醬園弄得5.7分係衰咩？長安的荔枝正正路路都7.6分喎...

我當香港導演扣少少分，咁九龍城寨都7.2，破地獄直頭8.3......

破地獄竟然8.3

明顯思路唔同啦
大鵬上年套年會不能停已經係好貼市喜劇
今次套荔枝D人話係古裝版年會不能停，讚佢反映現實，即係佢玩緊以前皆大歡培嘉仁宮（加人工）個種野，只不過包裝手法再現代D咁，一般人點會唔中意

陳可辛拍醬園弄D人話佢係拍比自己睇，拍比自己D星睇
要屌佢拍得差多數只係唔中意套戲，但唔受歡迎都係不爭既事實

想睇南京照相館多啲

荔枝仲大膽過年會

如果樓主真係click埋入豆瓣睇comments，長安荔枝比5粒星比3粒星個D係話長安幾好但唔夠好，比醬園弄3星係唔忍心比太低佢

市場對片種需求唔同左，IP做得靚好緊要，金庸呢類如果唔做rebrand 基本上已經行到尾聲，然後你話大卡士，都已經唔代表流量，要睇網上已經睇到飽，除非你好似黃子華有江湖地位，又冇咩片比人放上網，又真係唔太活躍，先可以一年拍一兩套戲都大收
而家國內既人想要輕喜劇，其實以前香港好多，主要因為以前開戲多，咩片種都cover到，好似新紮師妹你唔會當佢係警匪片啦點都，但到今日都仲有好多人覺得搞笑

醬園弄實際上係對卡士過度有信心，以前可以唔理片種市場，只要卡士夠大拍咩都得，係一種驕傲黎

陳可辛好少失手, 不過呢個題材本身難處理.
更難係宣傳..........

你都識講以前啦而家好睇首輪口碑，你拍得太高竇，當觀眾睇唔明係觀眾問題既話，咁佢地真係直接鬧你都唔出奇，個個都要識睇分鏡故事咩

奇案片有奇案片拍法佢又唔係show off 呢一面，反而係想focus 周圍睇戲食花生既人，想法好高但唔係觀眾要既野，即係重覆左小丑2個錯
小丑2就係指責睇戲既人只係想睇佢做破壞一面，唔係想真正了解佢，屌晒全世界，道行你夠高OK既，但電影as一件商品，咁好難賣得出

楊國忠?

唔知套戲講咩亦都無興趣睇
但馬伯庸寫d野幾好笑
雖然對上一次睇都起碼十年前

小丑2係導演自己侮辱角色，但夾硬屈觀眾。

搵咗啲新聞嚟睇同去豆瓣睇咗啲評論
新聞嗰度碌到篇嘢係王晶評陳可辛今次套戲
佢話呢套唔係商業片因為商業片唔會咁拍法
又話陳可辛咁多年都想兩頭兼顧
想拎獎又想有票房，結果就成日兩頭唔到岸

豆瓣嗰面一啲唔買套戲賬嘅女觀眾就話
男導演拍女權片搞不撚掂，拍到得個殼

同埋唔只一個人覺得大卡士太多
但每個人角色都唔夠深入
但又個個都演得好撚用力，搞到好作狀

搵咁多明星拍 以為自己王家衛

我睇過小說，幾好睇的，大大力直接鬧官僚的，而運荔枝嘅過程亦寫得似層層，應該做過好多考證。

陳可辛依家咁樣分兩集上
其實佢剪三個鐘一套上我都會睇埋佢
依家睇左上集
下集又唔知幾時上
到時都唔知仲入唔入場睇好

第二集有冇話幾時上？

如果口碑同票房麻麻, 仲有無得上都成問題