仁安大廈電錶房疑受暴雨影響，電箱懷疑短路冒煙，全幢大廈及多間地舖一度停電。經搶修後，部分單位雖然恢復供電，但仍有99戶及部分地舖無電，區議員指大廈業主立案法團已聯絡工程人員，但估計可能要3日時間才能復電。有居民無奈覓酒店暫住，雪櫃內的食物料會變壞，嘆「都唔知點算」；另有燒臘店棄掉食材，保守估計每日損失5萬元。
燒臘舖職員表示，今早8時開始停電，據知由於大廈電力系統老化而未能恢復供電。店鋪損失慘重，需要將壞掉的燒臘棄置，「計埋嘢食，計埋唔做生意，一日起碼損失5萬呀」。
黃小姐於一樓經營美容店，她指今早9時起已停電，已取消4名客人今日的預約，損失千元。她帶同小量食物，外出找酒店暫住一天，至今未知何時
搶修完成，「雪櫃啲嘢都唔理佢啦，由佢啦，變壞都無辦法」，無奈嘆：「都唔知點算。」
住戶羅先生表示，他收工後，於晚上約7時返回仁安大廈住所，被妻子告知大廈曾起火，電力供應中斷，「無冷氣、雪櫃啲嘢又無晒，應該都得架啦。」他亦指，今晚會偕妻到附近親戚家暫住。
觀塘區議員馬軼超在場協助居民，他指水電師傅經過初步搶修，仁安大廈康寧道一側回復通電；通明街一側電錶完全燒毀，受影響的包括1至9樓近通明街一側，合共99個單位，仍未恢復供電。業主立案法團已聯絡工程人員，估計搶修需時最快3日，但由於工程款額過大，法團需要找水電承辦商報價，開會批款及通知業主。
觀塘民政事務處、關愛隊已開設攤位協助居民。明愛康寧道55號社區客廳開放予居民暫住，有淋浴、煮食工具、休息地方，另民政事務署觀塘居民社區中心亦已開放，會安排車輛接載居民前往。
人人都是Ir