點解人會理所當然覺得自己有六、七十歲命？

係因為香港人均壽命有八十歲以上所以覺得自己冇八十都有六、七十歲？
係因為現今醫療技術發達咗？

每次睇到新聞講有人後生就有重病或者末期癌症，就好似今日睇到柯煒林患肺腺癌既消息咁
總會有班人衝出嚟話人煙鏟生癌

我想講其實兩者未必有太大關係

無錯科學研究的確係話人做某樣野、食某啲野會增加患癌風險
但想講統計還統計，會發生既話無論機率幾低都係會發生

身邊有人好後生就有重病甚至英年早逝
就連自己都係讀書時期就有大病，大學嗰幾年做過唔少次全身麻醉手術
有時我會問自己
到底我做錯咗乜野，導致廿歲出頭就有呢個病
亦會諗點解佢地會咁後生就離開呢個世界

無錯論生活習慣，我同佢地未必算好健康
但比我地更唔健康既人大有人在，點解我地會比佢地更早就患大病同絕症？
甚至有人又煙又酒大肚腩，一樣可以健健康康、龍精虎猛活到八十歲

後尾我慢慢諗通
其實係我地從來未去正視生命唔係必然

單獨去睇，生老病死係一個機率
綜觀去睇，生老病死係人既命運

一個人從受精開始，就有唔少人既受精卵冇辦法發展成胚胎同出世
出世既時候亦會有唔少先天有缺陷既BB，佢地註定唔可以長大成人
就算你肥肥白白，去到長大成人都可以基因突變患重病
更加唔好講交通意外呢啲健康以外既因素

好多人喺我地成長變老既過程中無聲無息逝去
有啲生命甚至冇辦法嚟到呢個世界
只係我地有意無意忽略咗呢點

明白呢點之後，我就好少以六、七十歲退休做前題去諗自己到底要做啲咩

唔係要去另一個極端，覺得自己聽日就死就乜都唔做或者盡情縱慾

我仍然會返工、做Gym、投資同買保險
只係唔會將自己有六、七十歲命視為必然
例如我三十歲，我會諗如果我得四十歲命
我呢一刻要開始做啲咩先唔會令自己死前有遺憾

可以係陪下身邊既人
可以係重拾童趣
可以係完成自己既學術目標

如果好彩過到四十歲，我就會暗自慶幸自己死唔去
之後每一個十年都當係Bonus

總之唔會為咗六、七十歲既自己令自己太難受
因為我未必會有命去到六、七十歲
更加唔好講先苦唔一定會有後甜

可能有人會覺得我消極，但我覺得自己呢種係消極性積極

「可以依家做既野就唔好等」

呢句係我依家做人既座右銘

即係活在當下
enjoy the moment

我覺得活在當下有啲籠統

有啲目標仍然要用努力汗水換返嚟
例如做Gym做運動戒口令自己健康啲

如果真係Enjoy the Moment
可能我未必會做咁多野，餐餐都去食好西算

我會定目標，長則十年，短則五年
然後我為咗達到呢啲目標會願意捱下苦

但唔會諗老年會點

《論語 · 為政》：「子曰：『吾十有五而志於學，三十而立，四十而不惑，五十而知天命，六十而耳順，七十而從心所欲，不踰矩。』」

70打後其實好多人都等死
所以啲人死慳死抵等退休真心cls
根本要活在當下

其實好自然 當唔做開運動 三十幾四十體能下降自然會keep下 玩下又50 好彩玩多十年

真心覺得70打後好少人可以活得好精彩
所謂精彩都係要用錢加持

🙏

真
其實好多人三四十歲 甚至二三十歲就死
唔好當自己有80歲命去規劃人生
但當然都唔好完全唔規劃純享受
攞個平衡

因為你未到年紀
而家我3X 同以前2X 諗法好多野唔同

講咁多你自己咪又係覺得自己有六、七十歲命去計畫
今日唔知聽日事
但係以六、七十歲命去計畫係最合理同正常
以科技嘅進步甚至我覺得自己會有100歲

我反而想知如果伴侶好早就走咗
咁剩返低嘅人生可以點過
未來都計畫好一齊過
同埋到咗五六十歲好難再搵新

膠官話60先中年

東南亞幫到你
唔介意河馬，強國都得

知唔知咩叫“人均壽命”

你人生一定要人陪？自己一個唔得？

又鳩吹

我哋連登仔徒手游出公海
一拳打爆個地球

你同我哋講會死

「總會有班人衝出嚟話人煙鏟生癌

我想講其實兩者未必有太大關係」

你on9定弱智？

唔得 我一定要搵個伴侶
老咗都可以拖下手行下街
但好難搵到個可以陪自己一世嘅人
宜家咁多男人都唔想結婚

你做老男人個角色咪得
比錢養小白臉
感受下hard mode人生

咁祝你搵到啦，但太過依賴有人陪，佢一離開你就好易崩潰

點解一定要有人陪？你自己冇人生意義？

泰山又係

我想三十幾四十歲死喎
急病重病意外死 都唔想慢性病老死

咁你老左會好難捱落去

好快你就會明一個人有冇中招同佢做過啲乜冇有必然關係

撇除長期處於高輻射或者空氣污染既環境嗰啲Case

唔會話佢有食煙所以有事，冇食就唔會有事

係中就會中