

呢個鄰居都算係咁

三年前成家同佢不和
應該都係藍絲廢老來

獨居老人仲可以有咩其他結局?
其實佢自己都心裡有數

除非你話真係好fd好好朋友
兩個阿婆係閨密
總之每隔一兩個禮拜就會食餐飯見吓面
咁你突然之間幾個禮拜聯絡唔到咁你就話啫

依家唔係呀嘛，左鄰右里互相照應吓
咁好難check住佢係咪瓜咗柴
況且人哋阿婆可能真係離開咗條村，只不過冇同你交代又得
況且你又唔係真係人哋邊個

仲有而家係冇臭味
咁冇咩懷疑好正常

連登啲馬後炮真係救撚命

關愛隊呢
房署就話唔識關愛淨係識收樓啫

假如你冇見鄰居一年都唔會報警啦

留名睇家人移民圖

不和到變白骨都冇返黎見下 都幾sad

見乜野 移埋民 老死不相往來啦

連登仔結局

連登仔就係咁
講就易
分分鐘佢自己連住隔離嗰個叫咩名都未知

抵死啦藍尸老母

呢啲房署明明有資料
但係咩都唔做

ching 你試下睇多次篇文

鄰居張婆婆向記者表示，袁婦20多年前與她一同搬到葵盛東邨，當時她已經一個人居住，亦不時向她訴苦，提及與3年多前已經移民外國的丈夫及兩名兒子不和。

可能因為林鄭當年疫情封區影響