已經追晒 第一部
第二部 等有多d先睇
畫技 A- ~ A
畫風 B+ ~ A
劇情 A+ ~ S-
webtoon入面，呢套算係 SSR
A.
佢畫漫畫用到的技術
好多 日漫 Top tier 的作品 都有出現
睇到佢有透視
跨張的近大遠視
跨張表情（顏藝）
分鏡、對話框
睇得明個閱讀順序
明顯有思考構圖
B.
返烏托邦主題
故事講到韓國，社會環境好黑暗
刑罰過輕，法律唔完善
貪污舞弊，正義不能伸張
如果要歸類，呢套應該係玩策略，
點樣老謀深算，點樣足智多謀，點樣爾虞我詐？
日漫 我見最多嘅警察就係
目慕sir、兩津、金田一嗰兩個（咩名唔記得）
常見 偵探推理，搞笑類
早期都似 📝 奇拿大人
鬥智方面 類似作品有 死亡筆記，欺詐遊戲
警察做主角嘅，港產片就多
動漫 又無嘜印象
上次睇 應該係 機動警察，攻殼機動隊
而佢同 夜神月嘅分別就係
凡人夜神月 忽然之間 有殺人 的「超能力」
凡人金智勇 依然係凡人，佢需要練體能練肌肉，
做埋學警都算入咗體制，但又做違反體制嘅事
佢嘅存在本身就矛盾，有少少 餓狼 feel
呢套唔係 英雄主義 超人 儆惡懲奸
亦無 正氣凜然，熱血嘅警匪追逐
明顯係邪道
中後期 估可能有幾個發展
1. 金智勇 本來真係諗住
儆惡懲奸維護法紀伸張正義，先考警察
做到學警先發現，實現唔到自己追求的正義
唯有 自己嚟
正義執行，廢話莫問，power get the power
2. 佢真誠相信自己想法係正義
貫徹執行，係對腐敗現實的反抗
3. 純粹為咗復仇
因此之故，呢套個題材幾獨特
C. 5個勢力，各懷鬼胎
1.
崔美麗
記者代表咩，唔使講
為咗攞料
走灰色地帶，打吓擦邊球平常事
古有摷垃圾、24x7狗仔隊，今有崔美麗
收買路人、教唆下屬 偷拍 都係為咗拎報導材料
不惜代價，甚至犯法 都要揭開 正義使者 的真面目
佢就係要拎 新聞界奧斯卡嘅 癲婆
而佢亦唔會落 judgment
有冇犯法，犯咩法，交番比 司法體系
道德判斷 就交俾 公眾
佢自己可能有 judgment
不過唔會喺報導講
你話佢有職業操守，好似係
不過評論一單新聞有無價值
可能係睇有幾高社會討論
呢度佢就會做下標題黨，刺激下輿論
你話佢無職業操守，又似係
呢部分有
3年A班－從此刻起，大家都是我的人質－
的感覺
金智勇 會 利用 崔美麗
放出黑材料，帶風向
2.
商二代 趙江旭，最早知道 正義使者 真身 的人
早期 同 記者 係競爭關係
大家都想盡快 知道真身，同真身直接接觸
有財力，迷戀 正義使者
覺得有個痴線佬 做緊 地下英雄
願意出錢出力，身體力行 咁支持
最終目的係 識英雄重英雄
要求 正義使者 接納自己，當自己係同盟/夥伴
到後期 同記者係互相利用 關係
會利用記者，透露一d野 等記者有野寫
同時又要隱瞞正義使者真身，呢張底牌
佢變態在於要獨佔 金智勇
金智勇 性格 多疑，保守，唔相信人
對主動接觸自己的 商二代，一直否認
保持距離，愈多人知就愈危險
只有自己可以有能力控制一切
總之我就係 獨行俠 的心態
3.
警方其中一個勢力的代表 - 趙憲
類似重案刑警
同 正義使者玩貓🐱抓老鼠🐭
同黑道、犯罪集團 交手多
會走灰色地帶，甚至私刑
會利用犯罪集團抓 金智勇
4.
犯罪集團 首領
Crypto 的實體 private key
即線下錢包/冷🥶錢包👛
落係金智勇手
為咗拎返黑錢，消滅金智勇，不論生死
5.
警局高層
同首領有來往，互相得益的關係
明面上要 緝拿 正義使者，逮捕歸案
暗地 除咗消滅 正義使者
重有回收 crypto
最好就
蜥蜴斷尾，明哲保身
睇佢哋5班人鬥過 你死我活
重有想知結局會點寫
係咪可以 tip 中題呢
係會追嚟睇的漫畫
