CV吹到上太空，印度仔一人分飾34角，年袋600萬——Startup老細自封「笨豬教父」

話說矽谷啲startup老細日日講AI、Web3、區塊鏈，最後連請個IT仔都請到個「被動收入教父」返嚟——Soham Parekh。呢條友堅係打工界之光，齋靠造假CV，一人分飾幾十角，遠端爆炒六份full-time工，年薪80萬美金（628萬港紙），袋到手軟！

---

**Startup老細，水魚認證**

起底過程堅似Netflix劇本。Playground AI個老細Suhail Doshi喺X度發post爆料，話Parekh呢條友同時幫幾間初創full-time搵食。成個矽谷startup圈即刻彈起，老細們個個自爆「我都俾佢呃過」——一個post幾千萬view，好似全世界都中過招咁。

點解中伏？因為Parekh玩到出神入化，專搵啲初創「未發育成熟」嘅HR落手。啲公司個個都自以為識揀人，點知俾人當水魚任劏。佢平時唔夠交差，個藉口都creative過AI prompt——乜有無人機炸屋、乜水浸、阿媽病危、自己又中咗新冠、條狗走失，日日新鮮滾熱辣。

寄laptop去美國「俾姐姐」？其實自己喺印度床上chill緊，開住Zoom得個樣，連VPN都唔洗set。

---

**CV九成假料，Startup HR真係唔知醜**

最神奇係成班startup老細、HR齊齊做冇腦大賽，睇到Parekh靚仔CV就濕晒，仲話interview叻過AI，覺得自己搵到「神級碼農」。點知人地學歷都係自己砌，話自己Georgia Tech畢業，《Fortune》雜誌搵學校查，官方直接打你面話「冇呢條友」，即場出醜。

即係成件事由overemployment升級做履歷詐騙案，Startup HR個信心即刻-100分，認真唔知點做落去。

---

**搵工變副業，Startup老細日日做水魚**

你以為頂多呃五六間？錯啦，Parekh條數據紀錄話佢一生接觸過34間公司，炒咗10間，8間面試完即走人，仲有幾間做咗又唔知。搵工根本已經係佢副業，平時打工唔夠就開新project搵笨，Startup老細排住隊俾人「被動收入」。

成件事簡直係打工仔之光、呃老細教科書，Startup老細日日諗住AI改變世界，點知自己先係最需要upgrade腦袋嗰個。

---

**總結：WFH信錯人，Startup老細認真笨豬，打工仔有夢最美，造假最實際。唔該各位HR以後請人記得Google多幾下，唔好再俾「打工界股神」呃到你裸辭啦！**

印度佬

信印度佬一成

偷呃拐騙點夠印度佬玩
未出世已經有scam center