現年28歲的SauSau日前身穿超少布比堅尼接受專訪，酥胸半露加熟透蜜桃臀盡騷本錢，談及其上圍目測達「G奶」Cup數，但她卻說：「我三圍數字係36E、25、38，（上圍有冇報細數？）都係D至E Cup之間，覺得我犀利，相信因為我條腰好幼，同埋我鍾意外國女仔嘅身材，所以用咗3年時間，專登練大個蜜桃臀，其實亞洲人，要練到外籍女仔嗰種曲線係好難嘅。」
對於網民將談論焦點集中在其豪乳上，更曾被懷疑她「打假波」？SauSau強調是真材實料，童叟無欺，得知網上有人爆料自稱是她舊同事，留言指她和男友分手後，無論面貌、身材都突變，而翻查其4年的舊照片，發現她上圍明顯「縮水」，性格爽朗的她自揭「隆胸之謎」，聲稱任職豐胸診所顧問兼顧客，每周接受療程，足足花了兩年時間，令她上圍由「大C」變「E Cup」，她說：「以前我較肥，不過我覺得依家夠啦，唔想再搞到好似外國啲女仔咁，大到好似西瓜。」
至於被網民懷疑她整容，SauSau不諱言追求完美無罪，所以可接受整容，但她只有面部微調：「都係打水光針、Botox之類，我咀嚼肌較大，所以做咗瘦面療程，都係好基本嘅美容。」並呼籲打算整容的女士要考慮後遺症及風險問題。問到被網民封為「大波版徐子珊」，她亦時有聽聞，覺得被指有明星相感榮幸，但自問跟徐子珊不相似，她說：「可能係某啲角度或者眼神似啦。」
