【科幻故唔係科幻幻故/幻幻故】《今次一定救到你》(5)

飛揚

381 回覆

4 Like 0 Dislike

揸𨋢人2.0 2025-08-01 18:36:10

晚

飛揚 2025-08-01 18:59:00

揸𨋢晚

小新之助 2025-08-01 18:59:28

飛揚 2025-08-01 19:01:07

上回講到安哥仔淆低走咗去喎！
冇撚用㗎！
唯有時世冷傲退鐘國強！表明立場免惹麻煩！
鐘國強當然忌時世三分！帶埋班𡃁走先走先！
柔柔同班女仔都好感激時世救咗佢哋～
時世終於明白點解自己會吸引到柔柔！就係因為救咗佢！
而家又救咗佢一次！個傾慕之情又加深咗喇！
時世同柔柔落去長檯搵返家嘉佢哋先～
班女仔就立即講返件事～安哥仔就死狗樣…
時世就捉安哥仔入便衣室屌鑊甘！
『屌你老母你都知你自己係碌廢柴？咁你頭先走乜鳩吖？碌呀嘛！你係碌廢柴就碌出去啦廢柴！』講到時世都嬲呀真係！
「咁又可以點姐？」安哥仔自暴自棄咁，「人哋黑社會嚟㗎！」
『黑社會又點撚樣呀？黑社會咪又係...』時世都未將個“人”字講出口...
「我唔同你呀！」就俾安哥仔截斷咗時世！「我都唔知點解你會唔驚黑社會嘅！」
『唉...』時世擰擰頭，『咁係因為你冇見過啲更加恐怖嘅嘢姐...』
要時世點講呢？你都未接觸過...
不過喺不久嘅將來唔單止接觸...仲會切身體會到...
安哥仔一頭問號咁打量住時世...
『唉...』時世都只好無奈咁擰擰頭，『明就明...唔明就嚟明㗎喇...』
「黎明？」安哥仔就更加唔明...
『黎唔黎明都好啦...』唔好糾纏喺呢啲地方，『你係唔係真係好愛柔柔先？』
「真係真係！」安哥仔好肯定點晒頭！「好愛好愛柔柔！」
『好愛就應該要好好保護佢...好好保護你所愛嘅人...』呢個係重點...
為咗保護自己深愛嘅人...
就算面前有幾強大嘅恐懼...
就算明知自己係脆弱嘅雞蛋...
就算必定粉身碎骨...都要有必死嘅心！去保護自己深愛嘅人！
時世一直都係抱住呢個心...一定要救到家嘉！
跟住嘅劇情發展又會係點呢？

準備出文

飛揚 2025-08-01 19:01:36

安哥仔點點頭...點點頭...

就咁睇安哥仔係明白嘅...之但係又帶住迷惘...

『總之我哋一定會諗辦法令你同柔柔一齊...』我拍拍安哥仔膊頭...

講就咁講...

「嗯...」安哥仔點點頭...

不過要點做呢？

講真嗰句，就算我哋諗到方法...都要安哥仔踏出嗰一步先得㗎...

就好似頭先咁咋嘛...根本就係機會嚟喇飛雲！

之但係安哥仔淆底就真係冇撚計㗎喎！

咁我又同安哥仔講一定幫佢諗辦法？

唔係咁講可以點講吖？

你睇佢個衰樣...自信心都全失啦...

而家要做嘅...要增加安哥仔嘅自信心先？

飛揚 2025-08-01 19:02:57

同安哥仔出返去，搵家嘉佢哋一齊食啲嘢...

「其實我頭先都好驚㗎...」

佢哋都仲係討論緊頭先鐘國強搞事件事...

「但係你好似威姐咁企喺前面已經好勇喇！俾著係我...都係匿喺威姐後面...」

大家都圍繞住柔柔...

「真係唔係呢...真係唔係呢...我嗰刻都唔知自己做得啲咩...」

或者咁都好嘅...起碼冇將個焦點放喺安哥仔身上...

而家嘅安哥仔...成隻龜咁...縮埋個頭...

飛揚 2025-08-01 19:03:54

「都係多得時世及時嚟到...」柔柔帶住微笑望住我...

『哈哈...咁我哋見你打咗鐘都仲未過嚟...所以就去搵搵你囉...係喇都差唔多喇～執嘢先～』都係唔好再喺呢件事上打轉...

免得俾大家察覺到...柔柔對我嘅傾慕之情（屌講到自己萬人迷咁我自己都覺得老尷...）...

返到上班房樓層...

「Lunch見喇～」柔柔帶住微笑向我哋揮揮手～

『Lunch見～」目送住柔柔行入班房...

