人死後究竟去邊度

個人覺得人死後反而先係咩都有可能，死咗冇咗意識，亦都可以話係冇咗時間嘅概念，因為冇意識，所以就冇時間嘅概念即係乜都冇可能發生，但係我哋出世前都係冇意識，都係冇時間定義，地球上所有生物出世前都係冇意識去定義時間，個人偏向死亡就好似瞓覺完全冇意識，到你睜開眼已經變成一個生命又有意識，分分鐘可能成個過程好快，前1秒你死咗，下1秒你就唔知做緊啲咩嘅生物，可能喺宇宙入面已經經過咗幾十年，但因為冇意識，所以你都意識唔到，你淨係只係一個狀態就係有做返動物如果你投胎又係做香港人就更加慘又要返工，我唔係信有呢啲輪迴嘅嘢，我只不過係相信人死咗就乜嘢都冇，但反而乜嘢都冇嘅時候，反而就係乜嘢都有嘅時候

宗教就唔講啦

人死如燈滅

我覺得冇天堂，天堂地獄只不過係嗰啲濕鳩社會當權者，為左啲人可以遵守社會嘅規則，統一人嘅思想，而作出嚟嘅嘢啫，宗教亦都係，生命根本無分對錯，真理都係冇分對錯，唔會話你殺一個人就係你錯，你救一個人就係你啱，呢啲只不過係社會比我哋嘅教條，所以先會覺得好多嘢都係有對錯，但如果宏觀嚟睇，響生命嘅角度，根本就冇對同錯，咁又何來天堂同地獄

中陰身，49日之後輪迴

人死如燈滅，但正正係因為滅所以先有生，正正冇意識，先至會有意識，我哋人出世之前都係好似燈滅又或者死亡咁都係冇意識，咁點解我哋嗰陣時出世嘅冇意識可以做到生命？反而死後都係冇意識就反而做唔到生命？

我就唔會覺得係49日輪迴，我會覺得係我哋死亡嗰一刻冇咗意識，都下一秒我哋有返意識，就已經係生命。但中間一定係過咗好多好多億年，但係我哋唔知因為我哋根本就冇意識，冇意識自然就唔會有時間嘅存在

現實就係地獄

啲佛教話咩唯有業隨身，我都係唔信，社會就話分對錯啫，就會覺得你殺一個人係你唔啱，但如果去到大自然，根本就唔會咁分。對錯從來都唔存在，咁又何來有業隨身呢？咁當然我唔係鼓吹人哋傷害別人，殺人嗰啲真係仆街嚟。

咁係因為你冇錢，你試下你老竇係李嘉誠咁就天堂架啦

虛無

「前1秒你死咗，下1秒你就唔知做緊啲咩嘅生物」

你呢個概念即係類似輪迴，下一世未必係做返人，可以係其他物種，一直循環落去，之後去到某一世可能又可以「好好彩」做返人，至於係邊一個國家嘅人又要睇彩數。以上都只係將個「世界」局限喺地球上面，如果「輪迴」呢個system 係計曬成個宇宙唔同星球，咁呢個隨機性就係天文數字咁大。

有趣嘅係，如果人死後係類似「輪迴」嘅方向去行，你去到下一世，就會完全冇曬上一世嘅記憶，呢樣又係同飲孟婆湯嘅故仔又係不謀而合。

係虛無，但你出世前都係虛無，咁點解嗰陣時虛無就有生命，死後就冇生命？理論上大家都係虛無，生之前嘅狀態，同死之後嘅狀態根本就一鳩樣，都係冇意識都係虛無，兩者都係虛無，咁點解一個就有生命，一個就冇生命？我個人偏向人死後真係乜柒都冇，但就係因為乜都冇，所以先乜嘢都有可能發生，調返轉咁講，去到你有咗啲嘢嘅時候，反而就好多嘢都冇可能會發生得到

類似係輪迴，但絕對唔會係輪迴，而係一種乜嘢都有可能發生

我覺得佛教輪迴，又或者孟婆湯呢啲點解會誕生，最主要原因都係因為人類對死亡嘅恐懼對未知嘅恐懼，自自然然有需要啲宗教去解釋呢啲嘢，呢個其中一個原因，第二個原因就係輪迴去到最後其實都係想導人向善，千祈今世唔好殺人呀，如果唔係下世投胎就做狗，今世記住要救人啦，下世投胎都會做返人㗎，我覺得呢啲根本係戇鳩，根本大自然角度就冇分對錯

我哋嘅出世都係天文數字可能性咁大，仲大過天文數字嗰個隨機性，所以就證實咗我嘅理論，當你虛無嘅時候，就自然會有無限嘅可能性，反而去到你實質擁有一啲物質嘅嘢，你就會失去無限嘅可能性

Law of one

人的意識係來自外部環境定內在自我？唔同人有唔同見解

人死如燈滅，無插外在電制，無外在供電，燈係唔會着的

去到死撚左，唔着啦，換個燈泡，意識就好似個燈泡，換走左就再無同一個意識，世界上萬事萬物時空上都係獨一無二的，意識同燈泡亦如是

應否將信神教定義為邪教？
數千年來都找不到神還要呃神騙鬼？

信神教小圈子排外
總是想操控別人
要求教徒奉獻金錢以便籌集資金
經常引起戰爭
發動恐怖主義活動
假裝和平有愛情操高尚
但事實上做着違背和平的事

同意，人的世界本質上無對錯，曹操唔一定係錯，劉備唔一定是對，對錯只係社會同法律叠加上責任賦予普通人一種價值觀，簡單來講就係引導所有人成為道德撚，方便管理

的確所謂意識只不過係大腦做出嚟嘅產物，人死咗就乜嘢都冇，照道理我哋都唔會存在，亦都可以咁講我哋嘅腦袋真係獨一無二，因為我哋唔係一個獨立嘅靈魂，我哋只不過大腦做出嚟嘅嘢，做出嚟嘅產物，做出嚟嘅意識，但係點解會做到出嚟？點解偏偏我係人？所以就話去返物質方面，當你而家擁有一個大腦，擁有一個意識，擁有外在嘅嘢，擁有物質嘅嘢嘅時候，你自然就會失去所有嘅可能性，相反到你死咗，你再唔會係人，再唔會係意識嘅時候，再唔會係獨一無二嘅時候，呢個時候就係乜嘢都有可能發生嘅時候

雖然無天堂地獄
但點會無對錯
你咁仲得了嘅