而會俾人炒，原因都幾明顯啦。唔講唔知，呢班人好多都係「高薪低能」代表：分析力弱，理解力又唔掂，主動性零。你話佢哋本身就咁？定係喺冇壓力冇競爭嘅政府合約制度下，慢慢養到咁廢？我都唔知。
特別係醫管局啲IT合約人員，真係有得睇。有啲人zoom面試都可以走去天台，鏡頭震到咁，環境亂到呢——不過最大問題都唔係呢啲。最大鑊係，CV寫到自己「精通」、「熟悉」，但實際上就係試過用，根本唔識。仲要扮晒懂，當我哋HR白痴咩？仲有啲人面試時明明唔識，偷偷拎部手機search，手勢又咁明顯——用唔用AI我唔知，但態度已經令人頂唔順。
講真，我之前都中過伏，請咗個咁嘅合約仔。人工高過全港家庭入息中位數，但做嘢就渣到呢。
有數據講嘅，三個月幾乎日日遲到，最誇張遲三十分鐘。我做人都算人性化，有時你有嘢要攪可以遲啲，但佢係咩都冇交，仲要一份人哋一個鐘搞掂嘅嘢，佢要搞成一日半，仲要我手把手幫佢先做到。態度又串又懶，唔止我哋部門投訴，隔離部門都成日話佢。做嘢又hea又錯，今朝錯咗下午又再嚟多次，完全唔記得教訓。分析力差到爆，問題明明係A度，佢死都去B度試，仲要成日捉唔到重點。
醫管局長期用高薪請一大堆咁嘅合約仔，洗錢洗到財赤，真係一啲都唔出奇。
https://www.facebook.com/share/p/19igcvzDn5/
