關於死亡，有幾個問題想請教下！

假如一個人突然/意外地死去

1. 死者生前的卡數/貸款，會唔會轉移比佢屋企人去償還？
或者銀行/財務機構可向死者遺產追討？
還是死者屋企人可選擇無責任承擔，最後由銀行/財務機構承擔返個損失？

2. 如果死者生前有一個佢名下的負資產的物業
舉例，物業市值500萬，但仍欠銀行650萬。
死者死後，佢屋企人係咪可以選擇唔要個物業，由銀行自行處理返？
因我在想，若物業業權由死者家人接手
咁佢屋企人咪立即變負資產？
還是，銀行又可以向死者遺產追討返個損失？

3. 若果死者生前有買到人壽保險
其實投保人死後，死者家人一般去申請返個保險賠償，多唔多案例遇到保險公司的挑剔/為難？
例如可能係，投保人死於自殺，未能賠償？
又或者，投保人死前原來check到有心臟病、或其他疾病，而佢又無向保險公司申報返。
Ohh, 所以以致索賠失敗。
會唔會咁樣的？
還是人壽保障一般都好爽快？

4. 死者生前供落嘅MPF，可以cash out比屋企人？

5. 銀行戶口的遺產處理，銀行會唔會收幾多%行政費用？

純粹了解下、討論下。

珍惜生命

純粹想了解下一個人死後的財務處理
所以開係財經台

今日單新聞既親人？

負資產走去跳樓咁無責任感？

今日單悲劇令我想起呢啲問題啫
你見其一觸目之處係死者遺落成千萬遺產
又交代晒好多財務細節比屋企人
所以睇大家解唔解答到以上問題

負資產唔跳
唔通升通棚棚聲先嚟quit game?

LM

極危險

今時今日，香港人一般都揸住幾張信用卡嚟碌
閒閒地每個月都要找幾萬蚊卡數
萬一有人唔好彩突然死去
死者屋企人又未必知死者欠緊邊幾張信用卡
到知道時，隨時幾個月至半年後
個啲利息+財務費都咪話唔襟計
想了解，呢啲卡數需唔需要由死者家屬負責返？
還是，直接係財務公司自己承擔返個損失？

討論下啫

哇 係咪案中案呀 問既時間點咁敏感
查查單野好喎
咁多位記者朋友我係鳩癢大明

大家一齊唔好答, 唔好鼓勵自殺

。。。
繼承遺產先決條件係繼承債務
+數你就繼承， -數你就唔要邊有咁好既事。

點解答係鼓勵自殺呢？
做人了解下自身的身後事，唔好咩？
就好似有啲人會寫得遺囑
有啲人會睇定骨灰甕位

撳個掣都懶，幫下你


1.死者的卡數/貸款會唔會轉移比屋企人？
答案簡單來講是：不會直接轉移，但可能間接影響遺產繼承。

個人債務原則上不會由家人承擔，除非：
家人是聯名借款人或擔保人（Guarantor），這樣就會依法負責。
銀行或財務公司會向死者的「遺產」追討債務：
意思是：死者有資產（如存款、樓、股票等），債權人（如銀行）可以優先從遺產中追回欠款。
假如遺產不足以清還債務，餘下的債務就會「銷毀」，家人不需補貼差額。
✅ 家人可以選擇放棄繼承，咁樣就完全無責任。

2. 死者有負資產物業，家人可以唔接收？
可以！家人是可以選擇「放棄遺產」的，包括負資產物業。

如果物業仍欠銀行650萬，但市值只有500萬：
銀行會從遺產中扣回能回收的（例如賣樓）。
家人唔會自動繼承呢筆負資產，除非主動接受該遺產。
遺產承辦時（probate），如果你見到係負資產，你可以選擇唔申請遺產承辦書、亦即唔承繼任何資產或責任。
❗補充：如果死者生前買樓時係「聯名業權」（如夫婦聯名），就要睇清楚係「共同擁有」（Joint Tenancy）定「分權擁有」（Tenancy in Common），因為「共同擁有」係自動轉名比對方，咁就可能間接受影響。

3. 人壽保險索償會遇到刁難？
正常情況下，合法索償係順利嘅，但以下幾種情況保險公司可能拒賠或調查：

自殺：
一般保單都有「自殺免責期」，通常係投保後第一年內自殺就唔賠（超過就會賠）。
投保前已知嚴重病情但無申報（不披露）：
如果發現有「故意隱瞞病史」，保險公司有權拒絕賠償。
但如果係投保後兩年後出事，香港有「不可爭議條款」，保險公司要舉證困難，通常會賠。
虛假資料：嚴重失實陳述會導致保單失效。
✅ 大部分合法、如實申報的人壽保險，保險公司都會按流程賠償，特別係大公司。

4. 死者的 MPF 可以比家人 cash out 嗎？
可以，但要走正式程序。

家人（一般係法定受益人或有遺囑指明的人）可以申請提取 MPF。
需要：
死亡證明
申請人身份證明
如無遺囑，需證明自己係遺產繼承人（如遺產管理書）
💡MPFA 官網會有清晰申請流程指引，通常數個月內完成。

5. 銀行處理死者戶口遺產，會收行政費嗎？幾多%？
香港大部分銀行處理遺產帳戶會 收行政費／遺產解凍費。
具體收費因銀行而異，常見如下：
定額費用（如 HKD $2,000-$5,000）
或按資產總值計算（如 0.3%-0.5%）
另外，辦理遺產承辦書（Probate）的過程亦可能要律師費、公證費等。
💡所以如果死者生前設有「聯名帳戶」會方便好多，不用遺產解凍。

✅ 總結
問題 答案簡述
1. 卡數/貸款會轉比家人？ 唔會，最多只追遺產；家人可選擇唔接遺產。
2. 負資產物業會轉比家人？ 唔會強制轉，比人可選擇唔承接物業與責任。
3. 人壽保險易索償嗎？ 如實申報一般無問題，除非早期自殺/隱瞞病歷。
4. MPF 可 cash out 嗎？ 可以，經正式申請，通常數月處理完。
5. 銀行會收幾多行政費？ 收，視銀行而定，一般定額或按比例收。

1) 睇2點，第一係遺產承辦處既文件上其實寫明承繼人要全盤接收先人既遺產同負債（責任只限由遺產扣除，承繼人唔需要額外還欠債)；當你用死亡證通知財務機構後，由財務機構自己決定要唔要一追到底定一筆勾銷

2) 無人通知銀行, 無人供款落去, 銀行當CALL LOAN銀主盤處理先
有多當遺產一部份，有少就由其他遺產補返差價

3) 就我所知, FWD試過超過一年先知批出, 宏利、BOWTIE會係3-6個月左右會陸續批出(由補足欠供款及提交申請開始計)

4) 遺產承辦人收支票/FPS過數

5) 扣完凍結/行政手續費後退還

咁如果一個人，佢銀行有100萬cash
但負資產物業 -150萬
（當但500，欠銀行650）
如果佢意外去世
咁死者家屬仲承唔承繼佢遺產好呀？
100萬cash凍過水了？

睇下有冇其他資產再計過條數啦
你睇返波仔繼承波叔既現況就明一部份操作

銀行會直接凍結死者account清算
緊係要拉，自己補50萬就買到個業權

咁即係銀行有權向死者遺產追討損失。
若果死者生前持有負資產物業
咁佢生前存款，都有機會被銀行作追討喎

但你幻想下死者家屬
當時失去咗家庭經濟支柱（可能係）
而且仲要你去拎50萬出嚟
買個樓市向下插的業權喎