根據J Law上年比賽成績，佢一開始參賽嗰 1,000,000 美金最後變咗 4,539,000 美金，成績堪稱神蹟。
如果今年佢攞返舊錢，照住比賽用嗰套策略繼續 trade 落去，以今年至今嘅表現嚟睇，舊錢都起碼去到 1,200 萬。
大家要知道，佢啲錢，先至滾咗兩年咋。
你再諗深一層，如果佢真係做到每年 100% 或以上嘅回報（根據佢比賽數據講已經算保守），10 年就可以由 1,000,000 美金變成 1,000,000,000，美金喎，真Billionaire，三個逗號，唔係講笑。
到時求其擺喺大盤/ 收下息，每月都有幾百萬美金被動收入，真係做到財富自由、代代相傳、主內平安。
而就係喺咁嘅情況之下，佢竟然冇選擇開對沖基金、冇收 2/20，反而選擇收區區 $1,200 美金開班授徒。默默承受 alpha decay 嘅痛苦，只為普渡眾生。唔係為錢，唔係為名譽，係為我哋。
佢願意放低身段，以凡人之軀，分享佢嘅交易系統，呢種精神，連耶穌都會感動流淚。Warren Buffett 見到佢都要扣返三個響頭認自己係契弟。
我都已經準備好拋低晒工作、老婆、仔女，全心全意投入成為佢嘅十二門徒之一，日日朝五晚三，誓要學識佢嗰套翻倍聖經。
所以大家唔好再計較咩回報邏輯、市場容量、alpha decay、策略可複製性，因為呢啲都唔重要。
佢唔係嚟搵錢，佢係嚟救人。
呢啲，就係愛；
呢啲，就係偉大；
J Law就係我哋世代等緊嘅——現代默西亞。
excel佬 柴狗 雨嬸個班人