我哋都返入班房，坐返埋自己位。

安哥仔都仲係死狗樣...都係要俾啲時間佢平伏...

揸𨋢人2.0 2025-08-01 19:04:13

剪

飛揚 2025-08-01 19:05:04

死毒撚究竟要灰鳩幾耐先會振作㗎？！

會唔會覺得好浪費呢個地球上嘅空氣？浪費寶貴嘅資源？

你知唔知一日有幾多小時吖？得廿四㗎咋！

你灰鳩，時間係唔會停止㗎！

乜鳩都唔做！每分每秒都踎喺角落頭自怨自艾有春用咩？

醒吓啦！振作呀仆街！

唉...算啦...屌鳩毒撚都冇閪用...越屌就只會越灰鳩...

唉...有咩都係留返Lunch先講啦...

飛揚 2025-08-01 19:06:04

講咗時間過得好快...

“叮叮叮噹叮叮叮噹”話咁快就到咗Lunch～

柔柔行到嚟我哋班房門口，同我哋揮揮手之後就左望望...右望望...

我哋都一齊行出去，家嘉又跟住一齊左望右望：「有咩望吖？」

「冇...」柔柔擰擰頭，再望多兩眼，「冇吖...」

『真係冇？』我都隨便望兩眼，『係怕鐘國強又嚟搞事？』

威姐一聽到，都立即提高警覺咁左望右望！

而魚魚都好快咁匿喺威姐身後！

至於安哥仔...都係唔敢望多幾眼囉...

飛揚 2025-08-01 19:07:29

「嗯...」柔柔點點頭，「我都叫咗我哋班女仔要小心啲...希望佢哋唔會撞到嗰班人啦...」

『放心啦～』我就行出班房門口，『佢哋唔會再嚟搞事㗎喇～最起碼短時間之內...』

家嘉行埋嚟我身邊：「短時間之內？」

『嗯～』我就拖實家嘉隻手仔行，『越遠嘅嘢就越難預測呢...』

除非已經遇過一次...

大家都好似唔多明...不過...明就明，唔明就嚟明啦～

而我早早就拖住家嘉行係有原因！

都係想自然地同柔柔保持返個距離...

威姐同魚魚有心又好～無意都好～都好自然咁行埋一齊～

咁又好自然咁淨返安哥仔同柔柔一對咁行～

飛揚 2025-08-01 19:08:45

行到出校門口～一直都係一對一對咁行～

好自然～一直都係咁自然～完全唔似係俾機會安哥仔～

咁安哥仔有冇好好咁把握機會呢？

喺路過嘅廚窗又好...鏡面反射又好...偷偷望去後面...安哥仔同柔柔...都係好似冇乜嘢講...

而且佢哋又唔係行得咁埋...稱唔上親密...個氣牆直頭就好似有絕對領域喺中間將佢哋兩個分隔開...

唉屌...都預咗㗎喇...安哥仔都唔會生性得去邊㗎啦...

一直維持到入去餐廳...邊食邊傾...

縱使我哋都好似之前咁，俾晒機會安哥仔同柔柔一齊坐...俾晒機會佢照顧柔柔...都係一鳩樣毫無進展...

飛揚 2025-08-01 19:10:02

更大嘅問題係...

「時世～」柔柔夾隻雞翼俾我，「呢邊你夾唔到～我夾俾你～」

『哦哦唔該唔該...』我都唔係咁好意思咁接過柔柔隻雞翼...

唔好再借機同我親密得唔得？

即係雖然大家都仲係懵然不知咁察覺唔到...之但係都唔可以咁㗎...

都唔使再咁落去...而家一直向住原本嘅劇本直衝過去喇！

究竟改變路線嘅切入點係喺邊度吖？

點解一直都搵唔到㗎？

會唔會已經錯過咗吖？

錯過咗咁點算吖？

係唔係已經冇得改變㗎喇？

飛揚 2025-08-01 19:12:11

好煩呀！唔好話你哋覺得煩...我自己成日都要喺呢啲問題上打轉都覺得煩撚死喇！！我就嚟痴線㗎喇！！！

冷靜啲！冷靜啲先...唔會嘅！一定唔會冇得改變嘅！喺14,000,605種可能性裡面...唔會得一個可能性可以救返家嘉同柔柔咁唔好彩㗎嘛！

一定仲有機會嘅...就算個機會唔喺而家...都總會遇到...

只要留心啲...再留心啲去留意四周...

而家Lunch冇機會姐...話唔定放學有呢...

你點知聽日一定係明天㗎？

唔知㗎～希望在明天吖嘛～～～

飛揚 2025-08-01 19:13:41

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～