咩料鄧兆尊自爆曾與何超儀相睇
雙方家長安排「佢哋原想賭王配伶王」
20250805
作為慈善伶王、粵劇名伶新馬師曾（祥哥）及祥嫂洪金梅長子的鄧兆尊，因家庭背景，有著不一樣的成長經歷，加上在娛樂圈打滾多年，故每次在節目《娛樂好好玩》分享所見所聞或自身經歷，如寶藏的他總成為節目焦點。
昨日一集，當評論已故賭王的四房兒子何猷君，否認內地盛傳有私生子緋聞時，兆尊不禁自爆年輕時，曾被安排與何家淑女相睇。起初他沒有開名，只說雙方的阿媽，即祥嫂同二房何太藍瓊纓，為子女安排一場配對飯局，但其實兆尊跟這位何家千金早已認識。
兆尊說︰「我哋一班人一齊出街(玩)，但兩個阿媽都唔知我哋係認識，佢嗰邊話︰『我女幾好！』，咁我阿媽話︰『同我仔相睇。』。」
期間有網民猜相睇對象是何超儀(Josie)，兆尊開估︰「咁聰明你哋！冇錯就係Josie。」
當兆尊同何超儀到場後，才知雙方家長瞞住二人安排這場相睇。他與超儀一個眼神對望，說出心中話︰「我哋望一望大家，心諗︰『玩到咁大呀！』大家都知被迫，咪坐低飲餐茶，做戲場俾佢哋睇。佢哋(雙方媽咪)原想賭王配伶王。」
他大讚何家千金高質，「賭王家教非常嚴。」雖然欣賞何超儀性格率直、爽朗，但大家並非彼此杯茶，故那次家長悉心安排的配對飯局，當然不成功！兆尊說︰「撞唔埋，唔可以做Partner，只係兄弟，(相睇)當笑料。」分享完笑料，他與吳家樂送上祝福，希望超儀老公陳子聰身體早日康復。
