走遍塞浦路斯南北9日

聽朝先上機，依家開定先。其實原本今年諗住春天嘅時候去烏孜別克，但係最後冇成事，之後諗住6/7月去以色列同巴勒斯坦，但係又撞正同伊朗打仗，諗過去北韓，但係太貴諗住遲啲先，所以最後就決定去塞浦路斯。主要都係海灘、飲飲食食、教堂修道院、同埋北邊佔領區廢墟。我諗比起我之前嘅post，應該冇咁特別，始終塞浦路斯本身都係旅遊熱點。

lm

留名支持，好有印象你個科索沃遊記。
除左以色列，你可以考慮去伊朗，個旅遊體驗好好，幾乎冇遊客，果邊除左d做生意ge人之外都超級友善

一路都有諗住去伊朗，嗰度大自然同文化古蹟都係一流，同埋我以前大學同學有好幾個係伊朗人，可以探佢哋之餘又可以搵佢帶路

依家準備去機場，就講吓呢個地方嘅歷史。塞浦路斯係一個位於地中海東面嘅島國，但唔係好大，只有威爾斯嘅一半，東面對岸就係敘利亞同黎巴嫩，所以有講法話呢度都係中東。按中國外交部嘅說法，自古以來都係希臘一部份，古希臘人好早就已經居住喺呢個島。

後嚟先後被拜占庭帝國同十字軍國家統治，直到鄂圖曼帝國征服之前，都係威尼斯共和國嘅屬國。喺鄂圖曼帝國征服咗之後，不斷有土耳其人遷入，但同帝國其他地方一樣，希臘人同土耳其人都係相安無事，河水不犯井水。

一戰之後鄂圖曼帝國瓦解，英國就吞併塞浦路斯，成為殖民地。英國做佢最擅長嘅分而治之，同時間希臘同土耳其嘅民族主義亦都升至高峰，當地嘅人亦都更加重視希臘或者土耳其呢個身份，而唔係塞浦路斯人。亦都因為咁抵抗英帝國殖民統治回歸祖國 （希臘/土耳其）就越嚟越流行。

英國失去左巴勒斯坦同埃及之後，就希望繼續留喺塞浦路斯，以保持對蘇彝士運河嘅控制，但係咁樣就激氣當地嘅民憤。唔但只平民，教會嘅上上下下亦都好支持，神父講道嘅時候，都會宣揚脫離英國統治。最後希臘嘅游擊隊領袖嚟到塞浦路斯同英國展開游擊戰，戰爭期間英國動用當地嘅土耳其人壓制，為日後分裂埋下伏線。

有興趣可以睇呢集帝國斜陽
https://youtu.be/oBsI_DDeagA?feature=shared

最後游擊隊放棄戰爭，主和派嘅塞浦路斯總主教馬卡比奧同意獨立唔合併至希臘，作為條件，英國結束殖民但保留兩個地方做海外軍營。

1974土耳其入侵塞浦路斯，從此全國一分為二，北面土耳其，南面希臘同埋兩個英軍基地，中間係聯合國嘅分界線，亦都即係no man land，除咗其中一到係同英國相連所以冇分界線。國際間除咗土耳其之外冇人承認北塞浦路斯。

分裂帶嚟好大嘅問題，入侵之前土耳其人只係佔總人口嘅兩成，所以北面原本就住咗好多希臘人，佢哋被逼放棄家園同財產走難去南面，連帶好多嘅東正教教堂亦都因此荒廢。同時間聯合國分界線內原本係有好多希臘人，佢哋因此唔可以留喺度，不過後嚟就容許少部份返去耕田，入邊仲有位於首都嘅尼科西亞機場，所以而家飛去塞浦路斯就要去收到附近嘅城市拉納卡，如果想直接飛去首都，係可以去Ercan機場，但係係喺北面，所以若果去南面嘅話，塞浦路斯見你護照冇南面嘅入境張係會以揮發入境為由，即使遞解出境。

講住咁多先。

我睇人地遊記話d電話卡南北唔通，你係預備左唔同ge定依家有esim可以解決倒？btw你今次去都係主要睇同東正教有關ge野？

機票貴？

廉航計埋行李仲貴，所以今次坐漢莎航空

我張sim卡包歐盟5Gb，所以南面冇問題，但係北面跟土耳其所以唔包，我張卡可以add on 土耳其嘅數據，當然係要另外收費。雖然我部電話係喺香港買所以冇eSIM，不過應該就唔會買過張。今次一嚟度假睇吓湖光山色，二嚟去下教堂，主要係想去喺北面因為戰爭而荒廢咗或者變咗做博物館嘅教堂，除咗東正教，仲有亞美尼亞使徒教會同埋天主教馬龍派嘅教會

正，亞美尼亞使徙教會d教堂同東正教教堂style都幾兩個極端，唔知馬龍派教會ge教堂建築特色係點，期待你分享

使唔使帶兩本護照入境
以免第日去希臘或者火雞有麻煩？

陸路去北面嗰邊唔會抌印，但係你要求嘅話都可以，如果你係飛去就會，但都係抌喺張紙到，我未聽過有北面嘅印，去南面或者希臘有咩問題，但保障起見加上冇多本護照，我唔會特登叫北面抌印

LM
人在土耳其COV機場 1.5hrs後飛北塞

去Ercan? 我聽日會去土耳其嗰邊嘅尼科西亞

飛Ercan 我留4晚都係住Paphos 揸車周圍睇吓

你冇南面入境印點樣去Paphos?

留名 記得巴打嘅Moldova同Kosovo遊記

有諗過去希臘順便去埋 (定係去Crete)
兩地睇嘅嘢又會唔同

亞美尼亞教堂風格好有特色 一睇就認到

今次唔得閒，原本諗住去完塞浦路斯就去阿方索山，同埋本身對希臘冇乜興趣

題外話 希臘都係信東正教
但點解佢哋12月又會慶祝聖誕節唔係1月

其實得幾間東正教會仲有用儒略曆，例如俄國，所以佢哋所有野都係遲13日，希臘除咗阿方索山之外都冇再用

留名支持
記得巴打係東正教徒，相信去塞浦路斯，參觀當地教堂修道院會比我地有更深感受，期待

歐盟passport所以冇問題 啱啱過咗境