花劍世一蔡俊彥(Ryan) 終於感受到當年牙朗果種受歡迎程度（一半）

十年寒窗無人問
一舉成名天下知



https://www.threads.com/@orangenewshk/post/DMo41WDNOww?xmt=AQF0kGSRDBGQET8jY64v6rQ5QftULPnxfOLFZ56yowxLWQ


香港男子花劍選手蔡俊彥(Ryan) 今日中午時份凱旋回港，傳媒訪問全面睇！🥇🤺

奧運要換佢

香港人就係咁現實

3年之後嘅事 可能張家朗3年後又peak番

除非分咗手啦，本身已經連續兩屆奧運冠軍，年紀又唔細，條女仲要咁正，不如望佢正正經經轉做教練幫吓其他選手好過

夠分可以派兩個出戰

on9，張先廿八，大把人3字頭先發圍

一睇就知你無比賽開，甚至連運動都無做開，3字頭先發圍同已經發咗圍10年8年到3字頭係天淵之别，頂級運動完本身要維持住巔峰已經難，佢仲要已經巔峰咗咁多年到3字頭，咁都有得比

想知國泰有冇包佢business

所有運動都係咁 原本都冇人知澤仔打網球架啦

膺世界冠軍凱旋返港
從經歷低潮到連奪3冠
蔡俊彥走出怨恨與遺憾
「我好感恩！想對啲由細到大都唔想我成功嘅人講，對唔住，我得咗啦！」

謙稱實力還比不上張家朗

香港男子花劍代表 #蔡俊彥 日前於世界劍擊錦標賽中勇奪個人賽冠軍，其世界排名亦在短短兩個月內從第32位升至第1位，成為新科「世界第一」。今（28日）他凱旋返港，對於近月先後在上海大獎賽、亞錦賽，以及此次的世界錦標賽奪冠。這位27歲港將坦言非常夢幻：「世界有好多好努力嘅劍手，但冇乜人可以連續贏3次，仲要世界排名就由32跳上第1，係我全職最初想達到嘅目標。」

談及成為港隊首位世界冠軍的感受，蔡俊彥謙虛表示，一度以為女重劍手江旻憓曾獲此成就。他坦言過去劍擊生涯屢遇挫折，曾經帶着怨恨與遺憾前行，「我整個劍擊生涯經常都爭少少，有好多次都覺得『係我㗎啦，係我大日子，我今日應該會拿冠軍了』，但是很多次都最後8強輸一分，總之從來沒有一次覺得很圓滿，有種憤世嫉俗嘅感覺。」

一年前，他無緣巴黎奧運，只能在電視台擔任旁述，他感激自己一直堅持，沒有放棄。這次世錦賽奪冠，他首次感到「我好感恩！上天對我真係好好」，並表示「我真係冇嘢可以投訴，我會懷感恩嘅心去繼續打劍。」

對於網民「有家底才能追夢」的言論，蔡俊彥強調，家人無條件的愛才是他最大的支柱：「父母除了經濟上支援之外，從來冇畀過任何壓力我，我想就算有啲好富裕嘅家庭，都未必可以畀到咁樣嘅支持自己子女，所以我好感激我嘅父母。」他亦感謝好友在低潮時的陪伴，以及教練團隊的信任，並笑住話：「想對啲由細到大都唔想我成功嘅人講，對唔住，我得咗啦！」

【劍指洛杉磯奧運】
雖然在個人賽封王，蔡俊彥對港隊在世錦賽團體賽的表現略感遺憾。港隊這次變陣，由蔡俊彥代替隊友張家朗守尾門，最終僅獲第七名。他認為港隊有實力躋身前四，並以衝擊2032年洛杉磯奧運男花團體賽席位為長遠目標。

對於網上將他與張家朗比較的聲音，蔡俊彥大方回應：「有些人在網上比較我倆邊個比較厲害，但家朗連續兩屆贏奧運金牌，實力毋庸置疑。佢近來狀態唔好，手腕又有傷，而且一個人已經達到巔峰兩次，點樣都會有少少疲累感覺，要時間恢復過來。」他謙稱實力還比不上張家朗。

蔡俊彥計劃於8月底休假後，備戰新賽季及11月15至20日在啟德體育園體藝館舉行的全國運動會。他謙虛表示，雖然世界排名第一，但仍有數名劍手實力在他之上，認為自己尚未完全配得上「世一」稱號。他為全運會定下目標：「期望個人賽可以晉身八強。」

#娛壹

笑撚左，張小倫33歲先亞錦冠軍你知唔知？