失戀/感情/壓力問題加油援助區94

唔好太理人點講 有時睇返自己點諗就算
要明白人生係你 你自己決定返 點睇件事

有啲人鐘意貶低別人來抬高自己嘅

其實呢個世界 都係大家互相俾面
咁你朋友唔俾面嘅話，你都可以唔俾面佢

hello there

Hello

第一次係連登comment，循例講句不喜勿插！！

男朋友兩個禮拜之前話分手，原因係覺得我太痴身、佢冇自己空間；嗌交嗌得多，好似冇咁鐘意我。我聽到之後緊係苦苦挽留，呢兩個禮拜忍唔著主動搵咗佢兩次，兩次佢都明確表示要分開，磨合唔到，如果磨合到，一早已經OK啦。佢都唔肯見我，知道一見面我又死lur要復合。最後我地就約咗兩個禮拜後最後一次約會，happy ending咁

我啲朋友話比啲時間空間人地諗清楚，叫我見面前唔好再搵佢啦，等時間沖淡下我痴身、有時有小姐脾氣嘅缺點。我本身都係咁諗，但呢兩日就慢慢覺得，就算我可以為佢改變，佢唔鐘意我就係唔鍾意啦，我做咩都冇用。既然佢都講得咁清楚，要唔要一齊係睇鐘唔鐘意㗎嘛，唔係睇我有幾死纏爛打

本身打算最後一次見面着得低胸啲色誘下佢，有啲曖味氣氛嘅時候講下呢個月我諗咗啲咩，睇下有冇機會。定係我唔好講算啦，等大家開開心心出嚟玩最後一次就算呢

其實去都係增加自己唔開心回憶
不如move on

雖然我男 但我企係你個邊 唔好咁作賤自己 就算勉強番都好辛苦 你想食埋最後一次另計

我最近同條女都散左 番工壓力又大 頂唔順 爆煲 把心一橫去睇醫生 開左啲藥 食左一個月 開始有用 但真係比較依賴 一唔記得食 就剩係想搵藥快啲食

唔係想食啦🥲我地呢排嘈交都係扑一q當冇事發生，佢有講過唔鐘意咁樣，前兩日嘈交，今日又咁親密。但其實我都係想同佢修補關係，先成日撩佢姐。我啲frd都屌柒我唔好做到咁cheap。。。

咁唔係為呢樣 真係唔好做到咁cheap 佢唔值得你咁

咁唔好去係咪好啲，其實呢兩個禮拜我已經由超撚唔開心-> 唔開心，可能過多兩個禮拜我又再ok啲

去咗我又驚自己忍唔著挽留佢😕😕之後佢拒絕我又唔開心😕 其實而家去到date嗰日，佢都忍到手唔搵我，咁佢都唔係好鐘意我姐。。？？鐘意一個人邊會忍到唔搵佢

人地當你免費雞

覺得同依家嘅另一半唔太適合
其實大家都分過手 復合返
但一齊返問題依然存在
主要係覺得佢唔係好識比情緒價值我 而我又係一個比較多愁善感嘅人 佢安慰我嘅方式從來都冇令我覺得被安慰
而且好多時候覺得自己一個仲開心過同佢一齊
因為可以做乜都得
食鍾意食嘅嘢唔使比佢話肥 買鍾意嘅嘢唔使比佢話我嘥錢
我同佢年紀都唔細 身邊好多同齡嘅人都結左婚生左仔
一諗到如果將來要同佢一齊組織家庭 已經預視到自己唔會覺得好幸福好快樂 只係會覺得純粹有個人陪住自己咁樣
但因為已經一齊左好多年 分手好怕要再重新認識新嘅人 又怕識唔到 唔分手又覺得唔適合
有時諗下諗下 會好唔開心

其實如果你介意咁樣俾佢講嘅 有冇嘗試同佢講返你知唔知你咁樣講其實會hurt到我
如果你其實表示過之後佢都繼續咁做嘅話 其實大家都唔係咁岩 唔match 可以next 搵下一個

佢係好著重你身形嘅人定純粹講下？
如果佢唔會因為你肥而同你分手，咪由得佢
或者你儲肥佢先，等佢冇資格去話你
人到中年都好易肥啫
唔知你買開幾錢嘢啦，好難評論係咪嘥錢
幫佢培養啲洗錢興趣，你就有資格去亂洗你嘅錢
你變唔到白嘅話就要變到佢同你一樣黑
感覺上你係睇負面嘢多過正面嘢嘅人
同佢一齊有幾多唔好處，唔同佢一齊有幾多唔好處
咁你點揀都係唔好處多，就會愈諗愈唔開心

我驚你唔去會後悔

再好啲先諗停藥啦

最緊要健康

問題唔喺你身上 搵到個會夠愛你想痴你身嘅人就得