離職比上司暗算，仲要賠錢，可以點部署

畢業之後就係一間公司做，做左六年。今年個市唔算太好，公司開會講要預備炒人，自己就早做打算。好彩今年6月收左新公司offer，background check過左之後即刻遞信。有send email，但比大老細勸返，等多一個月可以拎bonus，我諗都有四五皮野咁，只唔過要賠半個月人工，因爲舊公司last day遲過同新公司入職時間。只好賠錢早走，呢件事我老細都知。提左離職後，過多一個月先formal submission可以拎b仔。岩岩收到花紅，只得萬幾蚊，但我半個月人工都兩三萬。即係我宜家要貼錢比公司。我非常之氣憤😡，感覺比大老細暗算。因為我提左離職之後先話俾我知，我performance review係B-，仲同我講反正以後要走，冇咩所謂，點知bonus差咁多？宜家同公司傾緊點樣waive左個payment in lieu of notice。 都係老細勸我遲走一個月，點知要賠錢比公司。好擔心老細會反水，因為我發左郵件比hr，cc 佢佢都未覆。個位巴打絲打可以點部署。自己走比人搞到要賠錢。慘慘慘慘慘！

30歲人出文唔識分段,講野又冇條理

有能力搵四五皮但係冇能力諗呢D問題

sry，我情緒唔好，我重新po

因為信任老細，覺得佢要我遲走為我考慮，點知搞到我要輸錢比公司。

口講口賠

做左6年嘅老公司，今年市況麻麻，有風聲要炒人。好彩6月收到新offer，background check搞掂即刻諗住遞信。

send完email老細叫我等多一個月可以攞bonus，諗住有4-5舊水咁，但要賠返半個月人工。因為last day同新公司入職日期對唔到，要早走。我老細知道呢個情況。


離職後一個月先formal submission 可以拎bonus。結果攞到手得萬幾蚊，但要賠返2-3萬人工。即係要貼錢比公司！仆街！😡


最嬲係提完離職先講我performance B-，仲要講句「反正你都要走」！而家同公司傾緊點樣waive個payment in lieu of notice。


老細勸完我等多一個月，而家要賠錢。發email去HR cc埋佢都冇覆，驚佢反口。

請問各位巴打點部署好？真係慘過敗家！

你都話今年個市唔好，你仲諗住有4,5皮Bonus

如果你想拎埋個B仔先走，就一定唔可以比老細知，知道左就一定要走，唔好聽佢係度畫餅

就當你原本真係有4,5皮B仔，老細知你想走，又有Offer，宜家佢仲有萬幾蚊俾你，你都應該偷笑啦，仲話佢暗算你，唔係掛

好難幫得你落, 只可以話你太天真, 係人都知你走, 係performance同bonus一定會隊死你唔會比返同以前咁上下level, 你老細係仆街, 但都算係正常操作, 與其比人話暗算, 不如話你想食到盡結果偷雞不成蝕渣米

只能夠話世途險惡

你自己on9貪心

輸經驗
交學費啦
花紅可多可小 可有可無

向前看

證明搵唔搵到根本唔關能力事
大把高薪厚職都係一班白痴喺度做梗

大個仔啦唔好信人

計咁盡

計埋bonus

賠錢啦⋯⋯

樓主比人算到盡啊

pin la

啲bonus 成team 分，點解要比個走既人。信老細為你好可以去驗下腦

black and white 都唔識? 信老闆?
唔系話唔信你, 不過好可疑喎

因為其他人review都已經有，我仲未出，等到我提離職之後先話我review係B-。但冇同我講bonus會差咁多。我做六年從來未試過拎咁少。我可能因為要走，比人當替罪羊。如果冇信老細話，六月遞信，7月走，可能冇bonus但唔使輸錢，宜家要賠返公司幾千塊。因為覺得比人蝦，條氣唔順。

正常都出左B仔先攤牌

咪當交學費
仲可以點

我冇想食到盡，因為我6月就已經遞信，7月尾出bonus，我已經知做唔到果陣冇諗住拎呢筆錢。但係老細要我遲走一個月，說服我拎左bonus再走更加好。宜家變左我要賠錢。係我老細算到盡。