中國又喺度抽水話NVIDIA啲H20晶片有安全風險，NVIDIA都頂唔順，直接出長文屌返轉頭：「我哋啲GPU 冇後門、冇終止開關、冇間諜軟件，呢啲仆街嘢，我哋唔會做，將來都唔會做，唔好再屈我哋啦！」
NVIDIA話，三十幾年前開始整處理器，早知加後門、終止開關呢啲屎橋只會益黑客同敵人，搞到成個世界都冇人再信你，遲早玩完。
仲拎返90年代政府想加後門嗰單笨7事出嚟抽水，「Clipper晶片事件」，政府話為咗查案加後門，點知最後畀人爆到七彩，變咗大漏洞，益咗啲賊仔。NVIDIA話，政府搞後門只會害死啲用戶，安全信心直接歸零。
NVIDIA話，自己一直都玩開放透明，做咩都要你知你同意，唔會鬼鬼祟祟玩陰招，唔似某啲國家咁成日背住人做嘢。
佢哋又話，如果真係有啲傻仔要求晶片硬加終止開關，根本就係整個死症出嚟，分分鐘一個掣就KO晒所有人。講到明，等於你買架車返嚟，車行隨時可以一個掣停你部車，咁都叫合理？簡直係痴線，仲會拖死美國同全世界經濟同國安。
NVIDIA最後再串多次，話政策制定者咁多年都支持業界搞安全硬件，政府要保護國家安全有N咁多方法，但整死基建絕對唔應該係其中一個。
今次H20畀美國放行賣去中國，中國就即刻搵NVIDIA問罪話有安全風險，人哋NVIDIA都講到口水乾：「我哋啲晶片冇後門啦，邊個都冇得remote控你啦，唔好再亂屈啦！」
https://infosecu.technews.tw/2025/08/06/nvidia-stresses-gpus-have-no-backdoors-or-kill-switches/