今日（29/7）黃美棋現身電視城出席無綫節目《玩轉粵東粵北懶人包》宣傳造勢活動。提到老公鍾健威最近身體健康狀況，美棋接受訪問時表示：「其實喺我出發去拍呢個節目之前，發現佢係唔舒服，於是就安排喺我出發前一日就陪佢入院睇醫生，照腦同檢查對眼。醫生發覺一切正常，認為都係偏頭痛嘅症狀嚟，就開咗啲藥俾佢食。然後就上去拍嘢，呢段時間佢就要自己照顧自己，佢仲同我講笑話呢段時間好靜好舒服，因為佢成日都會話我好嘈，變咗佢可以靜靜咁休息十日。不過呢排佢又痛返，開始耳鳴又塞，醫生話偏頭痛係冇得醫，亦都搵唔到個根源，好多人都會突然間發作。」
