可能係世界上最好嘅莎士比亞學習程式（免費）

莎士比亞人人都聽過，但係原著未必人人都讀過。

記得第一次讀係當時做實習醫生嘅時候。可能係考完晒試冇乜嘢做，心裏面一直嚮往呢個大文豪，於是乎就試吓喺on call 36小時得閒嘅時間睇啲睇啲。

第一本睇嘅係 The Midsummer Night’s Dream，讀嘅版本左邊係原文，右邊係翻譯咗普通人都睇得明嘅英文。一開始讀係好辛苦，逐行逐行對，但係成本完成咗之後，確實係感覺到成個人唔同咗升咗級。

記得過一年實習，醫生袍左手邊個袋永遠都袋住本咁嘅書，唔知嘅人可能以為我係傻嘅，雖然識嘅人可能都有啲咁嘅懷疑。但係逐啲逐啲睇，嗰一年都睇咗最出名嗰7、8本。

四五年前小鳥醫生網誌上面都連載過，我嘅一套未曾出版嘅著作《診斷莎士比亞》。寫過悲劇 king Lear，寫過馴悍記、威尼斯商人、仲夏夜之夢。但係我諗冇乜人真正睇過，亦都冇乜人有印象。（可以上網搵得返）

翱翔醫療早前研發咗一個閱讀理解互動程式，最近改良咗，擺咗莎士比亞最出名嗰啲文學作品入去，每一個scene都斬到好細，睇完每一段仔嘅文字都有分析，亦都有多項選擇題考考自己嘅理解。重接駁咗英語字典，撳落個唔識嘅英文字上面就有Pop up解釋。呢個設計解決咗閱讀莎士比亞原著嘅幾個大問題：太大篇會分心、啲字句太難要逐隻查、同埋睇唔穿佢嘅弦外之音。程式仲有朗讀功能，唔想睇字都可以聽聲。

https://www.hkpsychiatry.com/appl/read-shakespeare

Lm

支持小鳥醫生

小鳥醫生又有新作品

比定掌聲

In Doctor Kodori , we trust

Push

推

推，聽得多但都冇睇過，有興趣睇下

正嘢嚟

Push

推

CLS

Push