我是甚麼很賤的人嗎？

我已經好努力了
但總係被當傻仔
我唔值得被尊重嗎
我唔值得被珍惜嗎
點解人人都要撚我呢？

每次睇返啲post
就知自己冇進步過
每次以為自己開心咗 可以開心返 好容易好突然就變返咁樣

其實我真係好天真
喺度留言講咁多野

點解我嘅人生會咁毒同咁難過㗎？
而且冇人會可憐我

睇過被討厭的勇氣
佢話你係冇勇氣去面對改變 所以習慣唔開心 咁樣過得仲舒服

係 咁可以點？我改變到心態都改變唔到環境 點解要我咁辛苦
食屎都要我開心食 享受屎嘅味道嗎

最慘嘅係乜野
以為發生咗咩大事咩
其實現實中得我自己一個唔開心
我嘅難過根本冇其他人擺喺心

頹廢咗一日一夜
取消所有行程
諗過跳樓 諗過吊頸 諗過服藥
諗過傷害人 諗過傷害動物
諗過打爛晒屋企啲野
諗過離家出走
諗過突然辭職嘅生活
諗過自殺會得到嘅閒言閒語

今日個腦好混亂
但我已經好麻木 唔想再諗
結果人地開開心心咁喺出面玩咗一日
我是甚麼怪物嗎？
我是甚麼容易踐踏的人嗎？

喺baby kingdom睇人討論下半夜有咩地方散心
上trip.com搵下有咩酒店幾百蚊住一晚
跟住諗到我一個本地人走去住 人地會唔會懷疑我想去燒炭 唔租比我
想搵個地方由朝到黑避開啲人
但一出街就咁光 個個都見到我個樣
夜晚觀濱係咪變咗mk地方啦
記得我十年前自己夜媽媽去觀濱坐 仲比啲教會人叫我早啲返屋企

我是甚麼很賤的人嗎

試吓weekend book酒店住一兩晚當staycation啦 可能會有少少好轉

我自己嘅個人諗法啦 唔知幫唔幫到你：
其實唔使強迫自己係開心嘅狀態先ok 情緒好似包袱咁唔係你ignore佢就會唔喺度 反而會繼續累積 最後只會變成拖車都拖唔郁

同埋我覺得你一直force自己要變得開心 先係so called嘅正常反而會更痛苦：唔開心 -> 努力變開心 -> 開心唔到

變咗個loop咁 反而容易形成咗個信念體系：我開心唔到
而呢樣嘢有機會令你一直處於痛苦地帶 然後否定自己 甚至意識唔到自己好多嘅行為/選擇都受呢種痛苦所驅使

試吓點樣同情緒相處或者睇吓有冇辦法改變現實生活啦 離開現有環境/人都係一個辦法 Anyway 雖然人生好難但加油啦

24小時hotline 你睇吓有冇用：
https://www.shallwetalk.hk/en/get-help/emergency-helplines/

點解樓主覺得人人都撚自己？如果講出嚟會舒服啲，不妨講下。
我朋友上年自殺走咗，走之前咩都冇同我講。
Btw一個我最近先學識，我覺得幫咗自己好多嘅心態，同你分享下：你唔使花精力說服人點解自己慘、亦唔使擔心人覺得自己面對XXX問題唔應該YYY反應。重點係你就係覺得慘，同埋當下急救應該做咩？（立即食comfort food？立即做10分鐘激烈運動？立即沖涼soothe自己？）中遠期要保持做咩？（每日花15min 照顧自己皮膚 扮下靚？迫自己日日抽15min發掘新興趣/保持花時間落某樣興趣到？A興趣唔啱做完唔開心就迫自己試B興趣）畀個計劃自己，自己無力感好強嘅時候，迫自己花精神落去一個自己精心計劃嘅task list 到，起碼有一個方向，唔係空有一啲好overwhelming嘅情緒又無處發洩

多謝你留言
相信你朋友已去了平靜的地方

我沒有朋友 咩都做不到
而且傷心嘅原因好瑣碎 都是心態問題 說出來別人都會覺得我是一個怨婦 抑鬱就係咁
我只是自己走了入死胡同 沉迷於這裏的昏暗迷濛 不願意轉身

其實我都不需要安慰 沒有人明白我諗乜
只係情緒都想被看見 製造一點躁動 否則好似只有自己方圓幾米內圍起了一個陰天的世界 又只有自己知道

「你唔使花精力說服人點解自己慘」
一個醫生見到個病人隻腳斷咗，噴緊血。第一時間做嘅嘢係應急處理、止血先。而唔係第一時間查病歷，跟住話：「唔係喎，點解你畀人手指尾掂一掂，隻腳就斷嘅？咁脆弱嘅？其他病人唔係咁㗎喎。你唔應該畀人掂一掂就斷腳，你好有問題。」
係可以查病歷，不過都係做好初步應急處理之後做。係次序問題。
面對情緒問題亦言，你已經好好好痛苦。身邊嘅人同埋你自己（包括你自己！！！）邊有可能仲喺度慢慢研究：「X事件其實好瑣碎，Y%嘅人只會有輕微反應，你點解唔係Y%嘅一部份？」
再講一次，成因喺呢一刻一啲都唔重要，呢一刻了解你喺受咩trigger無濟於事。係可以事後諗返反思，不過絕對唔係急救、治療都未做好嘅時候反思。